តាមរយៈព្រះរាជក្រឹត្យចុះថ្ងៃទី២ ខែកុម្ភៈ ឆ្នាំ២០២១ ព្រះមហាក្សត្រកម្ពុជាបានត្រាស់បង្គាប់តែងតាំង និងផ្តល់ឋានៈដល់ ស៊ន សៀវម៉ី ម្ចាស់មេដាយមាសតេក្វាន់ដូកីឡាអាស៊ី (Asian Games) កាលពីឆ្នាំ២០១៤ ជាជំនួយការសម្ដេចប្រធានព្រឹទ្ធសភាក្នុងនីតិកាលទី៤ ដោយមិនទទួលបានប្រាក់បំណាច់មុខងារឡើយ។
 

មិនត្រឹមតែសៀវម៉ី ម្ចាស់មេដាយមាសស៊ីហ្គេម (SEA GAMES) ៣សម័យទទួលបានឋានៈនេះនោះទេ ក្នុងព្រះរាជក្រឹត្យដដែលក៏បានតែងតាំង លោក យូ វីរៈ ជាទីប្រឹក្សាសម្តេច សាយ ឈុំ ដែលមានឋានៈស្មើអនុរដ្ឋលេខាធិការ បន្ថែមលើមុខងារបច្ចុប្បន្ន ដោយពុំទទួលប្រាក់បំណាច់មុខងារផងដែរ៕