អន្តរជាតិ
នាយករដ្ឋមន្ត្រីម៉ាឡេស៊ី បន្តទទូចឲ្យមិត្តអាស៊ានមីយ៉ាន់ម៉ាបញ្ឈប់ការសម្លាប់ជនជាតិភាគតិចរ៉ូហ៊ីងយ៉ា
ប្រភពរូបភាព៖ AP
×![]()
ដោយ: ថ្មីៗ
លោកនាយករដ្ឋមន្ត្រីម៉ាឡេស៊ី ណាជីប រ៉ាហ្សាក់ នៅថ្ងៃទី១៦ មករានេះ បានព្រលះមីយ៉ាន់ម៉ាជាថ្មីក្នុងវេទិកាប្រទេសឥស្លាមលើបញ្ហាជនជាតិភាគតិចម៉ូស្លីមរ៉ូហ៊ីងយ៉ា និងថែមទាំងទទូចឲ្យប្រទេសឥស្លាមចូលរួមគ្នាដើម្បីបញ្ចប់សកម្មភាពធ្វើទុកបុកម្នេញពីសំណាក់អាជ្ញាធរមីយ៉ាន់ម៉ាទៅលើក្រុមនោះ។ នេះ គឺសេចក្តីថ្លែងការណ៍មិនពេញចិត្តរបស់នាយករដ្ឋមន្ត្រីម៉ាឡេស៊ីដែលធ្វើឡើងជាលើកទីពីរហើយទៅមិត្តអាស៊ានមីយ៉ាន់ម៉ានោះ។
នាវេទិកាអង្គការកិច្ចសហប្រតិបត្តិការឥស្លាម (OIC) លោកនាយករដ្ឋមន្ត្រី ណាជីប រ៉ាហ្សាក់ បានថ្លែងយ៉ាងដូច្នេះ៖« ការសម្លាប់ ត្រូវតែបញ្ឈប់។ ការបំពានទៅលើស្ត្រី និងកុមារ ត្រូវតែបញ្ឈប់....ការបំពានរបស់អ្នក(អាជ្ញាធរមីយ៉ាន់ម៉ា) ទៅលើជនជាតិម៉ូស្លីម ត្រូវតែបញ្ឈប់»។ នេះបើយោងការចុះផ្សាយរបស់ភ្នាក់ងារព័ត៌មាន Reuters ដែលដកស្រង់សម្តីរបស់លោកនាយករដ្ឋមន្ត្រីពីព្រឹត្តិការណ៍នោះ។
លោកនាយករដ្ឋមន្ត្រី ក៏បានទទូចឲ្យមីយ៉ាន់ម៉ាបញ្ឈប់ការរើសអើង និងការវាយប្រហារទៅលើរ៉ូហ៊ីងយ៉ាជាបន្ទាន់ ហើយ អ្នកដែលល្មើស ក៏គួរតែត្រូវបាននាំខ្លួនដើម្បីប្រឈមមុខច្បាប់។ នេះបើយោងតាមប្រភពព័ត៌មានដដែល ដែលបានដកស្រង់សម្តីនាយករដ្ឋមន្ត្រីដែលបានប្រាប់ទៅកាន់មេដឹកនាំនៃប្រទេសឥស្លាមទៀតថា ពួកគេ មិន
អាចឈរនៅស្ញៀម និងមិនធ្វើអីបាននោះទេ ដ្បិត វា គឺជារឿងដ៏ចាំបាច់ដើម្បីសង្គ្រោះជនរងគ្រោះពីសោកនាដកម្មមនុស្ស ក្នុងនាមជាសំឡេងសមូហភាពរបស់ពិភពឥស្លាម។
