ជាតិ
តម្លៃជ្រូកងើបថ្លៃ៧០០០រៀលក្នុងមួយគីឡូឡើងវិញ ខណៈដែលកសិករបិទអាជីវកម្ម និងផ្អាកការចិញ្ចឹម
រូបសត្វជ្រូក ពីហ្វេសប៊ុកលោក ម៉ុង ឫទ្ធី
×![]()
ភ្នំពេញ៖ ប្រជាកសិករចិញ្ចឹមជ្រូកមួយចំនួន បានបិទអាជីវកម្ម និងផ្អាកការចិញ្ចឹមជ្រូកបណ្ដើរៗហើយ ដោយសារតែតម្លៃជ្រូកចុះថ្លៃ ក្នុងរយៈពេលចុងក្រោយនេះ។ សមាគមចិញ្ចឹមសត្វកម្ពុជា និងប្រជាកសិករចិញ្ចឹមជ្រូក ស្នើឲ្យរដ្ឋាភិបាលមានវិធានការឲ្យបានច្បាស់លាស់ ដើម្បីទប់ស្កាត់ឈ្មួញនាំចូលជ្រូកពីក្រៅប្រទេសចូលក្នុងស្រុក ដែលកំពុងធ្វើទុកបុកម្នេញប្រជាកសិករ។
ប្រធានសមាគមចិញ្ចឹមសត្វកម្ពុជា លោក ស្រ៊ុន ពៅ បានឲ្យដឹងថា តម្លៃជ្រូកបានងើបថ្លៃឡើង៧០០០រៀលក្នុងមួយគីឡូក្រាម ក្នុងរយៈពេលប៉ុន្មានថ្ងៃចុងក្រោយនេះ ។ ប៉ុន្តែលោកថា តម្លៃនេះមិនទាន់អាចឲ្យប្រជាកសិករ ទទួលយកបានឡើយ។ ជាមួយគ្នានេះលោក ស្រ៊ុន ពៅ ស្នើឲ្យរដ្ឋាភិបាលបង្កើនការយកចិត្តទុកដាក់លើបញ្ហាកសិករបន្ថែមទៀត ដើម្បីកុំពួកគេបាក់ទឹកចិត្ត ហើយបិទអាជីវកម្ម ដោយសារការខាតបង់លើការចិញ្ចឹមជ្រូកនេះ ។
ថ្លែងប្រាប់សារព័ត៌មានថ្មីៗ ប្រធានសមាគមចិញ្ចឹមសត្វកម្ពុជារូបនេះ បានបញ្ជាក់ដូច្នេះថា៖«តម្លៃ៧០០០រៀលក្នុងមួយគីឡូក្រាមនេះ បើគិតតាមការចំណាយថ្លៃដើម អត់មានចំណេញទេ។ ដូច្នេះរដ្ឋាភិបាលគួរតែយកចិត្តទុកដាក់ និងវិធានការឲ្យបានច្បាស់លាស់ជួយដល់កសិករចិញ្ចឹម បើមិនដូច្នេះកសិករនឹងបិទអាជីវកម្ម និងផ្អាកចិញ្ចឹមកាន់តែច្រើនជាមិនខាន ព្រោះគ្រាន់តែខ្ញុំដើរពិនិត្យតាមខេត្តរយៈពេល៤ថ្ងៃនេះ ឃើញថាកសិករចិញ្ចឹមជ្រូកក្នុងខេត្តកំពង់ចាម៥០ភាគរយ បានដួលរលំ ខេត្តកណ្ដាល និងខេត្តកំពង់ស្ពឺ កសិករពី៣០ទៅ៤០ភាគរយ បិទអាជីវកម្ម និងផ្អាកចិញ្ចឹមជ្រូកហើយ»។
