.png)
.jpg)
.jpg)
អាមេរិកបណ្ដេញនិស្សិតចិនរាប់ពាន់នាក់ព្រោះចំណាត់ថ្នាក់ទាប និងលួចចម្លង
- ថ្ងៃចន្ទ ទី១ ខែមិថុនា ឆ្នាំ២០១៥ ម៉ោង ៩:១៧ នាទី ព្រឹក
និស្សិតជនជាតិចិនប្រមាណជា ៨០០០នាក់ ត្រូវបានគេបណ្តេញចេញពីមហាវិទ្យាល័យនិងសាកលវិទ្យាល័យនានា នៅសហរដ្ឋអាមេរិកកាលពីឆ្នាំមុន ដោយសារតែនិស្សិតចិនទាំងនោះទទួលបានចំណាត់ថ្នាក់ទាប និងលួចចម្លងក្នុងពេលប្រឡង។ នេះបើយោងតាមរបាយការណ៍ថ្មីមួយពី WholeRen Education ដែលចុះផ្សាយដោយ The Wall Street Journal ។
លោក Chen Hangប្រធានផ្នែកអភិវឌ្ឍរបស់ស្ថាប័នWholeRen បានប្រាប់កាសែតខាងលើថា កាលពីមុននិស្សិតចិន ត្រូវបានចាត់ចូលក្នុងចំណោមនិស្សិតបរទេសដែលរៀនពូកែ ប៉ុន្តែក្នុងរយៈពេល ៥ ឆ្នាំកន្លងមកនេះ អ្វីៗបានផ្លាស់ប្តូរ ព្រោះតែនិស្សិតចិនដែលជាកូនអ្នកមានទ្រព្យសម្បត្តិច្រើន ចូលចិត្តការលួចម្លងក្នុងពេលប្រឡង។
តំណាងស្ថាប័ន WholeRenបានបង្ហាញថា ក្នុងមួយឆ្នាំៗមាននិស្សិតចិនជាច្រើន បានទៅសិក្សានៅសាលារៀននានានៅសហរដ្ឋអាមេរិក ដូច្នេះហើយការបណ្តេញចេញនិស្សិតប៉ុន្មានពាន់នាក់នេះ គឺមិនបានធ្វើឲ្យប៉ះពាល់ដល់អត្រានិស្សិតចិនរៀនកំពុងរៀននៅអាមេរិកនោះទេ។យោងតាមការស្ទង់មតិថ្មីមួយប្រហែលមួយភាគបីនៃចំនួននិស្សិតបរទេសជាង ១ លាននាក់ ដែលកំពុងសិក្សានៅថ្នាក់មហាវិទ្យាល័យ និងសាកលវិទ្យាល័យនៅអាមេរិកគឺមកពីប្រទេសចិន។
របាយការណ៍របស់WholeRenបានបង្ហាញថា ជាងពាក់កណ្តាលនៃនិស្សិតចិនដែត្រូវបណ្តេញចេញ គឺពួកគេជានិស្សិតមកពីសាកលវិទ្យាល័យល្បីៗរបស់អាមេរិក។ ការបណ្ដេញចេញនេះគឺត្រូវបានធ្វើឡើង ក្រោយពេលលទ្ធផលនៃការស្ទង់មតិមួយបានរកឃើញថា និស្សិតចិនទាំងនោះលួចចម្លងក្នុងពេលប្រឡងការលួចបន្លំ និងឲ្យសិស្សដទៃទៀតសរសេរឯកសារជមនួសពួកគេជាដើម៕
© រក្សាសិទ្ធិដោយ thmeythmey.com
