គណៈកម្មការរៀបចំព្រឹត្តការណ៍អង្គរសង្ក្រាន្ត បានជ្រើសរើសយុវទូតចំនួន២០រូប ដើម្បី ធ្វើជាអ្នកផ្សព្វផ្សាយ ព្រឹត្តិការណ៍នេះឲ្យកាន់តែទូលំទូលាយ ដល់ភ្ញៀវទេសចរជាតិ និងអន្តរជាតិ។ យុវទូតអង្គរសង្ក្រាន្តទាំង ២០រូប ក៏ទទួលបានការបណ្ដុះបណ្ដាលច្បាស់លាស់ពីគោលបំណងនៃព្រឹត្តិការណ៍ និងវប្បធម៌របស់កម្ពុជាដែរ។
សហភាពសហព័ន្ធយុវជនជកម្ពុជា បានជ្រើសរើសយុវទូតអង្គរសង្ក្រាន្តចំនួន២០រូបបន្ថែម ដើម្បីចូលរួមផ្សព្វផ្សាយពីវប្បធម៌ខ្មែរ និងគោលបំណងនៃព្រឹត្តិ្កការណ៍អង្គរសង្ក្រាន្ត ដល់ភ្ញៀវទេសចរជាតិ និងអន្តរជាតិ។ ព្រឹត្តិការណ៍អង្គរសង្ក្រាន្ត ឆ្នាំនេះប្រារព្ធឡើងក្រោមប្រធានបទ៖ «សាទរមរតកដូនតាខ្មែរ» ដូច្នេះក្រុមយុវទូត ក៏ទទួលបានការបណ្ដុះបណ្ដាលច្បាស់លាស់ពីគោលបំណង និងវប្បធម៌ខ្មែរដែរ។
ក្រុមយុវទូតអង្គរសង្ក្រាន្តនេះ បានប្រកាសបើកយុទ្ធនាការផ្សព្វផ្សាយព្រឹត្តិការណ៍អង្គរសង្ក្រាន្ត ឆ្នាំ២០១៨ ផ្លូវការ កាលពីថ្ងៃទី១៧ ខែមីនាកន្លងទៅ នៅឧទ្យានជាតិអង្គរ ខេត្តសៀមរាប។ ក្រុមយុវទូតអង្គរសង្ក្រាន្ត នឹងបែកចែកជាក្រុមតូចៗ ចុះទៅកាន់ទីតាំងទេសចរណ៍សំខាន់ៗនៃតំបន់ឧទ្យានជាតិអង្គរ ខេត្តសៀមរាប ដើម្បីជួប និងចែកខិតបណ្ណ ដល់ភ្ញៀវទេសចរជាតិ និងអន្តរជាតិ។ ក្រុមយុវទូត គឺតំណាងឲ្យយុវជនគំរូ ដែលយល់ដឹងច្បាស់ពីព្រឹត្តិការណ៍ និងរួមគ្នាលើកតម្កើងតម្លៃ តាមរយៈការចូលរួម ការការពារ និងផ្សព្វផ្សាយបន្ត។
ព្រឹត្តិការណ៍អង្គរសង្ក្រាន្ត បានទាក់ទាញភ្ញៀវទេសចរជាតិ និងអន្តរជាតិ កាន់តែច្រើនចូលមកកម្សាន្តនៅខេត្តសៀមរាប និងប្រទេសកម្ពុជា។ ព្រឹត្តិការណ៍អង្គរសង្ក្រាន្ត ឆ្នាំ២០១៧ ខេត្តសៀមរាប ទទួលបានទេសចរជាតិ និងអន្តរជាតិជាង១.៦លាននាក់ និងចំណូលជិត១០០លានដុល្លារអាមេរិក៕
សូមថ្លែងអំណរគុណដល់ក្រុមហ៊ុនដែលបានចូលរួមឧបត្ថម៖
១, ឥណទានគេហដ្ឋានរបស់ធនាគារ ស៊ីអាយអិមប៊ី ផ្តល់ជូនអត្រាការប្រាក់ 7.99% បន្ថែមជាមួយសេវាធានារ៉ាប់រងអាយុជីវិតរហូតដល់ 50,000 ដុល្លារអាមេរិក ដោយឥតគិតថ្លៃ។ សូមទំនាក់ទំនង 023 988 388 ។
២, រថយន្តប្រណីតម៉ាក Mercedes-Benz (មែសឺដេស-បិនស៍) ថ្មីៗឆ្នាំ២០១៨ កំពុងដាក់លក់នៅ ក្រុមហ៊ុន ស្តារ អូតូ (ខេមបូឌា) ខូអិលធីឌី ស្ថិតនៅមហាវិថីសម្តេច ហ៊ុន សែន ឬផ្លូវ៦០ម៉ែត្រ ភ្នំពេញ។ ទូរស័ព្ទផ្នែកលក់ 017 231 488 និងផ្នែកសេវាកម្ម ០11 726 988 ។
៣, ស្អាតដូចតារា ស្អាតបែបស៊ូណេ, ទូរស័ព្ទទំនាក់ទំនង៖ 017 800 150 / 098 5000 88 , ទីតាំងស្ថិតនៅផ្សារទំនើបសុវណ្ណា។
៤, រីករាយឆ្នាំថ្មី! បង្កើតបរិយាកាសដ៏រីករាយនៅក្នុងឆ្នាំថ្មីជាមួយ កូកា-កូឡា រសជាតិនៃអារម្មណ៍ស្រស់ស្រាយ។