ដំណើរទៅកាន់ខេត្តសៀមរាបដោយរីករាយ និងសុវត្ថិភាព ជាមួយរថយន្តMercedes-Benz ប្រភេទ Vito Tourer

ជាតិ

រថយន្ត

15, Jan 2018 , 8:19 pm

រូបភាព

ក្រុមការងាររបស់ក្រុមហ៊ុនMercedes-Benz បានយករថយន្តប្រភេទ Vito Tourer នេះ ធ្វើដំណើរ ទៅកាន់ខេត្តសៀមរាប នៅក្នុងដំណើរកម្សាន្តរយៈពេលខ្លីកាលពីពេលថ្មីៗនេះ។ លោក ឡេង វន្ថា ប្រតិបត្តិករផ្នែកលក់របស់ក្រុមហ៊ុន Star Auto ដែលជាក្រុមហ៊ុនទទួលសិទ្ធិនាំចូល និងចែកចាយផ្តាច់មុខរថយន្ត Mercedes-Benz ប្រចាំប្រទេសកម្ពុជា ដែលស្ថិតនៅក្នុងដំណើរកម្សាន្តនេះ បានបញ្ជាក់ថា ការធ្វើដំណើរជាមួយនឹង រថយន្តVito Tourerនេះ ពិតជាងាយស្រួលខ្លាំងណាស់ មានសុវត្ថិភាព និងផាសុកភាពខ្ពស់ ហើយស៊ីប្រេងតិចទៀតផង។

លោក ឡេង វន្ថា បានពន្យល់ទៀតថា បើទោះជាបើកបរនៅលើចម្ងាយផ្លូវឆ្ងាយយ៉ាងណាក៏ដោយ ក៏មិនមានភាពនឿយហត់ដែរ ដោយសារគ្រប់រថយន្ត Mercedes-Benz បានបំពាក់ជាស្រេចនូវបច្ចេកវិទ្យាទំនើប ដូចជាប្រព័ន្ធទប់លំនឹងមិនឲ្យរថយន្តឃ្លេងឃ្លោងនៅពេលបើកបរក្នុងល្បឿនលឿនជាដើម។

មិនត្រឹមតែប៉ុណ្ណោះ ក្នុងដំណើរពីទីក្រុងភ្នំពេញ ទៅដល់ព្រះអង្គចេក ព្រះអង្គចម ខេត្តសៀមរាប រថយន្ត Vito Tourer Pro ១១កៅអីនេះ ស៊ីប្រេងអស់តែប្រមាណ ១៤.៥លីត្រប៉ុណ្ណោះ បើធៀបនឹងរថយន្តម៉ាកផ្សេងអាចស៊ីប្រេង ឬសាំងចន្លោះ ពី ២០ទៅ៣០លីត្រឯណោះ។ នេះបើតាម ប្រតិបត្តិករផ្នែកលក់របស់ក្រុមហ៊ុន Star Autoដដែល ដោយបានបន្ថែមទៀតថារថយន្ត Vito Tourer Proនេះ មានទំហំវែងគឺ៥.៥ម៉ែត្រ ហើយផ្នែកខាងមានភាពទូលាយ ដែលស័ក្តិសមណាស់ សម្រាប់អ្នកដែលមានសមាជិកគ្រួសារច្រើន ចាប់ពី៧នាក់ ទៅដល់១១នាក់។

សូមអញ្ជើញទៅទស្សនារថយន្ត Vito Tourer116 CDI នៅសាលតាំងបង្ហាញរថយន្តMercedes-Benz ដើម្បីទទួលបានព័ត៌មានកាន់តែលម្អិតពីភ្នាក់ងាររថយន្តរបស់ក្រុមហ៊ុន Star Auto Cambodia ដែលស្ថិតនៅផ្លូវ ៦០ម៉ែត្រ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។ សម្រាប់ព័ត៌មានបន្ថែម អតិថិជនអាចទាក់ទងទៅកាន់លេខទូរសព្ទ ០១១ ៧២៦ ៩៨៨ ឬ ០១៧ ២៣១ ៤៨៨ ឬ ០២៣ ២៣១ ៤៨៨ ៕