ជាតិ
ភាពយន្តឯកសារ «អង្គរសង្ក្រាន្តមរតកនៃវប្បធម៌ខ្មែរ» បង្ហាញសមិទ្ធផល៥ឆ្នាំនៃអង្គរសង្ក្រាន្ត
×![]()
ភ្នំពេញ៖ ព្រឹត្តិការណ៍អង្គរសង្ក្រាន្ត បានចាប់កំណើតឡើងនៅឆ្នាំ២០១៣ ក្រោមការផ្តួចផ្តើមរបស់សហភាពសហព័ន្ធយុវជនកម្ពុជា។ ៥ឆ្នាំកន្លងមកនេះ «អង្គរសង្ក្រាន្ត» បានជោគជ័យយ៉ាងធំធេង និងមានការទទួលស្គាល់ពីអន្តរជាតិ។ សមិទ្ធផលពីមួយឆ្នាំទៅមួយឆ្នាំ ត្រូវចងក្រងជាភាពយន្តឯកសារមួយដែលមានចំណងជើងថា «អង្គរសង្ក្រាន្តមរតកនៃវប្បធម៌ខ្មែរ»។
ភាពយន្តឯកសារ «អង្គរសង្ក្រាន្តមរតកនៃវប្បធម៌ខ្មែរ» ត្រូវបានសម្ពោធ និងចាក់បញ្ចាំងលើកដំបូងកាលពីល្ងាចថ្ងៃទី២៧ ខែឧសភា ឆ្នាំ២០១៧ នៅរោងភាពយន្ត Major Cineplex ក្នុងផ្សារទំនើប Aeon។ ភាពយន្តដែលបង្ហាញពីសកម្មភាពនៃការរៀបចំព្រឹត្តិការណ៍អង្គរសង្ក្រាន្តតាំងពីឆ្នាំ២០១៣មកនេះ មានរយៈពេល១ម៉ោង និង៣៣នាទី ដោយឆ្លុះបញ្ចាំងឲ្យឃើញពីវប្បធម៌ ជំនឿ សាសនា និងប្រពៃណីរបស់ប្រជាជនខ្មែរ ជាពិសេសក្នុងពិធីបុណ្យចូលឆ្នាំខ្មែរ។
ភាពយន្តឯកសារនេះ មិនត្រឹមតែបង្ហាញពីព្រឹត្តិការណ៍អង្គរសង្ក្រាន្តប៉ុណ្ណោះទេ ប៉ុន្តែបានឆ្លុះបញ្ចាំងពីកត្តាមួយចំនួន និងអត្ថន័យនៃព្រឹត្តិការណ៍នេះទាំងមូល។ «អង្គរសង្ក្រាន្តមរតកនៃវប្បធម៌ខ្មែរ» បានបង្ហាញពីព្រឹត្តិការណ៍អង្គរសង្ក្រាន្ត ដែលកើតចេញពីគំនិតតូចមួយ របស់ក្រុមការងារមានចំនួន ៥នាក់ប៉ុណ្ណោះ រហូតកៀងគរយុវជនចូលរួមរាប់ពាន់នាក់។
លោក ខាំ ភូរិ ផលិតករភាពយន្តឯកសារ «អង្គរសង្ក្រាន្តមរតកនៃវប្បធម៌ខ្មែរ» បានលើកឡើងថា៖ «នេះជាស្នាដៃកូនខ្មែរ ដោយរំលេចនូវអ្វីនៅពីក្រោយខ្នងនៃព្រឹត្តិការណ៍អង្គរសង្ក្រាន្ត។ ជាពិសេស គោលបំណងធំ គឺចង់រំលេចនូវវប្បធម៌ ជំនឿ សាសនា និងប្រពៃណី»។ សម្រាប់ លោក ភូរិ ពិតណាស់ ខ្សែភាពយន្តនេះ មិនអាចទទួលបានប្រជាប្រិយដូចខ្សែភាពយន្តដទៃឡើយ ប៉ុន្តែខ្សែភាពយន្តនេះ ត្រូវបានផលិតឡើងដើម្បីឲ្យយុវជនគ្រប់គ្នាចងចាំ។
លោក សុខ សប្បាយណា ប្រធានប្រតិបត្តិនៃព្រឹត្តិការណ៍អង្គរសង្ក្រាន្ត បានឲ្យដឹងថា ខ្សែភាពយន្តនេះ បានបង្ហាញពីការកើតឡើងព្រឹត្តិការណ៍អង្គរសង្ក្រាន្តមុនដំបូង និងឈានមកដល់ភាពជោគជ័យបែបនេះ។ លោក បន្តថា ព្រឹត្តិការណ៍នេះ បានទាក់ទាញភ្ញៀវទេសចរជាតិ-អន្តរជាតិជាច្រើន ពីមួយឆ្នាំទៅមួយឆ្នាំមកកម្សាន្តនៅខេត្តសៀមរាប ក្នុងពិធីបុណ្យចូលឆ្នាំខ្មែរ។
ប្រធានប្រតិបត្តិនៃព្រឹត្តិការណ៍អង្គរសង្ក្រាន្តរូបនេះ ចង់ឲ្យប្រជាជនខ្មែរ ដែលបានស្គាល់ ព្រឹត្តិការណ៍នេះ តាមរយៈស្នាមញញឹមរបស់យុវជន និងសិល្បករនានា មកទស្សនាខ្សែភាពយន្តនេះ ឲ្យបានច្រើន ដើម្បីដឹងពីភាពជោគជ័យនៅពីក្រោយខ្នងព្រឹត្តិការណ៍ដ៏ធំមួយនេះ។
នាការសម្ពោធកាលពីល្ងាចថ្ងៃទី២៧ ខែឧសភា ឆ្នាំ ភាពយន្តឯកសារ «អង្គរសង្ក្រាន្តមរតកនៃវប្បធម៌ខ្មែរ» ទទួលបានការកោតសរសើរយ៉ាងខ្លាំង។ លោក ថោង ខុន រដ្ឋមន្ត្រីក្រសួងទេសចរណ៍ លោក សាយ សំអាល់ រដ្ឋមន្ត្រីក្រសួងបរិស្ថាន និងលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា ក៏មានវត្តមាននាឱកាសនោះផងដែរ។
បន្ទាប់ពីសម្ពោធផ្លូវការ ភាពយន្តឯកសារនេះ នឹងចាប់ផ្ដើមបញ្ចាំងនៅរោងភាពយន្ត Major Cineplex ផ្សារទំនើប Aeon ចាប់ពីថ្ងៃទី១ មិថុនាខាងមុខនេះ។ «អង្គរសង្ក្រាន្តមរតកនៃវប្បធម៌ខ្មែរ» នឹងកៀងគរយកថវិកា តាមរយៈការលក់សំបុត្រ ជួយដល់កុមារកំព្រា និងមន្ទីរពេទ្យនៅក្នុងប្រទេសកម្ពុជា៕
ភាពយន្តឯកសារ «អង្គរសង្ក្រាន្តមរតកនៃវប្បធម៌ខ្មែរ» ត្រូវបានសម្ពោធ និងចាក់បញ្ចាំងលើកដំបូងកាលពីល្ងាចថ្ងៃទី២៧ ខែឧសភា ឆ្នាំ២០១៧ នៅរោងភាពយន្ត Major Cineplex ក្នុងផ្សារទំនើប Aeon។ ភាពយន្តដែលបង្ហាញពីសកម្មភាពនៃការរៀបចំព្រឹត្តិការណ៍អង្គរសង្ក្រាន្តតាំងពីឆ្នាំ២០១៣មកនេះ មានរយៈពេល១ម៉ោង និង៣៣នាទី ដោយឆ្លុះបញ្ចាំងឲ្យឃើញពីវប្បធម៌ ជំនឿ សាសនា និងប្រពៃណីរបស់ប្រជាជនខ្មែរ ជាពិសេសក្នុងពិធីបុណ្យចូលឆ្នាំខ្មែរ។
ភាពយន្តឯកសារនេះ មិនត្រឹមតែបង្ហាញពីព្រឹត្តិការណ៍អង្គរសង្ក្រាន្តប៉ុណ្ណោះទេ ប៉ុន្តែបានឆ្លុះបញ្ចាំងពីកត្តាមួយចំនួន និងអត្ថន័យនៃព្រឹត្តិការណ៍នេះទាំងមូល។ «អង្គរសង្ក្រាន្តមរតកនៃវប្បធម៌ខ្មែរ» បានបង្ហាញពីព្រឹត្តិការណ៍អង្គរសង្ក្រាន្ត ដែលកើតចេញពីគំនិតតូចមួយ របស់ក្រុមការងារមានចំនួន ៥នាក់ប៉ុណ្ណោះ រហូតកៀងគរយុវជនចូលរួមរាប់ពាន់នាក់។
លោក ខាំ ភូរិ ផលិតករភាពយន្តឯកសារ «អង្គរសង្ក្រាន្តមរតកនៃវប្បធម៌ខ្មែរ» បានលើកឡើងថា៖ «នេះជាស្នាដៃកូនខ្មែរ ដោយរំលេចនូវអ្វីនៅពីក្រោយខ្នងនៃព្រឹត្តិការណ៍អង្គរសង្ក្រាន្ត។ ជាពិសេស គោលបំណងធំ គឺចង់រំលេចនូវវប្បធម៌ ជំនឿ សាសនា និងប្រពៃណី»។ សម្រាប់ លោក ភូរិ ពិតណាស់ ខ្សែភាពយន្តនេះ មិនអាចទទួលបានប្រជាប្រិយដូចខ្សែភាពយន្តដទៃឡើយ ប៉ុន្តែខ្សែភាពយន្តនេះ ត្រូវបានផលិតឡើងដើម្បីឲ្យយុវជនគ្រប់គ្នាចងចាំ។
លោក សុខ សប្បាយណា ប្រធានប្រតិបត្តិនៃព្រឹត្តិការណ៍អង្គរសង្ក្រាន្ត បានឲ្យដឹងថា ខ្សែភាពយន្តនេះ បានបង្ហាញពីការកើតឡើងព្រឹត្តិការណ៍អង្គរសង្ក្រាន្តមុនដំបូង និងឈានមកដល់ភាពជោគជ័យបែបនេះ។ លោក បន្តថា ព្រឹត្តិការណ៍នេះ បានទាក់ទាញភ្ញៀវទេសចរជាតិ-អន្តរជាតិជាច្រើន ពីមួយឆ្នាំទៅមួយឆ្នាំមកកម្សាន្តនៅខេត្តសៀមរាប ក្នុងពិធីបុណ្យចូលឆ្នាំខ្មែរ។
ប្រធានប្រតិបត្តិនៃព្រឹត្តិការណ៍អង្គរសង្ក្រាន្តរូបនេះ ចង់ឲ្យប្រជាជនខ្មែរ ដែលបានស្គាល់ ព្រឹត្តិការណ៍នេះ តាមរយៈស្នាមញញឹមរបស់យុវជន និងសិល្បករនានា មកទស្សនាខ្សែភាពយន្តនេះ ឲ្យបានច្រើន ដើម្បីដឹងពីភាពជោគជ័យនៅពីក្រោយខ្នងព្រឹត្តិការណ៍ដ៏ធំមួយនេះ។
នាការសម្ពោធកាលពីល្ងាចថ្ងៃទី២៧ ខែឧសភា ឆ្នាំ ភាពយន្តឯកសារ «អង្គរសង្ក្រាន្តមរតកនៃវប្បធម៌ខ្មែរ» ទទួលបានការកោតសរសើរយ៉ាងខ្លាំង។ លោក ថោង ខុន រដ្ឋមន្ត្រីក្រសួងទេសចរណ៍ លោក សាយ សំអាល់ រដ្ឋមន្ត្រីក្រសួងបរិស្ថាន និងលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា ក៏មានវត្តមាននាឱកាសនោះផងដែរ។
បន្ទាប់ពីសម្ពោធផ្លូវការ ភាពយន្តឯកសារនេះ នឹងចាប់ផ្ដើមបញ្ចាំងនៅរោងភាពយន្ត Major Cineplex ផ្សារទំនើប Aeon ចាប់ពីថ្ងៃទី១ មិថុនាខាងមុខនេះ។ «អង្គរសង្ក្រាន្តមរតកនៃវប្បធម៌ខ្មែរ» នឹងកៀងគរយកថវិកា តាមរយៈការលក់សំបុត្រ ជួយដល់កុមារកំព្រា និងមន្ទីរពេទ្យនៅក្នុងប្រទេសកម្ពុជា៕
© រក្សាសិទ្ធិដោយ thmeythmey.com