ទាក់ទងនឹងបញ្ហាតម្លៃជ្រូកនេះ អ្នកស្រី តោ ឈុនអេង ដែលជាកសិករចិញ្ចឹមជ្រូកម្នាក់នៅក្នុងភូមិភ្នំដិល ឃុំតាំងក្រាំង ស្រុកបាធាយ ខេត្តកំពង់ចាម បានប្រាប់សារព័ត៌មានថ្មីៗថា ប្រជាពលរដ្ឋដែលប្រកបអាជីកម្មចិញ្ចឹមជ្រូកនេះ រងការខាតបង់ថវិកាចាប់ពី១០០០ដុល្លារឡើងទៅ ក្នុងរយៈពេល២ខែកន្លងមកនេះ។ អ្នកស្រី ឈុនអេង បន្ថែមថា មូលហេតុដែលនាំឲ្យពលរដ្ឋចិញ្ចឹមជ្រូកខាតបង់នេះ ដោយសារតែឈ្មួញនៅក្នុងខេត្តកំពង់ចាម បានសម្រុកនាំសត្វជ្រូកពីវៀតណាម ហើយមកទម្លាក់តម្លៃជ្រូករបស់ពួកគាត់ទៅវិញ។ បើតាមអ្នកស្រី ឈុនអេង នៅពេលនេះមានប្រជាកសិករខ្លះ បានបញ្ឈប់អាជីវកម្ម និងផ្អាកការចិញ្ចឹមជ្រូកហើយ នៅក្នុងតំបន់អ្នកស្រីកំពុងរស់នៅ។
ប្រជាកសិករចិញ្ចឹមជ្រូករូបនេះ បានបញ្ជាក់ដូច្នេះថា៖«នៅតំបន់ខ្ញុំនេះជ្រូកលក់បានតម្លៃ៦០០០រៀលទេក្នុងមួយគីឡូក្រាម ហើយបើឈ្មួញកណ្ដាលមកទិញ គេឲ្យតែ៥៨០០រៀលទៀតក្នុងមួយគីឡូទេ ព្រោះជ្រូកវៀតណាមនាំចូលមកទីផ្សារមានតម្លៃតែ៦០០០រៀល។ ដូច្នេះបើយើងមិនលក់ឲ្យគេ ក៏យើងអត់មានលទ្ធភាពទិញចំណីឲ្យជ្រូកស៊ីដែរ ព្រោះបើទុកយូរពេកក៏យើងខាតដែរ។ អ៊ីចឹងហើយបានជាយើងសម្រេចលក់ទាំងខាត ដោយមានអ្នកខ្លះខាតតិច ខាតច្រើនតាមការចំណាយរបស់ពួកគាត់។
មិនខុសពីអ្នកស្រី ឈុនអេង នោះទេ លោក ខៃ សារិន ដែលប្រកបអាជីវកម្មចិញ្ចឹមជ្រូកជាង៤០០ក្បាល ជាលក្ខណៈគ្រួសារខ្នាតមធ្យម នៅស្រុកកៀនស្វាយ ខេត្តកណ្ដាល ដែលកំពុងរងការខាតបង់ថវិកា១០០០ដុល្លារ សម្រាប់ការលក់ជ្រូកក្នុងមួយលើកនោះ បានអំពាវនាវឲ្យរដ្ឋាភិបាល ចាត់វិធានការត្រួតពិនិត្យលើការនាំចូលសត្វជ្រូកពីប្រទេសជិតខាងឡើងវិញ ដើម្បីទប់ស្កាត់ឈ្មួញរកស៊ីជ្រូក ដែលកំពុងបង្កហានិភ័យដល់ប្រជាកសិករនេះ។
កន្លងមករដ្ឋមន្ត្រីក្រសួងកសិកម្ម លោក វេង សាខុន បានបញ្ជាក់ថា រដ្ឋាភិបាលមិនអាចបិទការនាំចូលជ្រូកពីប្រទេសជិតខាងបានទេ ព្រោះវាស្ថិតនៅក្នុងក្រមខណ្ឌទីផ្សារសេរី។ ប៉ុន្តែរដ្ឋាភិបាលនឹងរឹតបន្តឹងការនាំចូលជ្រូកខុសច្បាប់ចូលទីផ្សារកម្ពុជា។ បន្ថែមពីនេះក្រសួងកសិកម្ម បានប្រកាសអនុញ្ញាតឲ្យដឹកជញ្ជូនជ្រូកសាច់រស់ នាំចូលស្របច្បាប់ជាបណ្ដោះអាសន្នដែលគិតជាមធ្យម ១២៥០ក្បាលក្នុង១ថ្ងៃ។ បើតាមលោក វេង សាខុន មូលហេតុដែលអនុញ្ញាតឲ្យមានការនាំចូលជ្រូកក្នុងទីផ្សារកម្ពុជានេះ ដោយសារការផ្គត់ផ្គង់ជ្រូករបស់អ្នកចិញ្ចឹមក្នុងស្រុកបានប្រមាណ ៥០ភាគរយ ទៅ៦០ភាគរយនៃតម្រូវការសរុប ដែលត្រូវការនាំចូលបន្ថែម។
