ចុងក្រោយបងប្អូនកូរ៉េទាំងពីរ ព្រមព្រៀងគ្នាចរចា កាត់បន្ថយភាពតានតឹងនៅសប្តាហ៍ក្រោយ

20, Nov 2015 , 9:19 pm 11441

រូបភាព

ដោយ:

រដ្ឋាភិបាលកូរ៉េទាំងពីរ បានព្រមព្រៀងគ្នាលើកិច្ចប្រជុំមួយដើម្បីចរចាក្នុងការកាត់បន្ថយភាពតានតឹងនៅក្នុងតំបន់ឧបទ្វីបកូរ៉េនៅសប្តាហ៍ក្រោយ។ កិច្ចព្រមព្រៀងនេះ ធ្វើឡើងក្រោមសំណើរបស់រដ្ឋាភិបាលកូរ៉េខាងជើង។ នេះបើយោងតាមសារព័ត៌មាន Channel News Asia។

នៅថ្ងៃសុក្រនេះ រដ្ឋាភិបាលកូរ៉េខាងត្បូង និង រដ្ឋាភិបាលកូរ៉េខាងជើង បានព្រមព្រៀងគ្នាក្នុងការបើក កិច្ចប្រជុំថា្នក់មន្ត្រីជាន់ខ្ពស់រដ្ឋាភិបាលទាំងពីរ ដែលនឹងត្រូវធ្វើឡើងនៅទី២៦ ខែ វិច្ឆិកាសបា្ហហ៍ ក្រោយនេះ។ កិច្ចព្រមព្រៀងនេះ ធ្វើឡើងក្រោយតែប៉ុន្មានម៉ោងប៉ុណ្ណោះ ដែលកូរ៉េខាងជើងបានស្នើទៅ កាន់កូរ៉េខាងត្បូងដើម្បីជជែករកដំណោះស្រាយកាត់បន្ថយភាពតានតឹងនៅក្នុងឧបទ្វីបកូរ៉េ។

យោងតាមការអះអាងរបស់មន្ត្រីកូរ៉េខាងត្បូង កូរ៉េខាងត្បូង បានព្រមទទួលយកសំណើរបស់កូរ៉េខាង ជើងដើម្បីបើកកិច្ចប្រជុំមួយនៅថ្ងៃទី២៦ ខែវិច្ឆិកានេះ។ ហើយ កិច្ចប្រជុំនេះដែរ ផ្អែកលើកិច្ចព្រមព្រៀង ដែលបានធ្វើឡើងកាលពីថ្ងៃទី២៥ ខែសីហាកន្លងទៅ។ កិច្ចព្រមព្រៀងថ្ងៃទី២៥ ខែសីហា គឺជាកិច្ច ព្រមព្រៀងមួយដែលបានធ្វើក្រោយពីកូរ៉េទាំងពីរ បានប្រឈមមុខគ្នាខ្លាំង រហូតដល់មានការបាញ់ គ្រាប់ផ្លោងដាក់គ្នាទៀតផង។

គួរកត់សម្គាល់នោះ កិច្ចព្រមព្រៀងថ្មីចុងក្រោយនេះ គឺធ្វើឡើងបន្ទាប់ពី មានការជួបជុំក្រុមគ្រួសារកូរ៉េ ទាំងពីរដែលបានបែកគ្នាតាំងពីសង្គ្រាមកូរ៉េឆ្នាំ១៩៥០-១៩៥៣មកម្ល៉េះ។ វា ក៏អាចសញ្ញាវិជ្ជមានមួយ ផងដែរ ប្រសិនការចរចាភាគីទាំងពីរ អាចទទួលបានលទ្ធផលល្អ។ តែ តាមការកត់សម្គាល់ ការចរចា របស់កូរ៉េខាងជើង ភាគច្រើន គឺធ្វើឡើងក្នុងរូបភាពដើម្បីសុំជំនួយអភិវឌ្ឍន៍ពីកូរ៉េខាងត្បូងជាជាង ការកាត់បន្ថយភាពតានតឹង។

យ៉ាងណាក៏ដោយចុះ បើតាមបច្ចេកទេសយោធា ស្ថានភាពឧបទ្វីបកូរ៉េ គឺកំពុងស្ថិតនៅក្នុងស្ថានភាពសង្គ្រាមនៅឡើយនោះទេ។ ហើយ ចុងក្រោយនេះ កូរ៉េខាងជើង ក៏ទើបតែដំណើរការរោងចក្រផលិត អាវុធនុយក្លេអ៊ែរ ដែលជាបំរាមរបស់អង្គការសហប្រជាតិ៕

អត្ថបទទាក់ទង