ពលរដ្ឋនៅភ្នំពេញ ប៉ងទៅបោះឆ្នោតរើសចៅសង្កាត់ ដែលអាចដោះស្រាយបញ្ហាអសន្តិសុខ និងទឹកលិចផ្ទះ

បទយកការណ៍ / បទសម្ភាសន៍

ពលរដ្ឋនៅភ្នំពេញ ប៉ងទៅបោះឆ្នោតរើសចៅសង្កាត់ ដែលអាចដោះស្រាយបញ្ហាអសន្តិសុខ និងទឹកលិចផ្ទះ

28, May 2017 , 11:45 am

រូបភាព

ដោយ:

ភ្នំពេញ៖ ថ្ងៃទី០៤ មិថុនា ដែលជាថ្ងៃបោះឆ្នោតក្រុមប្រឹក្សាឃុំសង្កាត់កាន់តែខិតជិតមកដល់ ពលរដ្ឋនៅរាជធានីភ្នំពេញ មកពី៥សង្កាត់ផ្សេងៗគ្នា ចង់ឃើញចៅសង្កាត់អាណត្តិថ្មីរបស់ខ្លួន ដោះស្រាយបញ្ហាអសន្តិសុខនៅមូលដ្ឋាន ដូចជា៖ ចោរឆក់ និងគ្រឿងញៀនជាដើម។ ក្រៅពីនេះ បញ្ហាទឹកលិចផ្ទះ ដែលកំពុងរំខានដល់ការរស់នៅរបស់ខ្លួន ខណៈរដូវភ្លៀងបានចូលមកដល់នោះ ក៏ជាប្រធានបទ ដែលពួកគេចង់ឃើញតំណាងរបស់ខ្លួន មានសមត្ថភាពដោះស្រាយផងដែរ។

ការកើនឡើងនូវចំនួនមនុស្សនៅរាជធានីភ្នំពេញ ជំរុញឲ្យកើតមានបញ្ហាមួយចំនួន ដូចជា៖ សំរាម ស្ទះលូ និងស្ទះចរាចរណ៍ជាដើម។ ក្រៅពីនេះ អសន្តិសុខសង្គម ដូចជា៖ ចោរកម្ម និងគ្រឿងញៀន បានបង្កឲ្យពលរដ្ឋ រស់នៅជាមួយការភ័យខ្លាច និងគ្មានសុវត្ថិភាព។ ពលរដ្ឋនៅភ្នំពេញចំនួន៥សង្កាត់ បានប្រាប់សារព័ត៌មានថ្មីៗថា ពួកគេនឹងបោះឆ្នោតជូនចៅសង្កាត់រូបណា ដែលមានសមត្ថភាពដោះស្រាយបញ្ហាខាងលើនេះ។

ជាបន្តសូមអញ្ជើញស្តាប់បទយកការណ៍ ដែលរៀបចំដោយ លោក រ៉ឹម ភារី អ្នកយកព័ត៌មានរបស់គេហទំព័រថ្មីៗ ដូចតទៅ៖