បទ ផ្កាឈូករីក
 

-ឆ្លើយថាទេ ពេលមានគេ ចង់ឲ្យសាក

ឆ្លើយថាទេ ទើបអាចចាក ពីគ្រោះបាន

ឆ្លើយថាទេ ទោះអ្នកក្រៅ ផៅសន្តាន

ឆ្លើយថាទេ ចៀសឲ្យបាន ពីគ្រឿងញៀន។
 

-ហ៊ានថាទេ ទោះមានគេ ចង់ឲ្យចែក

ហ៊ានថាទេ តបប្រកែក ទោះកោះកៀន

ហ៊ានថាទេ កុំពាក់ព័ន្ធ រឿងគ្រឿងញៀន

ហ៊ានថាទេ បើបំពាន ក្រែងគ្រោះធំ។
 

-ត្រួតគ្រឿងញៀន មុនគ្រឿងញៀន ត្រួតយើងបាន

ត្រួតគ្រឿងញៀន ជាតិសុខសាន្ត ថ្កានរស់រម្យ

ត្រួតគ្រឿងញៀន អស់កង្វល់ ក្នុងសង្គម

ត្រួតគ្រឿងញៀន បានលាភធំ ជុំសិរី៕