.png)
.jpg)
.jpg)
តុលាការខេត្តកំពង់ធំសម្រេចឃុំខ្លួននាយកសាលាដែលប្រមាថព្រះមហាក្សត្រ
- ថ្ងៃអាទិត្យ ទី១៣ ខែឧសភា ឆ្នាំ២០១៨ ម៉ោង ៤:៣៩ នាទី រសៀល
ចៅក្រមស៊ើបសួរនៃសាលាដំបូងខេត្តកំពង់ធំលោក ឃន សុកល បានសម្រេចចេញដីកាឃុំខ្លួនលោក ឃាង ណាវី ដែលជានាយកសាលាព្រៃតាហ៊ូ ដែលត្រូវបានព្រះរាជអាជ្ញាចោទពីបទ «ប្រមាថចំពោះអង្គព្រះមហាក្សត្រ» តាមមាត្រា៤៣៧ស្ទួននៃក្រមព្រហ្មទណ្ឌ។ នេះបើយោងតាមដីកាដែលសារព័ត៌មានថ្មីៗទទួលបាននារសៀលថ្ងៃទី១៣ខែឧសភានេះ។
សមត្ថកិច្ចបានបញ្ជូនលោក ឃាង ណាវី មកសាលាដំបូងខេត្តកំពង់ធំនាម៉ោង២រសៀលថ្ងៃទី១៣ខែឧសភា បន្ទាប់ពីលោកត្រូវបានសមត្ថកិច្ចឃាត់ខ្លួនកាលពីរសៀលថ្ងៃទី១២នៅក្នុងក្រុងស្ទឹងសែន។ ការចាប់ខ្លួនលោក ឃាង ណាវី ត្រូវបានធ្វើឡើង ក្រោយសមត្ថកិច្ចរកឃើញថាលោក ឃាង ណាវី ដែលមានគណនីហ្វេសប៊ុកឈ្មោះ «គ្រូប្រពន្ធសរ» បានសរសេរសារអធិប្បាយប្រមាថព្រះមហាក្សត្រ និងរាជ្យវង្សានុវង្ស។
នេះជាករណីបង្ក្រាបលើជនប្រមាថព្រះមហាក្សត្រលើកដំបូង បន្ទាប់ពីក្រមព្រហ្មទណ្ឌត្រូវបានធ្វើវិសោធនកម្ម ដើម្បីដាក់ទោសជនប្រមាថព្រះមហាក្សត្រ។ ប្រសិនបើនាយកសាលារូបនេះ ត្រូវបានរកឃើញថា បានប្រមាថព្រះមហាក្សត្រមែន លោកនឹងអាចប្រឈមការជាប់ពន្ធនាគារពី១ឆ្នាំទៅ៥ឆ្នាំ និងត្រូវពិន័យជាប្រាក់ពី២លានរៀលទៅ១០លានរៀល៕
អត្ថបទទាក់ទង
© រក្សាសិទ្ធិដោយ thmeythmey.com