សូមរម្លឹកបន្តិចដែរថា តាមរបាយការណ៍របស់មន្ត្រីអង្គការសហប្រជាជាតិ មានហិង្សាបានផ្តើមកើតឡើងនៅក្នុងរដ្ឋ Rakhine ចាប់ពីថ្ងៃទី៩ តុលាឆ្នាំមុន ដោយក្រុមយោធាមីយ៉ាន់ម៉ា បានបើកប្រតិបត្តិការវាយប្រហារទៅលើក្រុមឧទ្ទាម ហើយបានបណ្តាលឲ្យមានជនជាតិភាគតិចរ៉ូហ៊ីងយ៉ា រាប់ពាន់នាក់ភៀសខ្លូនចេញពីមីយ៉ាន់ម៉ាទៅកាន់ប្រទេសជិតខាង។ ស្របជាមួយនឹងព្រឹត្តិការណ៍នេះ ក៏មានរបាយការណ៍ ថា យោធា បានបំពានសិទ្ធិមនុស្សយ៉ាងធ្ងន់ធ្ងរទៅលើក្រុមជនជាតិម៉ូស្លីមរ៉ូហ៊ីងយ៉ា រាប់បញ្ចូលទាំងបទល្មើសរំលោភ សម្លាប់ និងបង្ខំឲ្យចាកចេញពីមីយ៉ាន់ម៉ាទៀតផង។
ជុំវិញបញ្ហានេះដែរ រដ្ឋាភិបាលម៉ាឡេស៊ី ដែលដឹកនាំដោយលោកនាយករដ្ឋមន្ត្រី ណាជីប រ៉ាហ្សាក់ ក៏ធ្លាប់បានបង្កើតចលនាមួយដោយទាមទារឲ្យរដ្ឋាភិបាលមីយ៉ាន់ម៉ា ដែលជាមិត្តអាស៊ានជាមួយនឹងគ្នានោះ គោរពសិទ្ធិមនុស្ស និងធានាពីការគាំពារសម្រាប់ការរស់នៅរបស់ជនជាតិភាគតិចទាំងនោះឲ្យបានស្មើភាពផងដែរ។ បញ្ហានេះ ក៏ជំរុញឲ្យមានការប្រឈមមុខការទូតរវាងប្រទេសទាំងពីរផងដែរ ដោយមីយ៉ាន់ម៉ា បានវាយបកទៅកាន់ម៉ាឡេស៊ី ថាកុំឲ្យលូកលាន់កិច្ចការផ្ទៃក្នុងរបស់ខ្លួនផងដែរ។
អ្វីគួរកត់សម្គាល់ដោយសាររឿងចម្រូងចម្រាសរ៉ូហ៊ីងយ៉ា រដ្ឋមន្ត្រីការបរទេស និងជាទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី បានអញ្ជើញសមភាគីអាស៊ានដើម្បីផ្តល់ព័ត៌មានបច្ចុប្បន្នភាព និងព្រឹត្តិការណ៍ទាំងស្រុងនៃហេតុការណ៍ និងការប្រឹងប្រែងរបស់រដ្ឋាភីបាលមីយ៉ាន់ម៉ា ដែលសំដៅឲ្យដឹងថា រដ្ឋាភិបាលមិនដែលព្រងើយកន្តើយទៅនឹងបញ្ហានេះនោះទេ។
តាមរយៈជំនួបក្រៅផ្លូវការនោះដែរ ប្រមុខការទូតអាស៊ាន ក៏បានផ្តល់ជាគំនិត និងមធ្យោបាយដើម្បីលើកកម្ពស់ពីសហស្ថិរភាព និងសុខដុមរមនាក្នុងចំណោមសហគមន៍ ការពារសិទ្ធិរបស់ជនស៊ីវិល និងផ្តល់ជំនួយមនុស្សធម៌ និងការថែទាំសុខភាពសម្រាប់ជនស៊ីវិលនៅក្នុងរដ្ឋនោះទាំងអស់គ្នា។ ដោយមិនត្រឹមតែលើកជាមធ្យោបាយនោះទេ មេដឹកនាំការទូតអាស៊ាន