តែយ៉ាងណាវិធានការរឹតបន្តឹងរបស់រដ្ឋាភិបាល ហាក់មិនសូវមានប្រសិទ្ធភាពឡើយ ដោយសារឈ្មួញបន្ដនាំចូលជ្រូកខុសច្បាប់លើសពីគោលការណ៍កំណត់របស់រដ្ឋាភិបាលដដែល។ នេះបើតាមសមាគមចិញ្ចឹមសត្វកម្ពុជា និងប្រជាកសិករចិញ្ចឹមជ្រូក ដែលស្នើឲ្យរដ្ឋាភិបាល និងក្រសួងពាក់ព័ន្ធ ចុះជំរឿនតាមទីតាំងចិញ្ចឹមជ្រូកគ្រប់បណ្ដាខេត្តទាំងអស់ ពីចំនួនសត្វជ្រូកផ្គត់ផ្គង់ប្រចាំថ្ងៃ ដើម្បីកំណត់ពីតម្រូវការ និងការនាំចូលក្នុងស្រុកឲ្យបានច្បាស់លាស់ ។ «បើគ្រប់ទីតាំងចិញ្ចឹមជ្រូកទាំងអស់អាចផ្គត់ផ្គង់ជ្រូក៨០០០ក្បាលក្នុងមួយថ្ងៃ ហើយយើងត្រូវការ១០០០០ក្បាល ដូច្នេះខ្វះ២០០០ក្បាល រដ្ឋាភិបាលកំណត់អនុញ្ញាតតែ២០០០ក្បាលបានហើយ បើលើសពីនេះចាត់វិធានការតាមច្បាប់។ នេះជាយោបល់របស់សមាគមចិញ្ចឹមសត្វកម្ពុជា។
របាយការណ៍ពិឃាតសត្វទូទាំងប្រទេស ដែលការផ្គត់ផ្គង់ជ្រូកមានចំនួន ៨៩,៤ម៉ឺនក្បាល ដោយក្នុងនោះជ្រូកនាំចូលមាន ៤៥,៩ម៉ឺនក្បាល នៅក្នុងឆ្នាំ២០១៦។ នេះបើតាមក្រសួងកសិកម្ម៕
ប្រធានសមាគមចិញ្ចឹមសត្វកម្ពុជា លោក ស្រ៊ុន ពៅ បានឲ្យដឹងថា តម្លៃជ្រូកបានងើបថ្លៃឡើង៧០០០រៀលក្នុងមួយគីឡូក្រាម ក្នុងរយៈពេលប៉ុន្មានថ្ងៃចុងក្រោយនេះ ។ ប៉ុន្តែលោកថា តម្លៃនេះមិនទាន់អាចឲ្យប្រជាកសិករ ទទួលយកបានឡើយ។ ជាមួយគ្នានេះលោក ស្រ៊ុន ពៅ ស្នើឲ្យរដ្ឋាភិបាលបង្កើនការយកចិត្តទុកដាក់លើបញ្ហាកសិករបន្ថែមទៀត ដើម្បីកុំពួកគេបាក់ទឹកចិត្ត ហើយបិទអាជីវកម្ម ដោយសារការខាតបង់លើការចិញ្ចឹមជ្រូកនេះ ។
