គិតត្រឹមថ្ងៃទី១២មីនា មានមនុស្សចំនួន១១ ៥៣៨នាក់ បានជាប់ពាក់ព័ន្ធនឹងព្រឹត្តិការណ៍ ២០កុម្ភៈ  ខណៈពលករខ្មែរមកពីប្រទេសថៃ មានចំនួន ១១៨នាក់។ 

 

រដ្ឋបាលខេត្តកណ្ដាល ក៏បានស្រង់សម្តីលោក គង់ សោភ័ណ្ឌ អភិបាលខេត្តកណ្ដាល មកសរសេរដែរថា អាជ្ញាធរនៅតែបន្តស្រាវជ្រាវរកអ្នកពាក់ព័ន្ធព្រឹត្តិការណ៍សហគមន៍ ២០កុម្ភៈ ទៀត ដើម្បីធ្វើតេស្តរកជំងឺកូវីដ-១៩។

 

ចាប់ពីផ្ទុះព្រឹត្តិការណ៍សហគំន៍២០កុម្ភៈ ខេត្តកណ្តាលមានអ្នកឆ្លងកូវីដ-១៩ ចំនួន ៧៩នាក់ គិតត្រឹមថ្ងៃទី១២ មីនា ក្នុងនោះ៣នាក់បានជាសះស្បើយ។ 

 

គិតមកដល់ពេលនេះ កម្ពុជាមានអ្នកឆ្លងកូវីដ-១៩ សរុប ១២៦៤នាក់។ ករណីសហគមន៍២០កុម្ភៈ មានដល់ទៅ៧៥១នាក់ ដែលស្ថិតក្នុងរាជធានីភ្នំពេញ កណ្តាល ព្រះសីហនុ ព្រៃវែង ស្វាយរៀង កោះកុង កំពង់ធំ កំពង់ចាម សៀមរាប និងបាត់ដំបង។ អ្នកជំងឺចំនួន ៦៣៩នាក់ទៀតកំពុងបន្តសម្រាកព្យាបាល រីឯម្នាក់ បានស្លាប់កាលពីថ្ងៃទី១១ខែមីនា៕