ស្ថាបត្យករមួយក្រុម យកដើមស្រូវ និងក្រវាញ បង្កើតរូបរាងស្ពាននៅខេត្តបាត់ដំបង និងពោធិ៍សាត់

បទយកការណ៍ / បទសម្ភាសន៍

ស្ថាបត្យករមួយក្រុម យកដើមស្រូវ និងក្រវាញ បង្កើតរូបរាងស្ពាននៅខេត្តបាត់ដំបង និងពោធិ៍សាត់

24, Jun 2017 , 6:39 pm

រូបភាព

ដោយ:

ភ្នំពេញ៖ ក្រុមនិស្សិតសាកលវិទ្យាល័យបញ្ញាសាស្ត្រចំនួន៤រូប បានបង្កើតប្លង់មេនៃ សំណង់ស្ពានលើផ្លូវជាតិលេខ៥ ត្រង់ចំណុចព្រំប្រទល់ខេត្តបាត់ដំបង និងខេត្តពោធិ៍សាត់ ដោយយកលំនាំ ពីដើមស្រូវ និងដើមក្រវាញ។ ប្លង់ស្ពាននេះ ត្រូវបាននិស្សិតខាងលើ អះអាងថា នឹងផ្តល់សោភ័ណភាពស្រស់ស្អាតដល់ខេត្តទាំងពីរ និងជួយលើកកម្ពស់ជីវភាពពលរដ្ឋនៅម្តុំស្ពាននេះផងដែរ។

លោក ឡេង ប៊ុនណារ៉ុង សមាជិកម្នាក់ក្នុងចំណោមនិស្សិតទាំង៤រូប បានបញ្ជាក់ថា មូលហេតុនៃការបង្កើតប្លង់មេនេះឡើង គឺដើម្បីគាំទ្រ និងលើកទឹកចិត្តដល់ខេត្តបាត់ដំបង និងខេត្តពោធិ៍សាត់ ដែលជាខេត្តមានសក្តានុពលខ្លាំងលើវិស័យកសិកម្ម។

លោកនិយាយថា៖«យើងមើលឃើញខេត្តបាត់ដំបងជាជង្រុកស្រូវដ៏ធំ ហេតុនេះហើយទើបយើងយកទម្រង់នៃស្រូវ និងដើមក្រវាញនៅខេត្តពោធិ៍សាត់ ដែលមានមនុស្សស្រករៗពួកខ្ញុំ អាចនឹងអត់ស្គាល់ច្រើន យកមក Design ជារូបរាងស្ពាននេះឡើង»។

គម្រោងមេខាងលើ ត្រូវបាន លោក ឡេង ប៊ុនណារ៉ុង និងក្រុមរបស់ខ្លួន យកមកដាក់តាំងពិព័រណ៍នៅមជ្ឈមណ្ឌលកោះពេជ្រក្នុងរាជធានីភ្នំពេញ កាលពីថ្ងៃទី០៨-១០ មិថុនា ឆ្នាំ២០១៧។

ជាបន្តសូមអញ្ជើញស្តាប់បទសម្ភាសរវាង លោក ឡេង ប៊ុនណារ៉ុង ជាមួយ លោក រ៉ឹម ភារី អ្នកយកព័ត៌មាននៅគេហទំព័រថ្មីៗ ដូចតទៅ៖