COVID-19
ជាតិ
អភិបាលខេត្តកណ្តាលបិទការចេញចូលទីប្រជុំជនជ្រៃធំ ក្រោយរកឃើញបរទេស៥នាក់មានកូវីដ-១៩ 09, Mar 2021 , 11:09 am
លោក គង់ សោភ័ណ្ឌ អភិបាលខេត្តកណ្តាល
× លោក គង់ សោភ័ណ្ឌ អភិបាលខេត្តកណ្តាល នាថ្ងៃទី៩ខែមីនានេះ បានផ្ញើលិខិតទៅអភិបាលស្រុកកោះធំ ស្តីពីការសម្រេចបិទជាបណ្តោះអាសន្នចំពោះកាស៊ីណូ និងបិទការធ្វើដំនើរចេញចូលនៅតំបន់ទីប្រជុំជនជ្រៃធំ ស្ថិតនៅក្នុងឃុំសំពៅពូន ស្រុកកោះធំ ខេត្តកណ្តាល។
បើតាមលោកអភិបាលខេត្ត នេះជាការសម្រេចដើម្បីទប់ស្កាត់ការចម្លងចូលក្នុងសហគមន៍ បន្ទាប់ពីជនបរទេស៥នាក់ ត្រូវបានរកឃើញវិជ្ជមានកូវីដ-១៩នៅតំបន់ទីប្រជុំជនជ្រៃធំ។ ទីតាំងដែលត្រូវបានបិទបណ្តោះអាសន្ននោះ រួមមាន កាស៊ីណូ និងសណ្ឋាគារជីនសាគុងហ្គូ កាស៊ីណូព្រីន កាស៊ីណូក្រោន កាស៊ីណូហ្រេ្កន កាស៊ីណូកាឡាក់ស៊ី និងកាស៊ីណូយុងយ័ន៕
© រក្សាសិទ្ធិដោយ thmeythmey.com