ជាតិ
អាជ្ញាធរ ដកស្លាកឈ្មោះ «រមណីយដ្ឋាន សុខាឋានសួគ៌» រួចរាល់ហើយ ដោយដាក់ឈ្មោះដើមឡើងវិញ
×![]()
ភ្នំពេញ៖ អភិបាលខេត្តកំពត លោក ចាន់ ចេស្តា បានដឹកនាំសមត្ថកិច្ច ទៅចុះដកស្លាកសញ្ញា «រមណីយដ្ឋាន សុខាឋានសួគ៌» រួចរាល់អស់ហើយ នៅម៉ោងជិត ១០ព្រឹក នាថ្ងៃទី២៣ ខែកញ្ញា ឆ្នាំ២០១៧នេះ ដោយរក្សាឈ្មោះដើមនៅដដែល គឺ «រមណីយដ្ឋាន ឋានសួគ៌បូកគោ»។ ប្រតិបត្តិការនេះ ធ្វើឡើងភ្លាមៗក្រោយពីមានបទបញ្ជាពីសម្តេច ហ៊ុន សែន ប្រមុខរាជរដ្ឋាភិបាលកម្ពុជា។ 
លោក ចាន់ ចេស្តា បានប្រាប់សារព័ត៌មានថ្មីៗថា ក្រុមហ៊ុនបានប្តូរឈ្មោះ «រមណីយដ្ឋាន ឋានសួគ៌បូកគោ» ទៅជា «រមណីយដ្ឋាន សុខាឋានសួគ៌» ដោយមិនបានផ្តល់ដំណឹងដល់អាជ្ញាធរ។ យ៉ាងណាក៏ដោយ លោក ពុំបានផ្តល់ហេតុផលក្បោះក្បាយនោះទេ ទាក់ទងនឹងការចុះទៅដកឈ្មោះថ្មីចេញ។ លោក គ្រាន់តែ បញ្ជាក់ថា ការចុះទៅដកឈ្មោះថ្មី ហើយរក្សាឈ្មោះដើមឲ្យនៅដដែល គឺធ្វើឡើងតាមបទបញ្ជារបស់សម្តេច ហ៊ុន សែន។
លោក ចាន់ ចេស្តា និយាយដូច្នេះថា៖«ក្រុមហ៊ុន ដូរឈ្មោះថ្មី អត់ប្រាប់អាជ្ញាធរ សូម្បីតែបន្តិច ហើយទើបនឹងដូរក្នុងអំឡុងបុណ្យភ្ជុំបិណ្ឌហ្នឹង។ យើងខ្ញុំ ដែលជាគណៈអភិបាលខេត្តកំពតទាំងអស់ សាទរនឹងបទបញ្ជារបស់សម្តេច ហ៊ុន សែន ដែលឲ្យដកចេញវិញ»។ លោក បញ្ជាក់ចុងក្រោយថា ខណៈនេះ សមត្ថកិច្ច កំពុងតែឡើងលើភ្នំបូកគោ ដើម្បីស្វែងរកឈ្មោះ «រមណីយដ្ឋាន សុខាឋានសួគ៌» ហើយបើមាន នឹងត្រូវដកចេញឲ្យអស់។
ជុំវិញបញ្ហានេះ សារព័ត៌មានថ្មីៗ មិនអាចសុំការបកស្រាយពីលោក ថោង ខុន រដ្ឋមន្ត្រីក្រសួងទេសចរណ៍ បានទេ ដោយសារតែហៅទូរស័ព្ទចូលដែរ តែលោក ពុំបានទទួល៕
លោក ចាន់ ចេស្តា បានប្រាប់សារព័ត៌មានថ្មីៗថា ក្រុមហ៊ុនបានប្តូរឈ្មោះ «រមណីយដ្ឋាន ឋានសួគ៌បូកគោ» ទៅជា «រមណីយដ្ឋាន សុខាឋានសួគ៌» ដោយមិនបានផ្តល់ដំណឹងដល់អាជ្ញាធរ។ យ៉ាងណាក៏ដោយ លោក ពុំបានផ្តល់ហេតុផលក្បោះក្បាយនោះទេ ទាក់ទងនឹងការចុះទៅដកឈ្មោះថ្មីចេញ។ លោក គ្រាន់តែ បញ្ជាក់ថា ការចុះទៅដកឈ្មោះថ្មី ហើយរក្សាឈ្មោះដើមឲ្យនៅដដែល គឺធ្វើឡើងតាមបទបញ្ជារបស់សម្តេច ហ៊ុន សែន។
លោក ចាន់ ចេស្តា និយាយដូច្នេះថា៖«ក្រុមហ៊ុន ដូរឈ្មោះថ្មី អត់ប្រាប់អាជ្ញាធរ សូម្បីតែបន្តិច ហើយទើបនឹងដូរក្នុងអំឡុងបុណ្យភ្ជុំបិណ្ឌហ្នឹង។ យើងខ្ញុំ ដែលជាគណៈអភិបាលខេត្តកំពតទាំងអស់ សាទរនឹងបទបញ្ជារបស់សម្តេច ហ៊ុន សែន ដែលឲ្យដកចេញវិញ»។ លោក បញ្ជាក់ចុងក្រោយថា ខណៈនេះ សមត្ថកិច្ច កំពុងតែឡើងលើភ្នំបូកគោ ដើម្បីស្វែងរកឈ្មោះ «រមណីយដ្ឋាន សុខាឋានសួគ៌» ហើយបើមាន នឹងត្រូវដកចេញឲ្យអស់។
ជុំវិញបញ្ហានេះ សារព័ត៌មានថ្មីៗ មិនអាចសុំការបកស្រាយពីលោក ថោង ខុន រដ្ឋមន្ត្រីក្រសួងទេសចរណ៍ បានទេ ដោយសារតែហៅទូរស័ព្ទចូលដែរ តែលោក ពុំបានទទួល៕
© រក្សាសិទ្ធិដោយ thmeythmey.com
