ជាតិ
ចិន ផ្ដល់ថវិកា៤០លានដុល្លារឲ្យកម្ពុជា ដើម្បីកែលម្អបរិស្ថានតាមសាលារៀន និងផ្គត់ផ្គង់សម្ភារសិក្សា
រូបភាព បានពីក្រសួងសេដ្ឋកិច្ច និងហិរញ្ញវត្ថុ
×![]()
រដ្ឋាភិបាលចិន បានផ្ដល់ថវិកា ៤០លានដុល្លារ មកកម្ពុជា សម្រាប់អនុវត្ដន៍គម្រោងកែលម្អបរិស្ថាន និងផ្គត់ផ្គង់សម្ភារអប់រំ នៅតាមសាលារៀន។ ថវិកានេះ គឺជាជំនួយឥតសំណង សម្រាប់បង្កើតមជ្ឈមណ្ឌលគរុកោសល្យក្នុងរាជធានី-ខេត្ដចំនួន១១ ព្រមទាំបណ្ដុះបណ្ដាល និងពង្រឹងសមត្ថភាពគ្រូបង្រៀននៅកម្ពុជា។ នេះបើតាមទីភ្នាក់ងារសារពត៌មានកម្ពុជា (AKP)។
AKP បានស្រង់ប្រសាសន៍ លោក ឌី សមស៊ីដេត អគ្គនាយករងនៃអគ្គនាយកដ្ឋានអប់រំ ក្រសួងអប់រំយុវជន និងកីឡា ថា គម្រោងនេះ មានរយៈពេល៣ឆ្នាំ ដែលផ្ដោតសំខាន់ទៅលើវិទ្យាល័យសំខាន់ៗក្នុងរាជធានីភ្នំពេញ និងខេត្ដចំនួន១១។ លោកបាន បញ្ជាក់ថា «ដំណាក់កាលទីមួយនៃគម្រោងនេះ នឹងសាងសង់អគារវិទ្យាល័យចំនួន២៦ និងមជ្ឈមណ្ឌលបណ្តុះបណ្តាលគ្រូ៣កន្លែង ដែលមាននៅទីក្រុងភ្នំពេញ, ខេត្តកំពង់ចាម និងខេត្តកណ្តាល ព្រមទាំងផ្តល់សម្ភារសម្រាប់សិក្សាមួយចំនួនទៀត»។
គួរបញ្ជាក់ថា ចាប់ពីឆ្នាំ ២០០១ ដល់ខែមិថុនា ឆ្នាំ២០១៨ រដ្ឋាភិបាលចិន បានសន្យាផ្តល់ហិរញ្ញប្បទាន សហប្រតិបត្តិការមានទឹកប្រាក់សរុបចំនួនប្រមាណ ៥,២៧៦លានដុល្លារ ដោយក្នុងនោះហិរញ្ញប្បទានឥតសំណង និងឥណទានឥតការប្រាក់សរុប១,២២១លានដុល្លារ៕
AKP បានស្រង់ប្រសាសន៍ លោក ឌី សមស៊ីដេត អគ្គនាយករងនៃអគ្គនាយកដ្ឋានអប់រំ ក្រសួងអប់រំយុវជន និងកីឡា ថា គម្រោងនេះ មានរយៈពេល៣ឆ្នាំ ដែលផ្ដោតសំខាន់ទៅលើវិទ្យាល័យសំខាន់ៗក្នុងរាជធានីភ្នំពេញ និងខេត្ដចំនួន១១។ លោកបាន បញ្ជាក់ថា «ដំណាក់កាលទីមួយនៃគម្រោងនេះ នឹងសាងសង់អគារវិទ្យាល័យចំនួន២៦ និងមជ្ឈមណ្ឌលបណ្តុះបណ្តាលគ្រូ៣កន្លែង ដែលមាននៅទីក្រុងភ្នំពេញ, ខេត្តកំពង់ចាម និងខេត្តកណ្តាល ព្រមទាំងផ្តល់សម្ភារសម្រាប់សិក្សាមួយចំនួនទៀត»។
គួរបញ្ជាក់ថា ចាប់ពីឆ្នាំ ២០០១ ដល់ខែមិថុនា ឆ្នាំ២០១៨ រដ្ឋាភិបាលចិន បានសន្យាផ្តល់ហិរញ្ញប្បទាន សហប្រតិបត្តិការមានទឹកប្រាក់សរុបចំនួនប្រមាណ ៥,២៧៦លានដុល្លារ ដោយក្នុងនោះហិរញ្ញប្បទានឥតសំណង និងឥណទានឥតការប្រាក់សរុប១,២២១លានដុល្លារ៕
Tag:
ចិន
ហិរញ្ញប្បទាន
© រក្សាសិទ្ធិដោយ thmeythmey.com
