.png)
លោក Madley ប្រកាសឈប់ធ្វើជាអាជ្ញាកណ្តាលនៅ Premier League
- ថ្ងៃសុក្រ ទី១៧ ខែសីហា ឆ្នាំ២០១៨ ម៉ោង ៧:៣៩ នាទី ល្ងាច
លោកអាជ្ញាកណ្តាល Bobby Madley បានចាកចេញពីតំណែងជាមន្ត្រីអាជ្ញាកណ្តាលកាត់សេចក្តីការប្រកួតនៃក្របខណ្ឌ Premier League បន្ទាប់ពីប្រកបអាជីពរយៈពេល៥រដូវកាល។ នេះបើតាមការផ្សាយរបស់ SkySports។
អាជ្ញាកណ្តាលក្មេងជាងគេប្រចាំលីគកំពូងអង់គ្លេសរូបនេះ បានប្រាប់ហេតុផលពីការលាលែងរបស់ខ្លួនទៅកាន់ស្ថាប័នមន្ត្រីកីឡាអាជីព (PGMOL) ថាដោយសារ«ការផ្លាស់ប្តូរនៅក្នុងកាលៈទេសៈផ្ទាល់ខ្លួនរបស់លោក»។
Madley វ័យ៣២ឆ្នាំ គឺជាអាជ្ញាកណ្តាលអាជីពម្នាក់ក្នុងចំណោម១៨នាក់ ដែលបានទទួលខុសត្រូវកាត់សេចក្តីការប្រកួតនៅ Premier League ចំនួន ៩១ដង ចាប់តាំងពីចូលរួមដំបូងក្នុងឆ្នាំ២០១៣។
កាលពីឆ្នាំ២០១៧ អាជ្ញាកណ្តាលសញ្ចាតិអង់គ្លេសរូបនេះ បានទទួលខុសត្រូវកាត់សេចក្តីក្នុងការប្រកួតពាន Community Shield រវាង Arsenal-Chelsea នៅកីឡដ្ឋាន Wembley និងទទួលបន្ទុកដឹកនាំការប្រកួត១៩លើកក្នុងលីគលំដាប់ទី១អង់គ្លេសរដូវកាលមុនផងដែរ។
សម្រាប់រដូវកាលថ្មីនេះ Madley មិនមានវត្តមានក្នុងការប្រកួតនៅសប្តាហ៍ដំបូង Premier League នេះទេ៕
© រក្សាសិទ្ធិដោយ thmeythmey.com
Tag:
.gif)
