OPPO Find X2 Pro ស្មាតហ្វូនលំដាប់កំពូលតម្លៃកប់ ខ្ទង់ $1299 របស់ក្រុមហ៊ុនOPPO លើកនេះ កំពុងតែឆក់យកបេះដូងអ្នកគាំទ្រ ទូទាំងប្រទេសកម្ពុជា ឲ្យជ្រួលច្របល់ អន្ទះអន្ទែង ចង់ដឹង ចង់ប៉ះចាប់កាន់ ប្រើសាកល្បងស្ទើរគ្រប់គ្នាតែម្តង បន្ទាប់ពីបានដាក់សម្ពោធជាផ្លូវការកាលពីចុងសប្តាហ៍មុន។ ស្រាប់តែពេលនេះ ក្រុមហ៊ុន OPPO ដាក់បង្ហាញ និងបើកឲ្យតេស្តសាកល្បង ស្មាតហ្វូនថ្នាក់ខ្ពស់ត្រកូល Find ស៊េរីថ្មីមួយនេះ នៅមជ្ឈមណ្ឌលជួសជុលទូរស័ព្ទដៃ OPPO ជាន់ទីមួយ ផ្សារទំនើប Aeon 1 ពីម៉ោង៩ព្រឹក ដល់ ១០យប់រៀងរាល់ថ្ងៃ។
ដូច្នេះ សម្រាប់ប្រិយមិត្តអ្នកអាន ដែលមានចំណាប់អារម្មណ៍លើស្មាតហ្វូន OPPO Find X2 Pro ប៉ុន្តែមានការស្ទាក់ស្ទើរ មិនទាន់សម្រេចចិត្តកក់ទុកមុននៅឡើយ អាចអញ្ជើញទៅពិនិត្យមើលរូបរាងពិត និងសមត្ថភាពពិត រួចចាំសម្រេចចិត្តតាមក្រោយក៏មិនទាន់យឺតពេល។
សូមរំលឹកថា ស្មាតហ្វូន Find X2 Pro មានអេក្រង់កោងលាតគ្មានគែម ល្បឿន Refresh Rate កម្រិតកំពូល 120ហឺត រលូនឥតទាក់ និងកម្រិតបង្ហាញកំពូលច្បាស់ QHD+(3K) Dynamic AMOLED ជាមួយពណ៌ធម្មជាតិរស់រវើក ១ពាន់លានពណ៌ ដែលនឹងផ្តល់នូវបទពិសោធន៍ និងបដិវត្តន៍ថ្មី សម្រាប់ការទស្សនាជាមួយពណ៌ត្រជាក់ភ្នែក រលូន ភ្លឺច្បាស់ល្អ និងមានផាសុកភាព។
ជាពិសេស អេក្រង់ Find X2 Pro មានល្បឿនប៉ះបញ្ជា 240ហឺត សម្គាល់ការប៉ះបញ្ជារហ័សទាន់ចិត្តតែម្តង ល្អបំផុត សម្រាប់អ្នកចូលចិត្តលេងប្រកួតហ្គេមកម្សាន្តអារម្មណ៍តាមអនឡាញ ធានាថាដឹងតែឈ្នះគេតែម្តង។ ម្យ៉ាងវិញទៀត អ្នកប្រើប្រាស់នឹងមិនព្រួយបារម្ភ រឿងចុករោយភ្នែក ឬកើតជំងឺភ្នែក ដោយសារចំណាយពេលយូរ លើអេក្រង់ទូរស័ព្ទ សម្រាប់បំពេញការងារ ទស្សនាវីដេអូខ្សែភាពយន្ត ព័ត៌មាន ឬការកម្សាន្តផ្សេងៗ ព្រោះអេក្រង់របស់ស្មាតហ្វូនលំដាប់កំពូល OPPO Find X2 Pro ទទួលបានវិញ្ញាបនបត្រផ្នែកសុខភាពភ្នែកជាផ្លូវការ ពីស្ថាប័នភ្នែក ដែលមានបទពិសោធន៍ជិត ១៥០ ឆ្នាំ របស់ប្រទេសអាល្លឺម៉ង់ TÜV Rheinland ។
OPPO Find X2 Pro ត្រូវបានរចនាយ៉ាងល្អប្រណីត ជាមួយនឹងពីរពណ៌ គឺពណ៌ខ្មៅខាប់ ប្រភេទសេរ៉ាមិចសុទ្ធ និងពណ៌ទឹកក្រូច ប្រភេទស្បែកគុណភាពខ្ពស់ មិនប៉ះព៉ាល់បរិស្ថាន, ការពារទឹក និងប្រេង, មានកាមេរ៉ាក្រោយបីគ្រាប់ ដែលកាមេរ៉ាមេមានទំហំ 48មេហ្គាភីកសែល ជាកាមេរ៉ាលំដាប់អាជីព12bit (ប៊ីត) ប្រើប្រាស់សេនស័រ Sony IMX689 ឈានមុខគេ បំពាក់បច្ចេកវិទ្យាទប់លំនឹងមួយគូ (OIS+EIS) អាចផលិតរូបភាពច្បាស់ស្អាតល្អនៅពេលយប់ និងថតវីដេអូ HDR ដំណោះស្រាយល្អបំផុត សម្រាប់ការកុងពន្លឺ កាមេរ៉ាទី2 ទំហំ 48 មេហ្គាភិកស៊ែល អាចថតរូបបែប Macro និង ប្លង់ទូលាយ 120ដឺក្រេ មានស្ថិរភាព ទប់លំនឹងល្អឥតខ្ចោះ និងកាមេរ៉ាទី3 ទំហំ13មេហ្គាភិកស៊ែល ជាមេរ៉ាហ្សូម បានប្រវែងវែង 10x Hybrid Zoom និង 60x Digital Zoom។
OPPO Find X2 Pro ប្រើប្រាស់បន្ទះឈីប 5G ខ្នាតកំពូល Snapdragon 865 អមដោយរ៉េមយក្ស 12GB ប្រភេទ LPDDR5 និងអង្គផ្ទុកទិន្នន័យ 512GB ប្រភេទ UFS3.0 ដំណើរការដោយ ColorOS 7.1 (Android 10) ភ្ជាប់មកជាមួយនឹងមុខងារតន្ត្រីបន្ធូរអារម្មណ៍ OPPO Relax និង កម្មវិធីកែសម្រួលវីដេអូ Soloop2.0 អាចទ្រទ្រង់បច្ចេកវិទ្យា5G មានថាមពលថ្ម 4260mAh ជាមួយនឹងបច្ចេកវិទ្យាសាកថ្មលឿន 65W SuperVOOC2.0 (សាកថ្ម15នាទី បានថាមពល 60%)។ ជាពិសេសមានបច្ចេកវិទ្យាការពារទឹក IP68ស្កេនក្រយៅដៃលើអេក្រង់សុវត្ថិភាពបំផុត, Wi-Fi ជំនាន់ទី6 ទាញល្បឿនអ៊ីនធឺណិតលឿនជាងគេ និងបច្ចេកវិទ្យា Dolby Atmos សំឡេងបែប Stereo ពីរោះរណ្តំចិត្ត។