.png)
អ្នកប្រដាល់អង់គ្លេសម្នាក់សាក់រូប Pacquiaoប្រកួតជាមួយ Marquez លើទ្រូង
- ថ្ងៃអាទិត្យ ទី២៣ ខែមេសា ឆ្នាំ២០១៧ ម៉ោង ៧:៣៩ នាទី ល្ងាច
អ្នកប្រដាល់របស់ចក្រភពអង់គ្លេស Robbie Barrett បានសាក់រូបស្តេចប្រដាល់ហ្វីលីពីន Manny Pacquiao និងកីឡាករម៉ិកស៊ិក Juan Manuel Marquez ដែលកំពុងប្រកួតលើសង្វៀន នៅលើដើមទ្រូងរបស់ខ្លួនតែម្តង។
អ្នកប្រដាល់វ័យ២៥ឆ្នាំរូបនេះ មានរាងកាយគ្របដណ្តប់ទៅដោយសាក់ជាច្រើនលើដងខ្លួន រួមទាំងសាក់រូបរបស់ Pacquiao ដែលកំពុងប្រកួតជាមួយ Marquez ផងដែរ។ មូលហេតុដែលកីឡាករប្រដាល់សញ្ជាតិអង់គ្លេសរូបនេះ សាក់រូបអ្នកប្រដាល់ល្បីទាំងពីរលើដើមទ្រូង គឺចង់បង្ហាញការគោរព និងការសរសើរដល់សកម្មភាពប្រកួតរវាង Pacquiao-Marquez នៅលើសង្វៀនកន្លងមក។
Barrett ដែលមានកំណើតកើតជានៅក្នុងភូមិ Darfield ប្រទេសអង់គ្លេស ធ្លាប់ប្រកួត ១៧ដង ឈ្នះ១៤ ចាញ់២ និងស្មើម្តង។ ក្រៅពីរូបសាក់រវាង Pacquiao-Marquez រូបគេក៏បានសាក់រូបអតីតស្តេចប្រដាល់ទម្ងន់យក្ស Joe Louis និង Lennox Lewis ផងដែរ។
Pacquiao និង Marquez ធ្លាប់ជួបគ្នា៤ដងគិតចាប់ពីឆ្នាំ២០០៤ ដល់ឆ្នាំ២០១២ ដែលជំនួបលើកទី១ អ្នកទាំងពីរស្មើគ្នា ហើយ៣ប្រកួតចុងក្រោយ Pacquiao ឈ្នះ២ប្រកួត មុននឹងMarquez ផ្តួល Pacquiao ឲ្យសន្លប់ក្នុងទឹកទី៦ ក្នុងឆ្នាំ២០១១៕
© រក្សាសិទ្ធិដោយ thmeythmey.com
Tag:
.gif)