ក៏បានបង្ហាញការត្រៀមលក្ខណៈរួចជាស្រេចក្នុងជួយជំនួយមនុស្សធម៌ និងការអភិវឌ្ឍទៅកាន់រដ្ឋមានបញ្ហា ខណៈមីយ៉ាន់ម៉ា ក៏អះអាងពីការត្រៀមខ្លួនផងដែរសម្រាប់បញ្ជូនជំនួយទាំងនោះ ក៏ដូចជាបន្តរក្សាការផ្តល់ព័ត៌មានពីការអភិវឌ្ឍនៅក្នុងតំបន់មានបញ្ហានោះ៕
នាវេទិកាអង្គការកិច្ចសហប្រតិបត្តិការឥស្លាម (OIC) លោកនាយករដ្ឋមន្ត្រី ណាជីប រ៉ាហ្សាក់ បានថ្លែងយ៉ាងដូច្នេះ៖« ការសម្លាប់ ត្រូវតែបញ្ឈប់។ ការបំពានទៅលើស្ត្រី និងកុមារ ត្រូវតែបញ្ឈប់....ការបំពានរបស់អ្នក(អាជ្ញាធរមីយ៉ាន់ម៉ា) ទៅលើជនជាតិម៉ូស្លីម ត្រូវតែបញ្ឈប់»។ នេះបើយោងការចុះផ្សាយរបស់ភ្នាក់ងារព័ត៌មាន Reuters ដែលដកស្រង់សម្តីរបស់លោកនាយករដ្ឋមន្ត្រីពីព្រឹត្តិការណ៍នោះ។
លោកនាយករដ្ឋមន្ត្រី ក៏បានទទូចឲ្យមីយ៉ាន់ម៉ាបញ្ឈប់ការរើសអើង និងការវាយប្រហារទៅលើរ៉ូហ៊ីងយ៉ាជាបន្ទាន់ ហើយ អ្នកដែលល្មើស ក៏គួរតែត្រូវបាននាំខ្លួនដើម្បីប្រឈមមុខច្បាប់។ នេះបើយោងតាមប្រភពព័ត៌មានដដែល ដែលបានដកស្រង់សម្តីនាយករដ្ឋមន្ត្រីដែលបានប្រាប់ទៅកាន់មេដឹកនាំនៃប្រទេសឥស្លាមទៀតថា ពួកគេ មិន
អាចឈរនៅស្ញៀម និងមិនធ្វើអីបាននោះទេ ដ្បិត វា គឺជារឿងដ៏ចាំបាច់ដើម្បីសង្គ្រោះជនរងគ្រោះពីសោកនាដកម្មមនុស្ស ក្នុងនាមជាសំឡេងសមូហភាពរបស់ពិភពឥស្លាម។
សូមរម្លឹកបន្តិចដែរថា តាមរបាយការណ៍របស់មន្ត្រីអង្គការសហប្រជាជាតិ មានហិង្សាបានផ្តើមកើតឡើងនៅក្នុងរដ្ឋ Rakhine ចាប់ពីថ្ងៃទី៩ តុលាឆ្នាំមុន ដោយក្រុមយោធាមីយ៉ាន់ម៉ា បានបើកប្រតិបត្តិការវាយប្រហារទៅលើក្រុមឧទ្ទាម ហើយបានបណ្តាលឲ្យមានជនជាតិភាគតិចរ៉ូហ៊ីងយ៉ា រាប់ពាន់នាក់ភៀសខ្លូនចេញពីមីយ៉ាន់ម៉ាទៅកាន់ប្រទេសជិតខាង។ ស្របជាមួយនឹងព្រឹត្តិការណ៍នេះ ក៏មានរបាយការណ៍ ថា យោធា បានបំពានសិទ្ធិមនុស្សយ៉ាងធ្ងន់ធ្ងរទៅលើក្រុមជនជាតិម៉ូស្លីមរ៉ូហ៊ីងយ៉ា រាប់បញ្ចូលទាំងបទល្មើសរំលោភ សម្លាប់ និងបង្ខំឲ្យចាកចេញពីមីយ៉ាន់ម៉ាទៀតផង។