ថ្លែងប្រាប់សារព័ត៌មានថ្មីៗ ប្រធានសមាគមចិញ្ចឹមសត្វកម្ពុជារូបនេះ បានបញ្ជាក់ដូច្នេះថា៖«តម្លៃ៧០០០រៀលក្នុងមួយគីឡូក្រាមនេះ បើគិតតាមការចំណាយថ្លៃដើម អត់មានចំណេញទេ។ ដូច្នេះរដ្ឋាភិបាលគួរតែយកចិត្តទុកដាក់ និងវិធានការឲ្យបានច្បាស់លាស់ជួយដល់កសិករចិញ្ចឹម បើមិនដូច្នេះកសិករនឹងបិទអាជីវកម្ម និងផ្អាកចិញ្ចឹមកាន់តែច្រើនជាមិនខាន ព្រោះគ្រាន់តែខ្ញុំដើរពិនិត្យតាមខេត្តរយៈពេល៤ថ្ងៃនេះ ឃើញថាកសិករចិញ្ចឹមជ្រូកក្នុងខេត្តកំពង់ចាម៥០ភាគរយ បានដួលរលំ ខេត្តកណ្ដាល និងខេត្តកំពង់ស្ពឺ កសិករពី៣០ទៅ៤០ភាគរយ បិទអាជីវកម្ម និងផ្អាកចិញ្ចឹមជ្រូកហើយ»។
ទាក់ទងនឹងបញ្ហាតម្លៃជ្រូកនេះ អ្នកស្រី តោ ឈុនអេង ដែលជាកសិករចិញ្ចឹមជ្រូកម្នាក់នៅក្នុងភូមិភ្នំដិល ឃុំតាំងក្រាំង ស្រុកបាធាយ ខេត្តកំពង់ចាម បានប្រាប់សារព័ត៌មានថ្មីៗថា ប្រជាពលរដ្ឋដែលប្រកបអាជីកម្មចិញ្ចឹមជ្រូកនេះ រងការខាតបង់ថវិកាចាប់ពី១០០០ដុល្លារឡើងទៅ ក្នុងរយៈពេល២ខែកន្លងមកនេះ។ អ្នកស្រី ឈុនអេង បន្ថែមថា មូលហេតុដែលនាំឲ្យពលរដ្ឋចិញ្ចឹមជ្រូកខាតបង់នេះ ដោយសារតែឈ្មួញនៅក្នុងខេត្តកំពង់ចាម បានសម្រុកនាំសត្វជ្រូកពីវៀតណាម ហើយមកទម្លាក់តម្លៃជ្រូករបស់ពួកគាត់ទៅវិញ។ បើតាមអ្នកស្រី ឈុនអេង នៅពេលនេះមានប្រជាកសិករខ្លះ បានបញ្ឈប់អាជីវកម្ម និងផ្អាកការចិញ្ចឹមជ្រូកហើយ នៅក្នុងតំបន់អ្នកស្រីកំពុងរស់នៅ។
ប្រជាកសិករចិញ្ចឹមជ្រូករូបនេះ បានបញ្ជាក់ដូច្នេះថា៖«នៅតំបន់ខ្ញុំនេះជ្រូកលក់បានតម្លៃ៦០០០រៀលទេក្នុងមួយគីឡូក្រាម ហើយបើឈ្មួញកណ្ដាលមកទិញ គេឲ្យតែ៥៨០០រៀលទៀតក្នុងមួយគីឡូទេ ព្រោះជ្រូកវៀតណាមនាំចូលមកទីផ្សារមានតម្លៃតែ៦០០០រៀល។ ដូច្នេះបើយើងមិនលក់ឲ្យគេ ក៏យើងអត់មានលទ្ធភាពទិញចំណីឲ្យជ្រូកស៊ីដែរ ព្រោះបើទុកយូរពេកក៏យើងខាតដែរ។ អ៊ីចឹងហើយបានជាយើងសម្រេចលក់ទាំងខាត ដោយមានអ្នកខ្លះខាតតិច ខាតច្រើនតាមការចំណាយរបស់ពួកគាត់។
មិនខុសពីអ្នកស្រី ឈុនអេង នោះទេ លោក ខៃ សារិន ដែលប្រកបអាជីវកម្មចិញ្ចឹមជ្រូកជាង៤០០ក្បាល ជាលក្ខណៈគ្រួសារខ្នាតមធ្យម នៅស្រុកកៀនស្វាយ ខេត្តកណ្ដាល ដែលកំពុងរងការខាតបង់ថវិកា១០០០ដុល្លារ សម្រាប់ការលក់ជ្រូកក្នុងមួយលើកនោះ បានអំពាវនាវឲ្យរដ្ឋាភិបាល ចាត់វិធានការត្រួតពិនិត្យលើការនាំចូលសត្វជ្រូកពីប្រទេសជិតខាងឡើងវិញ ដើម្បីទប់ស្កាត់ឈ្មួញរកស៊ីជ្រូក ដែលកំពុងបង្កហានិភ័យដល់ប្រជាកសិករនេះ។
