ស្មោះត្រង់ មិនបង់មានតែបាន
ស្មោះត្រង់ គ្រប់ប្រាណកុំលួចលាក់
ស្មោះត្រង់ ហ៊ានចេញមុខបញ្ជាក់
ស្មោះត្រង់ បើអ្នកមានពាក់ព័ន្ធ។
ស្មោះត្រង់ ទទួលការព្យាបាល
ស្មោះត្រង់ ទាន់ស្រាលស្រូតរួសរាន់
ស្មោះត្រង់ ផ្តាច់ខ្លួនជាបន្ទាន់
ស្មោះត្រង់ ជាឈ្នាន់ជាន់យកជ័យ។
ស្មោះត្រង់ ឱសថដ៏ស័ក្តិសិទ្ធិ
ស្មោះត្រង់ រួមពិតយើងផុតភ័យ
ស្មោះត្រង់ រាយការណ៍ឥតបំភ្លៃ
ស្មោះត្រង់ មានន័យស្មើរួមឈ្នះ។
ស្មោះត្រង់ ផ្សព្វផ្សាយដំណឹងពិត
ស្មោះត្រង់ រួមគិតឥតមានះ
ស្មោះត្រង់ ពីម្នាក់ដល់គ្រប់ផ្ទះ
ស្មោះត្រង់ យើងឈ្នះលើកូវីដ៕