ជុំវិញបញ្ហានេះដែរ រដ្ឋាភិបាលម៉ាឡេស៊ី ដែលដឹកនាំដោយលោកនាយករដ្ឋមន្ត្រី ណាជីប រ៉ាហ្សាក់ ក៏ធ្លាប់បានបង្កើតចលនាមួយដោយទាមទារឲ្យរដ្ឋាភិបាលមីយ៉ាន់ម៉ា ដែលជាមិត្តអាស៊ានជាមួយនឹងគ្នានោះ គោរពសិទ្ធិមនុស្ស និងធានាពីការគាំពារសម្រាប់ការរស់នៅរបស់ជនជាតិភាគតិចទាំងនោះឲ្យបានស្មើភាពផងដែរ។ បញ្ហានេះ ក៏ជំរុញឲ្យមានការប្រឈមមុខការទូតរវាងប្រទេសទាំងពីរផងដែរ ដោយមីយ៉ាន់ម៉ា បានវាយបកទៅកាន់ម៉ាឡេស៊ី ថាកុំឲ្យលូកលាន់កិច្ចការផ្ទៃក្នុងរបស់ខ្លួនផងដែរ។
អ្វីគួរកត់សម្គាល់ដោយសាររឿងចម្រូងចម្រាសរ៉ូហ៊ីងយ៉ា រដ្ឋមន្ត្រីការបរទេស និងជាទីប្រឹក្សារដ្ឋមីយ៉ាន់ម៉ា លោកស្រី អ៊ុងសាន ស៊ូជី បានអញ្ជើញសមភាគីអាស៊ានដើម្បីផ្តល់ព័ត៌មានបច្ចុប្បន្នភាព និងព្រឹត្តិការណ៍ទាំងស្រុងនៃហេតុការណ៍ និងការប្រឹងប្រែងរបស់រដ្ឋាភីបាលមីយ៉ាន់ម៉ា ដែលសំដៅឲ្យដឹងថា រដ្ឋាភិបាលមិនដែលព្រងើយកន្តើយទៅនឹងបញ្ហានេះនោះទេ។
តាមរយៈជំនួបក្រៅផ្លូវការនោះដែរ ប្រមុខការទូតអាស៊ាន ក៏បានផ្តល់ជាគំនិត និងមធ្យោបាយដើម្បីលើកកម្ពស់ពីសហស្ថិរភាព និងសុខដុមរមនាក្នុងចំណោមសហគមន៍ ការពារសិទ្ធិរបស់ជនស៊ីវិល និងផ្តល់ជំនួយមនុស្សធម៌ និងការថែទាំសុខភាពសម្រាប់ជនស៊ីវិលនៅក្នុងរដ្ឋនោះទាំងអស់គ្នា។ ដោយមិនត្រឹមតែលើកជាមធ្យោបាយនោះទេ មេដឹកនាំការទូតអាស៊ាន ក៏បានបង្ហាញការត្រៀមលក្ខណៈរួចជាស្រេចក្នុងជួយជំនួយមនុស្សធម៌ និងការអភិវឌ្ឍទៅកាន់រដ្ឋមានបញ្ហា ខណៈមីយ៉ាន់ម៉ា ក៏អះអាងពីការត្រៀមខ្លួនផងដែរសម្រាប់បញ្ជូនជំនួយទាំងនោះ ក៏ដូចជាបន្តរក្សាការផ្តល់ព័ត៌មានពីការអភិវឌ្ឍនៅក្នុងតំបន់មានបញ្ហានោះ៕
Tag:
ម៉ាឡេស៊ី
មីយ៉ាន់ម៉ា
រ៉ូហ៊ីងយ៉ា
OIC
© រក្សាសិទ្ធិដោយ thmeythmey.com
