បុរសចិនម្នាក់ដែលមានជំងឺរលាកលំពែង និងសួតរ៉ាំរ៉ៃ ស្លាប់ពេលធ្វើចត្តាឡីស័ក ឯលទ្ធផលតេស្តមិនទាន់ចេញ

COVID-19

ជាតិ

២៥ខេត្ត/រាជធានី

បុរសចិនម្នាក់ដែលមានជំងឺរលាកលំពែង និងសួតរ៉ាំរ៉ៃ ស្លាប់ពេលធ្វើចត្តាឡីស័ក ឯលទ្ធផលតេស្តមិនទាន់ចេញ

14, Mar 2021 , 11:08 pm

រូបភាព

ដោយ: ថ្មីៗ

បុរសចិនម្នាក់ទៀត អាយុ២៧ឆ្នាំ ដែលស្ថិតនៅចត្តាឡីស័កនៅឡើយងបានស្លាប់ បានស្លាប់នៅម៉ោងជិត២ រសៀល ថ្ងៃទី១៤ មីនានេះ។ នេះបើតាមសេចក្តីប្រកាសព័ត៌មានរបស់រដ្ឋបាលខេត្តព្រះសីហនុ ដែលបានចេញផ្សាយនៅយប់ថ្ងៃទី១៤មីនា ដោយមិនទាន់បញ្ជាក់នៅឡើយថាបុរសនេះ មានវិជ្ជមានកូវីដ-១៩ ឬអត់ ខណៈលទ្ធផលតេស្តទើបតែបញ្ជូនមកវិទ្យាស្ថានប៉ាស្ទ័រកម្ពុជា។ តែយ៉ាងក្រុមគ្រូពេទ្យសន្និដ្ឋានបឋមថា ជនជាតិចិនរូបនេះ មានជំងឺរលាកលំពែង និងសួតរ៉ាំរ៉ៃ ហើយឡើងជាតិស្ករខ្លាំង។

ចុចទីនេះដើម្បីទទួលបានព័ត៌មានរហ័ស

តាមសេចក្តីប្រកាសព័ត៌មានរបស់រដ្ឋបាលខេត្តព្រះសីហនុ កាលពីម៉ោងជាង១០ យប់ថ្ងៃទី១៣ មីនា ជនជាតិចិនរូបនេះ មានអាការហត់ និងចុះខ្សោយខ្លាំង ហើយត្រូវបានបញ្ជូនពីទីតាំងធ្វើចត្តាឡីស័ក ទៅកាន់មន្ទីរពេទ្យបង្អែកខេត្តភ្លាមៗ។ តែដោយអាការកាន់តែធ្ងន់ ក្រុមគ្រូពេទ្យក៏រៀបចំបែបបទបញ្ជូនទៅសង្គ្រោះនៅរាជធានីភ្នំពេញ ប៉ុន្តែដោយសារស្ថានភាពសុខភាពកាន់តែចុះខ្សោយ បុរសរូបបានបាត់បង់ជីវិត។

យ៉ាងណាក៏ដោយ គេនៅមិនដឹងពីមូលហេតុពិតប្រាកដនៃការស្លាប់របស់ជនជាតិរូបនេះឡើយ ដោយសារក្រុមគ្រូពេទ្រ គ្រាន់តែអាចវាយតម្លៃបឋម ជំងឺប្រចាំកាយរបស់អ្នកស្លាប់ប៉ុណ្ណោះ ខណៈវត្ថុសំណាករបស់ជនជាតិចិនរូបនេះ ត្រូវបញ្ជូនមកវិទ្យាស្ថានប៉ាស្ទ័រកម្ពុជា ដើម្បីធ្វើវិភាគបន្ត។ រដ្ឋបាលខេត្តព្រះសីហនុ បានបញ្ជាក់នៅក្នុងសេចក្តីជូនព័ត៌មាននោះថា៖ «តាមការវាយតម្លៃបឋមរបស់គ្រូពេទ្យ បុរសរូបនេះ មានជំងឺរលាកលំពែង និងសួតរ៉ាំរ៉ៃ ព្រមទាំងឡើងជាតិស្ករខ្លាំង» ។

បុរសរូបនេះបានធ្វើចត្តាឡីស័កនៅក្នុងសណ្ឋាគារមួយ នៅសង្កាត់លេខ៤ ក្រុងព្រះសីហនុ ចាប់តាំងពីថ្ងៃទី១៦កុម្ភៈ មកម្ល៉េះ។ បច្ចុប្បន្ន សពបុរសចិនរូបនេះ តម្កល់ទុកនៅមន្ទីរពេទ្យបង្អែកខេត្តព្រះសហនុ៕