អាជ្ញាធរកម្ពុជា បណ្តេញជនជាតិចិន៣១នាក់ ដែលប្រព្រឹត្តអំពើគំរាមទារប្រាក់តាមអ៊ីនធឺណិត

ជាតិ

អាជ្ញាធរកម្ពុជា បណ្តេញជនជាតិចិន៣១នាក់ ដែលប្រព្រឹត្តអំពើគំរាមទារប្រាក់តាមអ៊ីនធឺណិត

26, Jul 2017 , 10:19 pm

រូបភាព

ដោយ: ថ្មីៗ

ភ្នំពេញ៖ ជនជាតិចិន៣១នាក់ (ស្រី៨នាក់) ដែលមកកាន់ប្រទេសកម្ពុជា ហើយរួមគ្នាជំរិតទារប្រាក់ តាមប្រព័ន្ធអ៊ីនធឺណិត ត្រូវបានកងកម្លាំងខាងអន្តោប្រវេសន៍នៃក្រសួងមហាផ្ទៃ បញ្ជូនទៅប្រទេសចិនវិញ នៅព្រឹកថ្ងៃទី២៦ ខែកក្កដា ឆ្នាំ២០១៧នេះ។ នេះបើតាមការចុះផ្សាយក្នុងគេហទំព័ររបស់អគ្គស្នងការនគរបាលជាតិ។

គេហទំព័ររបស់អគ្គស្នងការនគរបាលជាតិ បានឲ្យដឹងថា ការរៀបចំបណ្តេញជនជាតិចិនទាំង៣១នាក់នោះ ក៏មានការសហការជាមួយអាជ្ញាធរចិនផងដែរ។ ផ្អែកលើប្រភពដដែល កម្លាំងសមត្ថកិច្ច បានចុះទៅឃាត់ខ្លួនជនជាតិចិនទាំង៣១នាក់នោះ នៅក្នុងខណ្ឌចំការមន ខណ្ឌ៧មករា និងខណ្ឌឫស្សីកែវ កាលពីសប្តាហ៍មុន។

គេហទំព័ររបស់អគ្គស្នងការនគរបាលជាតិ បានបញ្ជាក់ថា ក្រុមជនជាតិទាំងនោះ បានយកប្រទេសកម្ពុជា ធ្វើជាទីតាំង ហើយប្រើប្រព័ន្ធអ៊ីនធឺណិត ដើម្បីគំរាមទាមប្រាក់ពីជនជាតិចិនរបស់ខ្លួន ប៉ុន្តែពួកគេ មិនបានគំរាមទារប្រាក់ពីប្រជាពលរដ្ឋកម្ពុជា នោះទេ។

សូមបញ្ជាក់ថា កន្លងមក កម្លាំងសមត្ថកិច្ចខាងអន្តោប្រវេសន៍ ក៏ធ្លាប់ឃាត់ខ្លួនជនជាតិចិន រួមទាំងជនជាតិផ្សេងទៀតផងដែរ ដែលមកកាន់កម្ពុជា ហើយគំរាមទារប្រាប់ពីអ្នកដទៃ ដោយប្រើប្រព័ន្ធអ៊ីនធឺណិត៕