ជាតិ
លោក សុខ ឥសាន៖ ជប៉ុន មិនជួយអតីតបក្សប្រឆាំងឡើយ
× ជប៉ុន មិនលូកដៃ ឬធ្វើអន្តរាគមន៍ ដើម្បីជួយអតីតគណបក្សសង្គ្រោះជាតិនោះទេ។ នេះទស្សនៈរបស់លោក សុខ ឥសាន អ្នកនាំពាក្យគណបក្សប្រជាជនកម្ពុជា ដែលលើកឡើងស្របពេលអតីតគណបក្សសង្គ្រោះជាតិ កំពុងតែធ្វើបាតុកម្មនៅក្រៅប្រទេស ដើម្បីទាមទារឲ្យរដ្ឋាភិបាលជប៉ុន បញ្ឈប់ការគាំទ្រដល់ដំណើរការបោះឆ្នោតនៅកម្ពុជា។
លោក សុខ ឥសាន បានសរសេរសារក្នុងបណ្តាញទំនាក់ទំនងតេឡេក្រាមយ៉ាងដូច្នេះថា៖«ជប៉ុន មិនអើពើចំពោះបាតុកម្មរបស់បក្សប្រឆាំង ដែលទាមទារឲ្យជប៉ុន ធ្វើនេះ ធ្វើនោះ តាមខ្លួនឡើយ។ ជប៉ុន ទុកឲ្យអតីតបក្សប្រឆាំង ទទួលខុសត្រូវចំពះមុខច្បាប់ តាមទង្វើរបស់ខ្លួន»។
រូបពីគណនីហ្វេសបុក Real Camerin
អ្នកនាំពាក្យបក្សកាន់អំណាច បានលើកឡើងថា ជប៉ុន នៅតែគាំទ្រ ហើយផ្តល់ជំនួយលើការបោះឆ្នោតនៅកម្ពុជា។ លោក បន្ថែមថា ជប៉ុន ជាប្រទេសមួយ ដែលតែងគោរពឯករាជ្យនិងអធិបតេយ្យភាព របស់ប្រទេសនានាលើសាកលលោក រួមទាំកម្ពុជាផងដែរ៕
Tag:
បោះឆ្នោត
សុខ តសាន
CNRP
© រក្សាសិទ្ធិដោយ thmeythmey.com