ជាតិ
សង្គមជាតិ
×![]()
សៀមរាប៖ ក្នុងព្រឹត្តិការណ៍មហាស្រពវប្បធម៌ឥណ្ឌានៅកម្ពុជា ក្រុមសិល្បៈរបស់ឥណ្ឌា បានចាប់ផ្តើមសម្តែងរឿង រាមាយណ ដែលខ្មែរស្គាល់ជាទូទៅ «រាមកេរ្តិ៍» នៅប្រាសាទបាយ័ន។ ការសម្តែងនេះធ្វើឡើងនៅបរិវេណប្រាសាទបាយ័ននៅល្ងាចថ្ងៃទី១៤ មករា ឆ្នាំ២០១៧ ដោយមានការចូលរួមពីមហាជនទូទៅ។
កម្មវិធីបើកការសម្តែងនៅប្រាសាទបាយ័ន គឺមានការចូលរួមពីអគ្គរដ្ឋទូតឥណ្ឌាប្រចាំកម្ពុជា លោក Naveen Srivastava និងរដ្ឋមន្ត្រីក្រសួងទេសចរណ៍ លោក ថោង ខុន។ លោក ថោង ខុន បានរម្លឹកពីចំណងមិត្តភាពឥណ្ឌា-កម្ពុជា នាពេលកន្លងមក ក្នុងនោះតាមការបញ្ជាក់របស់លោករដ្ឋមន្ត្រី ក្នុងឆ្នាំ២០១៦កន្លងទៅ ទេសចរឥណ្ឌាមកកម្សាន្តនៅកម្ពុជា មានប្រមាណ ១០ម៉ឺននាក់។
លោក Naveen Srivastava បានថ្លែងថា ការមហាស្រពវប្បធម៌ឥណ្ឌានេះ គឺដើម្បីរិតចំណងមិត្តភាពរវាងប្រទេសទាំងពីរ ក៏ដូចជាទំនាក់ទំនងរបស់ប្រជាជនទាំង២។ មហាស្រពដែលជាកិច្ចសហប្រតិបត្តិការរវាងស្ថានទូតឥណ្ឌា ក្រសួងទេសចរណ៍ និងក្រសួងវប្បធម៌ និងវិចិត្រសិល្បៈនេះដែរ តាមការបញ្ជាក់របស់លោកអគ្គរដ្ឋទូត ក៏ដើម្បីយុវជនជំនាន់ក្រោយយល់ដឹងពីវប្បធម៌ឲ្យទូលំទូលាយផងដែរ។
គួរបញ្ជាក់ថា ការសម្តែងសិល្បៈឥណ្ឌានេះ ធ្វើឡើងរយៈពេល2ថ្ងៃ ចាប់ពីថ្ងៃទី14 ដល់15 មករា ឆ្នាំ2017។
សូមទស្សនាការសម្តែងរឿងរាមាយណពីក្រុមសិល្បៈប្រទេសឥណ្ឌា នៅប្រាសាទបាយ័នដូចតទៅ៖
Tag:
មហាស្រពវប្បធម៌ឥណ្ឌា
បាយ័ន
រ៉ាម៉ាយ៉ាណា
© រក្សាសិទ្ធិដោយ thmeythmey.com
