.png)
.png)
.jpg)
.jpg)
ទូតខ្មែរ ជួយសង្គ្រោះពលរដ្ឋខ្មែរ១៦នាក់ ពីប្រទេសឥណ្ឌូនេស៊ី
- ថ្ងៃសុក្រ ទី២៧ ខែមករា ឆ្នាំ២០១៧ ម៉ោង ៩:៥៩ នាទី ព្រឹក
ភ្នំពេញ៖ ពលរដ្ឋខ្មែររងគ្រោះចំនួន១៦នាក់ ត្រូវបានស្ថានទូតកម្ពុជាប្រចាំប្រទេសឥណ្ឌូនេស៊ី សហការជាមួយអាជ្ញាធរ និងអង្គការអន្តរជាតិទេសន្តរប្រវេសន៍ ជួយសង្គ្រោះនិងបញ្ជូនមកកម្ពុជាវិញ។
ក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា ពលរដ្ឋខ្មែរទាំង១៦នាក់នេះ បានធ្វើការនៅលើទូកនេសាទប្រទេសម៉ាឡេស៊ី ហើយបានចូលទៅនេសាទខុសច្បាប់ក្នុងដែនទឹកប្រទេសឥណ្ឌូនេស៊ី ដែលត្រូវបានឆ្មាំសមុទ្រឥណ្ឌូនេស៊ីចាប់ខ្លួន។ ក្រោយពីដឹងបញ្ហានេះស្ថានទូតខ្មែរប្រចាំឥណ្ឌូនេស៊ី បានចុះដោះស្រាយជាមួយអាជ្ញាធរឥណ្ឌូនេស៊ី ដើម្បីជួយពលរដ្ឋទាំងនោះ ហើយកំពុងទាមទារប្រាក់ខែនិងប្រាក់អត្ថប្រយោជន៍ផ្សេងទៀត ដល់ពួកគេផងដែរ។
បើតាមក្រសួងការបរទេស ក្នុងចំណោមពលរដ្ឋទាំង១៦នាក់នេះ មានពលរដ្ឋចំនួន៨នាក់ បានមកដល់ប្រទេសកម្ពុជាវិញហើយកាលពីថ្ងៃទី២៤ មករា។ ចំណែកពលរដ្ឋ៨នាក់ទៀត នឹងបញ្ជូនមកកម្ពុជានៅថ្ងៃទី៣០ មករា៕
© រក្សាសិទ្ធិដោយ thmeythmey.com
Tag:
