អន្តរជាតិ
×![]()
ដោយ: ធីតា
ប្រធានាធិបតីថ្មីរបស់បារាំងលោក Emmanuel Macron និងលោកនាយករដ្ឋមន្ត្រីកាណាដា Justin Trudeau បានជួបគ្នាជាលើកដំបូងបំផុតនាអំឡុងកិច្ចប្រជុំក្រុមមេដឹកនាំមហាអំណាចសេដ្ឋកិច្ចពិភពលោកទាំង៧ (G7) នៅកោះ Sicily ប្រទេសអ៊ីតាលី។ ភាពស្រស់សង្ហារ និងការជ្រើសរើសទីតាំងនៃជំនួបរវាងមេដឹកនាំទាំងពីរ បានទាក់ទាញអ្នកលេងអ៊ិនធ័រណិតយ៉ាងច្រើន ជាពិសេសអ្នកប្រើប្រាស់បណ្តាញសង្គម Twitter នៅកាដាណា និងបារាំង។
ក្នុងជំនួបទ្វេភាគី លោក Emmanuel Macron និងលោក Justin Trudeau បានពិភាក្សាគ្នាលើបញ្ហាភេរវកម្ម អាកាសធាតុ និងកិច្ចសហប្រតិបត្តិការសេដ្ឋកិច្ចរវាងប្រទេសបារាំង និងកាណាដា។ លោក Macron បានសរសេរនៅលើ Twitter របស់ខ្លួនថា៖ «មិត្តភាពបារាំង-កាណាដា មានមុខមាត់ថ្មីមួយ។ Justin Trudeau នេះជាពេលដែលយើងដោះស្រាយការប្រឈមនានានៅក្នុងជំនាន់របស់យើង»។
លោក Trudeau ក៏ថ្លែងយ៉ាងជិតស្និទ្ធទៅកាន់លោក Macron វិញថា៖ «ជំនួបលើកដំបូងជាមួយ Emmanuel Macron ដើម្បីនិយាយពីការងារ សន្តិសុខ និងអាកាសធាតុ។ ពិតជារីករាយណាស់ចំពោះការពិភាក្សាបែបនេះ មិត្តរបស់ខ្ញុំ»។
សារក្នុងន័យមិត្តភាព និងរូបថតច្រើនសន្លឹក ដែលបង្ហាញនូវស្នាមញញឹមរាក់ទាក់របស់មេដឹកនាំដ៏ស្រស់សង្ហារទាំងពីរ បានអង្រួនអារម្មណ៍អ្នកលេង Twitter ជាច្រើន។ អ្នកខ្លះ បានចាប់អារម្មណ៍លើផ្ទៃមុខរបស់ពួកគាត់នៅពេលនិយាយរកគ្នា ហើយអ្នកខ្លះចាប់អារម្មណ៍លើស្រោមជើងពណ៌ឥន្ធនូរបស់លោក Trudeau ដោយចង់ឲ្យលោក Macron ពាក់បែបនោះដែរ។
បន្ថែមពីលើនេះ មេដឹកនាំវ័យក្មេងទាំងពីរ បានបន្តពិភាក្សាគ្នានៅបរិវេណសួនច្បារដ៏ស្រស់ស្អាតនៅ Saint-Tropez នៃកោះ Sicily របស់អ៊ីតាលី ក្បែរសមុទ្រ និងក្រោមផ្ទៃមេឃដ៏ខៀវស្រងាត់។ វាជំនួបដែលត្រូវបានចាត់ទុកថា មានភាពរ៉ូម៉េនទិចបំផុតមួយក្នុងចំណោមជំនួបរវាងមេដឹកនាំ G7 ៕
ក្នុងជំនួបទ្វេភាគី លោក Emmanuel Macron និងលោក Justin Trudeau បានពិភាក្សាគ្នាលើបញ្ហាភេរវកម្ម អាកាសធាតុ និងកិច្ចសហប្រតិបត្តិការសេដ្ឋកិច្ចរវាងប្រទេសបារាំង និងកាណាដា។ លោក Macron បានសរសេរនៅលើ Twitter របស់ខ្លួនថា៖ «មិត្តភាពបារាំង-កាណាដា មានមុខមាត់ថ្មីមួយ។ Justin Trudeau នេះជាពេលដែលយើងដោះស្រាយការប្រឈមនានានៅក្នុងជំនាន់របស់យើង»។
លោក Trudeau ក៏ថ្លែងយ៉ាងជិតស្និទ្ធទៅកាន់លោក Macron វិញថា៖ «ជំនួបលើកដំបូងជាមួយ Emmanuel Macron ដើម្បីនិយាយពីការងារ សន្តិសុខ និងអាកាសធាតុ។ ពិតជារីករាយណាស់ចំពោះការពិភាក្សាបែបនេះ មិត្តរបស់ខ្ញុំ»។
សារក្នុងន័យមិត្តភាព និងរូបថតច្រើនសន្លឹក ដែលបង្ហាញនូវស្នាមញញឹមរាក់ទាក់របស់មេដឹកនាំដ៏ស្រស់សង្ហារទាំងពីរ បានអង្រួនអារម្មណ៍អ្នកលេង Twitter ជាច្រើន។ អ្នកខ្លះ បានចាប់អារម្មណ៍លើផ្ទៃមុខរបស់ពួកគាត់នៅពេលនិយាយរកគ្នា ហើយអ្នកខ្លះចាប់អារម្មណ៍លើស្រោមជើងពណ៌ឥន្ធនូរបស់លោក Trudeau ដោយចង់ឲ្យលោក Macron ពាក់បែបនោះដែរ។
បន្ថែមពីលើនេះ មេដឹកនាំវ័យក្មេងទាំងពីរ បានបន្តពិភាក្សាគ្នានៅបរិវេណសួនច្បារដ៏ស្រស់ស្អាតនៅ Saint-Tropez នៃកោះ Sicily របស់អ៊ីតាលី ក្បែរសមុទ្រ និងក្រោមផ្ទៃមេឃដ៏ខៀវស្រងាត់។ វាជំនួបដែលត្រូវបានចាត់ទុកថា មានភាពរ៉ូម៉េនទិចបំផុតមួយក្នុងចំណោមជំនួបរវាងមេដឹកនាំ G7 ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
