ពីនេះ ពីនោះ
ព័ត៍មានសុខភាព
ស្ត្រីអាយុចាប់ពី ៥០ឆ្នាំឡើង គួរញ៉ាំអាហារបែបណាទើបទទួលបានជីវជាតិគ្រប់គ្រាន់?
× តើអ្នកចង់បានគន្លឹះដើម្បីប្រឆាំងនឹងភាពចាស់ទៅតាមអាយុដែរទេ? គ្រឿងផ្សំរបស់វាគឺស្រួលរកទេ។ នោះគឺជាការញ៉ាំអាហារដែលមានជីវជាតិចម្រុះ និងការហាត់ប្រាណទៀងទាត់ ហើយវាក៏នឹងជួយធ្វើឲ្យអ្នកមានអារម្មណ៍ល្អ និងមើលទៅស្រស់ស្អាតដែរ។ នៅពេលអ្នកញ៉ាំអាហារបានត្រឹមត្រូវ អ្នកនឹងអាចគ្រប់គ្រងទម្ងន់បាន រក្សាឆ្អឹងរឹងមាំ និងបង្ការជំងឺបេះដូង។
បង្កើនការទទួលទានវីតាមីន D និងកាលស្យូម
មាននន័យថាអ្នកគួរតែព្យាយាមញ៉ាំអាហារដូចចា យាអួ ត្រីសាលម៉ុង ប្រូខូលី និងគ្រាប់សណ្តែកពណ៌ខៀវ។ អ្នកក៏អាចញ៉ាំអាហារ ឬភេសជ្ជផ្សេងទៀតដូចជា ទឹកផ្លែក្រូចជាដើម។ បើសិនជាគ្រូពេទ្យអ្នកប្រាប់ថា អ្នកមិនអាចទទួលបានជាតិកាលស្យូមពីរបបអាហារបានគ្រប់គ្រាន់ទេ គាត់ប្រហែលជាណែនាំឲ្យប្រើថ្នាំបំប៉នដែលមានចំណុះជាតិកាលស្យូមពី ១០០០ ទៅ១៥០០មីលីក្រាមបន្ថែមហើយ។
ញ៉ាំបន្លែផ្លែឈើ គ្រាប់ធញ្ញជាតិឲ្យបានច្រើន
រឿងនេះនឹងផ្តល់ឲ្យអ្នកនូវអង់ទីអុកស៊ីដង់ដែលអាចប្រឆាំងទប់ទល់នឹងជំងឺជាច្រើនប្រភេទបាន។ ចូរផ្តោតសំខាន់ទៅលើការផ្លាស់ប្តូរជារៀងរាល់ថ្ងៃផងដោយយកល្អគួរតែញ៉ាំបន្លែដែលមានពណ៌ខុសៗគ្នា។
ញ៉ាំជាតិសរសៃឲ្យបានគ្រប់គ្រាន់
អ្នកមិនបាច់រកអ្វីឆ្ងាយឡើយ គ្រាន់តែប្រភពអាហារខាងក្រោមនេះក៏អាចគ្រប់គ្រាន់ហើយដែរ៖
• ផាស្តា
• នំបុ័ង និងស្រូវសាលី
• ស្រូវអូដ
• អង្ករសម្រូប
• ពោតលីញ
• បន្លែ និងផ្លែឈើស្រស់ៗ
លេបថ្នាំវីតាមីនចម្រុះរាល់ថ្ងៃ
វានឹងជួយបំពេញបន្ថែមនូវការខ្វះខាតក្នុងខ្លួនអ្នក។ ប៉ុន្តែចូរចាំថាវាក៏អាស្រ័យទៅតាមអាយុផងដែរ។ នៅពេលអ្នកអាយុចាប់ពី ៥០ឆ្នាំឡើង អ្នកក៏ត្រូវការជាតិដែកតិចជាងស្ត្រីវ័យក្មេងដែរ។
ញ៉ាំប្រូតេអ៊ីនសុទ្ធ
ចូរព្យាយាមញ៉ាំអាហារដូចជា សាច់មាន់គ្មានស្បែក ត្រីសប្បូរខ្លាញ់ដូចជាសាលម៉ុន និងប្រូតេអ៊ីនបន្លែដូចជា សណ្តែកសៀងជាដើម។
ញ៉ាំអាហារបួសពីរបីដងក្នុងមួយសប្តាហ៍
របបអាហារជាប្រភេទបន្លែគឺមានគុណប្រយោជន៍ច្រើនណាស់។ វាមានកាឡូរីតិច តែសម្បូរជីវជាតិ ជាតិរ៉ែ និងអង់ទីអុកស៊ីដង់។
កាត់បន្ថយការញ៉ាំប្រៃ
កាលណាញ៉ាំប្រៃច្រើនពេកគឺធ្វើឲ្យលើសសម្ពាធឈាម។ តាមការចុះផ្សាយអំពីក្បួនណែនាំទាក់ទងនឹងរបបអាហារកាលពិឆ្នាំ ២០១៥បានឲ្យដឹងថា មនុស្សយើងគ្រប់គ្នាគួរតែកាត់បន្ថយការញ៉ាំប្រៃមកត្រឹម ២៣០០មីលីក្រាមក្នុងមួយថ្ងៃបានហើយ។
ជ្រើសរើសជាតិខ្លាញ់ល្អៗទទួលទាន
ខ្លាញ់ដែលល្អអាចមានក្នុងប្រេងអូលីវ ឬប្រេងល្ហុង ហើយក៏មានក្នុងអាហារផ្សេងៗទៀតដែរដូចជា៖
• សណ្តែក
• ផ្លែប័រ
• ត្រីទឹកត្រជាក់ដូចជា ត្រីសាលម៉ុង និងធូណាជាដើម៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com