ជាតិ
នយោបាយជាតិ
×![]()
ដោយ: ម៉ៅ សុផា
ភ្នំពេញ៖ យោងតាមដីកា ចៅក្រមស៊ើបសួរនៃសាលាដំបូងរាជធានីភ្នំពេញ បានកំណត់យកថ្ងៃទី២៤ ខែវិច្ឆិកា ដើម្បីសួរចម្លើយពីលោក កឹម សុខា អតីតប្រធានគណបក្សសង្គ្រោះជាតិ ដែលកំពុងជាប់ឃុំក្នុងពន្ធនាគារត្រពាំងផ្លុង ខេត្តត្បូងឃ្មុំ ក្រោមការសង្ស័យថា បានប្រព្រឹត្តអំពើក្បត់ជាតិ ដោយសារឃុបឃិតជាមួយបរទេសជាសម្ងាត់ ដើម្បីផ្តួលរំលំរដ្ឋាភិបាលកម្ពុជា។
ការសាកសួរនេះ ទំនងជាមិនធ្វើនៅសាលាដំបូងរាជធានីភ្នំពេញនោះទេ ពោលគឺចៅក្រមស៊ើបសួរ នឹងធ្វើដំណើរទៅជួបលោក កឹម សុខា ដល់ពន្ធនាគារត្រពាំងផ្លុង តែម្តង។ នេះបើតាមលោក សំ សុគង់ មេធាវីមួយរូបរបស់លោក កឹម សុខា។ លោក ប្រាប់សារព័ត៌មានថ្មីៗថា ក្រុមមេធាវី នឹងចូលរួមស្តាប់ការសួរនេះ។
លោក សំ សុគង់ បន្ថែមថា ក្រោយការសាកសួរនេះ ចប់ហើយ ក្រុមមេធាវី នឹងចាប់ផ្តើមគិតគូរពីផ្លូវច្បាប់បន្តទៀត ដើម្បីជួយលោក កឹម សុខា ឲ្យមានសេរីភាពឡើងវិញ។ លោក និយាយដូច្នេះថា៖«យើង ស្នើសុំឲ្យគាត់ក្រៅឃុំពេលហ្នឹង ក៏មិនបានដែរ ព្រោះកំពុងស្ថិតក្នុងការសួរចម្លើយ។ អ៊ីចឹង យើងចាំឲ្យការសាកសួរនេះ ចប់សិន ទើបយើង គិតថាត្រូវអ្វីបន្ត»។
សមត្ថកិច្ច ចុះទៅចាប់លោក កឹម សុខា ដល់គេហដ្ឋាន កាលពីយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២0១៧។ ក្រុមមេធាវី បានតវ៉ា នៅសាលាឧទ្ធរណ៍ និងតុលាការកំពូល រួចហើយ ដើម្បីសុំជំទាស់នឹងការឃុំខ្លួនលោក កឹម សុខា។ ប៉ុន្តែ ការតវ៉ា នៅតុលាការជាន់ខ្ពស់ទាំងពីរនេះ ត្រូវបរាជ័យ។
ខណៈលោក កឹម សុខា កំពុងជាប់ឃុំ តុលាការកំពូល ក៏បានបើកសវនាការរំលាយគណបក្សសង្គ្រោះជាតិ កាលពីថ្ងៃទី១៦ ខែវិច្ឆិកា ឆ្នាំ២0១៧ តាមបណ្តឹងរបស់ក្រសួងមហាផ្ទៃ។ ក្រសួងមហាផ្ទៃ ប្រាប់តុលាការកំពូលថា គណបក្សសង្គ្រោះជាតិ សហការជាមួយបរទេសជាសម្ងាត់ ដើម្បីផ្តួលរំលំរដ្ឋាភិបាល៕
ការសាកសួរនេះ ទំនងជាមិនធ្វើនៅសាលាដំបូងរាជធានីភ្នំពេញនោះទេ ពោលគឺចៅក្រមស៊ើបសួរ នឹងធ្វើដំណើរទៅជួបលោក កឹម សុខា ដល់ពន្ធនាគារត្រពាំងផ្លុង តែម្តង។ នេះបើតាមលោក សំ សុគង់ មេធាវីមួយរូបរបស់លោក កឹម សុខា។ លោក ប្រាប់សារព័ត៌មានថ្មីៗថា ក្រុមមេធាវី នឹងចូលរួមស្តាប់ការសួរនេះ។
លោក សំ សុគង់ បន្ថែមថា ក្រោយការសាកសួរនេះ ចប់ហើយ ក្រុមមេធាវី នឹងចាប់ផ្តើមគិតគូរពីផ្លូវច្បាប់បន្តទៀត ដើម្បីជួយលោក កឹម សុខា ឲ្យមានសេរីភាពឡើងវិញ។ លោក និយាយដូច្នេះថា៖«យើង ស្នើសុំឲ្យគាត់ក្រៅឃុំពេលហ្នឹង ក៏មិនបានដែរ ព្រោះកំពុងស្ថិតក្នុងការសួរចម្លើយ។ អ៊ីចឹង យើងចាំឲ្យការសាកសួរនេះ ចប់សិន ទើបយើង គិតថាត្រូវអ្វីបន្ត»។
សមត្ថកិច្ច ចុះទៅចាប់លោក កឹម សុខា ដល់គេហដ្ឋាន កាលពីយប់ថ្ងៃទី២ ឈានចូលថ្ងៃទី៣ ខែកញ្ញា ឆ្នាំ២0១៧។ ក្រុមមេធាវី បានតវ៉ា នៅសាលាឧទ្ធរណ៍ និងតុលាការកំពូល រួចហើយ ដើម្បីសុំជំទាស់នឹងការឃុំខ្លួនលោក កឹម សុខា។ ប៉ុន្តែ ការតវ៉ា នៅតុលាការជាន់ខ្ពស់ទាំងពីរនេះ ត្រូវបរាជ័យ។
ខណៈលោក កឹម សុខា កំពុងជាប់ឃុំ តុលាការកំពូល ក៏បានបើកសវនាការរំលាយគណបក្សសង្គ្រោះជាតិ កាលពីថ្ងៃទី១៦ ខែវិច្ឆិកា ឆ្នាំ២0១៧ តាមបណ្តឹងរបស់ក្រសួងមហាផ្ទៃ។ ក្រសួងមហាផ្ទៃ ប្រាប់តុលាការកំពូលថា គណបក្សសង្គ្រោះជាតិ សហការជាមួយបរទេសជាសម្ងាត់ ដើម្បីផ្តួលរំលំរដ្ឋាភិបាល៕
Tag:
កឹម សុខា
មេធាវី
សំ សុគង់
តុលាការ
CNRP
© រក្សាសិទ្ធិដោយ thmeythmey.com
