របាយការណ៍ពីថៃ ឥណ្ឌូណេស៊ី ម៉ាឡេស៊ី វៀតណាម ហ្វីលីពីន និងសិង្ហបុរី បង្ហាញថា រថយន្តដែលបានលក់ចេញរួមគ្នាកាលពីឆ្នាំកន្លងមក បានត្រឹមតែ២,៤៤លានគ្រឿងប៉ុណ្ណោះ ពោលគឺធ្លាក់ចុះ២៩ភាគរយ បើប្រៀបធៀបទៅនឹងឆ្នាំ២០១៩។

 

ថៃដែលជាទីផ្សាររថយន្តធំជាងគេក្នុងតំបន់ បានលក់ចេញតែត្រឹម ៧៩០ ០០០គ្រឿងប៉ុណ្ណោះ។ នេះជាលើកដំបូងនារយៈពេល៣ឆ្នាំចុងក្រោយ ដែលឧស្សាហកម្មរថយន្តថៃ បានបរាជ័យមិនបានសម្រេចគោលដៅលក់ចេញ១លានគ្រឿងក្នុង១ឆ្នាំ។

 

ឥណ្ឌូណេស៊ី ត្រូវបានចាត់ទុកជាប្រទេសដែលមានតួលេខធ្លាក់ចុះខ្លាំងជាងគេកាលពីឆ្នាំមុន ដោយបញ្ចេញបានតែត្រឹម ៥៣០ ០០០គ្រឿងប៉ុណ្ណោះ ពោលគឺធ្លាក់ចុះ៤៨ភាគរយ។ ប្រទេសដ៏ធំជាងគេនៅក្នុងតំបន់មួយនេះ ខំប្រឹងស្តារយ៉ាងខ្លាំងកាលពីខែធ្នូ ប៉ុន្តែមិននៅតែមានកម្រិតទាបជាង៣៥ភាគរយ បើប្រៀបធៀបរយៈពេលដូចគ្នានៅឆ្នាំ២០១៩។

 

តួលេខនៅបណ្តាប្រទេសផ្សេងទៀតបង្ហាញថា ម៉ាឡេស៊ី ធ្លាក់ចុះ១២ភាគរយ វៀតណាមធ្លាក់ចុះ៨ភាគរយ និងហ្វីលីពីន ធ្លាក់ចុះ៤១ភាគរយ៕