ដោយ៖ ស៊ុល រ៉វី

 

ការព្យាករណ៍របស់ក្រសួងធនធានទឹកបានឲ្យដឹងថា បណ្ដាខេត្តនៅតំបន់វាលទំនាបកណ្ដាល នឹងមានភ្លៀងពីរលឹមផ្សែងក្រូចទៅខ្សោយ។ សីតុណ្ហភាពអប្បបរមាមានរង្វង់ពី ២២-២៥អង្សាសេ និងសីតុណ្ហភាពអតិបរមាមានរង្វង់ពី ៣៣-៣៦អង្សាសេ។ ដោយឡែក ខេត្តជាប់ជួរភ្នំដងរែក និងខ្ពង់រាបឦសាន នឹងមានភ្លៀងពីរលឹមផ្សែងក្រូចទៅខ្សោយ។ សីតុណ្ហភាពអប្បបរមាមានរង្វង់ពី ២១-២៥អង្សាសេ និងសីតុណ្ហភាពអតិបរមាមានរង្វង់ពី ៣៣-៣៦អង្សាសេ

 

តាមការព្យាករណ៍ដដែលនេះ តំបន់មាត់សមុទ្រ ចាប់ពីថ្ងៃទី២៤ កុម្ភៈ ដល់ថ្ងៃទី០២ មីនា នឹងមានភ្លៀងធ្លាក់ពីរលឹមផ្សែងក្រូចទៅខ្សោយ។ សីតុណ្ហភាពអប្បបរមាមានរង្វង់ពី ២១-២៤អង្សាសេ។ សីតុណ្ហភាពអតិបរមាមានរង្វង់ពី ៣១-៣៤អង្សាសេ៕