កន្លងមករដ្ឋមន្ត្រីក្រសួងកសិកម្ម លោក វេង សាខុន បានបញ្ជាក់ថា រដ្ឋាភិបាលមិនអាចបិទការនាំចូលជ្រូកពីប្រទេសជិតខាងបានទេ ព្រោះវាស្ថិតនៅក្នុងក្រមខណ្ឌទីផ្សារសេរី។ ប៉ុន្តែរដ្ឋាភិបាលនឹងរឹតបន្តឹងការនាំចូលជ្រូកខុសច្បាប់ចូលទីផ្សារកម្ពុជា។ បន្ថែមពីនេះក្រសួងកសិកម្ម បានប្រកាសអនុញ្ញាតឲ្យដឹកជញ្ជូនជ្រូកសាច់រស់ នាំចូលស្របច្បាប់ជាបណ្ដោះអាសន្នដែលគិតជាមធ្យម ១២៥០ក្បាលក្នុង១ថ្ងៃ។ បើតាមលោក វេង សាខុន មូលហេតុដែលអនុញ្ញាតឲ្យមានការនាំចូលជ្រូកក្នុងទីផ្សារកម្ពុជានេះ ដោយសារការផ្គត់ផ្គង់ជ្រូករបស់អ្នកចិញ្ចឹមក្នុងស្រុកបានប្រមាណ ៥០ភាគរយ ទៅ៦០ភាគរយនៃតម្រូវការសរុប ដែលត្រូវការនាំចូលបន្ថែម។
តែយ៉ាងណាវិធានការរឹតបន្តឹងរបស់រដ្ឋាភិបាល ហាក់មិនសូវមានប្រសិទ្ធភាពឡើយ ដោយសារឈ្មួញបន្ដនាំចូលជ្រូកខុសច្បាប់លើសពីគោលការណ៍កំណត់របស់រដ្ឋាភិបាលដដែល។ នេះបើតាមសមាគមចិញ្ចឹមសត្វកម្ពុជា និងប្រជាកសិករចិញ្ចឹមជ្រូក ដែលស្នើឲ្យរដ្ឋាភិបាល និងក្រសួងពាក់ព័ន្ធ ចុះជំរឿនតាមទីតាំងចិញ្ចឹមជ្រូកគ្រប់បណ្ដាខេត្តទាំងអស់ ពីចំនួនសត្វជ្រូកផ្គត់ផ្គង់ប្រចាំថ្ងៃ ដើម្បីកំណត់ពីតម្រូវការ និងការនាំចូលក្នុងស្រុកឲ្យបានច្បាស់លាស់ ។ «បើគ្រប់ទីតាំងចិញ្ចឹមជ្រូកទាំងអស់អាចផ្គត់ផ្គង់ជ្រូក៨០០០ក្បាលក្នុងមួយថ្ងៃ ហើយយើងត្រូវការ១០០០០ក្បាល ដូច្នេះខ្វះ២០០០ក្បាល រដ្ឋាភិបាលកំណត់អនុញ្ញាតតែ២០០០ក្បាលបានហើយ បើលើសពីនេះចាត់វិធានការតាមច្បាប់។ នេះជាយោបល់របស់សមាគមចិញ្ចឹមសត្វកម្ពុជា។
របាយការណ៍ពិឃាតសត្វទូទាំងប្រទេស ដែលការផ្គត់ផ្គង់ជ្រូកមានចំនួន ៨៩,៤ម៉ឺនក្បាល ដោយក្នុងនោះជ្រូកនាំចូលមាន ៤៥,៩ម៉ឺនក្បាល នៅក្នុងឆ្នាំ២០១៦។ នេះបើតាមក្រសួងកសិកម្ម៕
Tag:
ស្រ៊ុន ពៅ
ជ្រូក
© រក្សាសិទ្ធិដោយ thmeythmey.com
