.png)
.jpg)
.jpg)
ល្បឿនអ៊ីនធើណែតនៅកម្ពុជាជាប់លេខ៤ ក្នុងចំណោមប្រទេសជាសមាជិកអាស៊ាន
- ថ្ងៃសៅរ៍ ទី៣០ ខែឧសភា ឆ្នាំ២០១៥ ម៉ោង ១១:៤០ នាទី យប់
ក្នុងចំណោមប្រទេសជាសមាជិកអាស៊ានទាំង ១០ ប្រទេសកម្ពុជាស្ថិតនៅក្នុងចំណាត់ថ្នាក់ទី ៤ ដែលមានល្បឿនអ៊ីនធើណែតលឿនជាងគេ។ ប៉ុន្តែប្រសិនបើគេគិតពីចំណាត់ថ្នាក់ក្នុងចំណោមប្រទេស និងដែនដី សរុបចំនួន ១៩៦ វិញ ប្រទេសកម្ពុជាជាប់ចំណាត់ថ្នាក់ទី ១០៩ ។ នេះបើយោងតាម ចំណាត់ថ្នាក់ចុងក្រោយបំផុតចេញផ្សាយដោយnet index ជាស្ថាប័នប្រមូលទិន្នន័យអ៊ីនធើណែត ដ៏ធំបំផុតរបស់ពិភពលោក។
ជាមួយគ្នានេះផងដែរ ប្រទេសប្រទេសសិង្ហបុរី បានជាប់ចំណាត់ថ្នាក់ទីមួយ ក្នុងចំណោមប្រទេស និងតំបន់ដែលមានល្បឿននៃការតភ្ជាប់សេវាអ៊ីនធើណែត លឿនជាងគេបំផុតនៅលើពិភពលោក។ល្បឿនអ៊ីនធើណែតនៅក្នុងប្រទេសប្រទេសសិង្ហបុរី គឺមានល្បឿនជាមធ្យម១០៩,៩៦Mbpsខណៈពេលល្បឿនអ៊ីនធើណែតនៅក្នុងទីក្រុងហុងកុងប្រទេសចិនដែលស្ថិតនៅចំណាត់ថ្នាក់ទីពីរមានល្បឿន ១០១,៩៧Mbps។
Mbpsគឺតំណាងឱ្យពាក្យmegabitsដែលជាឯកតានៃការផ្ទេរទិន្នន័យក្នុងមួយវិនាទី។សម្រាប់ទិន្នន័យដែលស្ថាប័ន net index ទទួលបាននេះ គឺជាព័ត៌មានដែលផ្តល់មកពីទីផ្សារនិងក្រុមហ៊ុនអាជីវកម្មសេវាអ៊ីនធើណែត សរុបជាង ១៨ ០០០ ស្ថាប័ន។
ទិន្នន័យដដែលបានបង្ហាញថា បន្ទាប់ពីសិង្ហបុរី ប្រទេសមានល្បឿនអ៊ីនធើណែតលឿនជាងគេ គឺវៀតណាម កម្ពុជា ម៉ាឡេស៊ី ឡាវ ព្រុយណេ ឥណ្ឌូនេស៊ី មីយ៉ាន់ម៉ា និងចុងក្រោយគេ គឺហ្វីលីពីន។
ខាងក្រោមនេះគឺជាឈ្មោះប្រទេសទាំង ១០ ដែលមានល្បឿនអ៊ីនធើណែត លឿនជាងគេបំផុតលើពិភពលោក៖
ទី១៖ ប្រទេសសិង្ហបុរី មានល្បឿនអ៊ីនធើណែតជាមធ្យម ១០៩,៩៦Mbps
ទី២៖ តំបន់រដ្ឋបាលពិសេសហុងកុងមានល្បឿនអ៊ីនធើណែតជាមធ្យម ១០១,៩៧Mbps
ទី៣ ៖ ប្រទេសកូរ៉េខាងត្បូង មានល្បឿនអ៊ីនធើណែតជាមធ្យម ៧៦,១៧ Mbps
ទី៤៖ ប្រទេសរ៉ូម៉ានីមានល្បឿនអ៊ីនធើណែតជាមធ្យម ៦៨,៨៨ Mbps
ទី៥៖ ប្រទេសម៉ូណាកូ មានល្បឿនអ៊ីនធើណែតជាមធ្យម ៦៦,៧២Mbps
ទី៦៖ ប្រទេសជប៉ុនមានល្បឿនអ៊ីនធើណែតជាមធ្យម ៦៤,៣៨Mbps
ទី៧៖ ប្រទេសស៊ុយអ៊ែតមានល្បឿនអ៊ីនធើណែតជាមធ្យម ៥៨,០៤Mbps
ទី៨៖ ប្រទេសហូឡង់មានល្បឿនអ៊ីនធើណែតជាមធ្យម ៥២,៤៦ Mbps
ទី៩៖ ប្រទេសលីទុយអានីមានល្បឿនអ៊ីនធើណែតជាមធ្យម ៤៧,៨៥ Mbps
ទី១០៖ ទីក្រុងម៉ាកាវ ប្រទេសចិនមានល្បឿនអ៊ីនធើណែតជាមធ្យម ៤៦,៩៥Mbps ៕
© រក្សាសិទ្ធិដោយ thmeythmey.com
