COVID-19
ជាតិ
កូវីដ-១៩៖ វិជ្ជមាន១០៥នាក់ ដោយភ្នំពេញ ព្រះសីហនុ និងស្វាយរៀងច្រើនជាងគេ
30, Mar 2021 , 9:46 am
ទិដ្ឋភាពដឹកអ្នកជំងឺកូវីដ-១៩នៅមូលដ្ឋានខណ្ឌដូនពេញកន្លងមក។ រូបថតរដ្ឋបាលខណ្ឌ
×![]()
ដោយ: សារព័ត៌មានថ្មីៗ
កម្ពុជារកឃើញអ្នកកើតកូវីដ-១៩ ចំនួន១០៥នាក់បន្ថែមទៀត និង៤នាក់ទៀតបានជាសះស្បើយ។ នេះបើតាមសេចក្តីប្រកាសព័ត៌មានរបស់ក្រសួងសុខាភិបាលនាព្រឹកថ្ងៃអង្គារ ទី៣០ ខែមីនា។ ករណីច្រើនជាងគេមាននៅភ្នំពេញ ព្រះសីហនុ និងស្វាយរៀង។
ក្នុងចំណោមករណីថ្មីទាំង១០៥ មាន១ករណី ជាបុរសឥណ្ឌូណេស៊ីអាយុ៣៦ឆ្នាំ អាសយដ្ឋាននៅក្រុងប៉ោយប៉ែត ខេត្តបន្ទាយមានជ័យ ដែលធ្វើដំណើរមកពីប្រទេសខ្លួន ហើយមកដល់កម្ពុជានៅថ្ងៃទី១៦ ខែមីនា ឆ្នាំ២០២១។
រីឯករណី១០៤ទៀត សុទ្ធតែពាក់ព័ន្ធនឹងសហគមន៍២០កុម្ភៈ។ ខេត្តព្រះសីហនុ មានអ្នកជំងឺ៣៤នាក់ ដោយជនជាតិខ្មែរមានដល់ទៅ៣៣នាក់ និងវៀតណាម១នាក់ ក្នុងនោះក៏មានកុមារតូចៗផងដែរ។ តួលេខកើនឡើងដ៏គួរឲ្យកត់សម្គាល់គឺនៅក្នុងខេត្តស្វាយរៀង ដោយមានអ្នកជំងឺថ្មីដល់២០នាក់ដែលត្រូវបានដាក់ឲ្យសម្រាកព្យាបាលនៅមន្ទីរពេទ្យស្វាយជ្រំ ដោយអ្នកជំងឺទាំងជនជាតិខ្មែរ និងចិន មានអាសយដ្ឋាននៅក្រុងបាវិត ក្រុងស្វាយរៀង ស្រុកមេសាង ស្រុកកំពង់រោទិ៍ និងទីតាំងផ្សេងទៀត។
ភ្នំពេញ មាន៤៦ករណី ដែលមានជនជាតិចិន និងខ្មែរ ដែលមានអាសយដ្ឋាននៅសង្កាត់បឹងទំពុន ខណ្ឌមានជ័យ សង្កាត់ចោមចៅ៣ ខណ្ឌពោធិ៍សែនជ័យ សង្កាត់ឫស្សីកែវ ខណ្ឌឫស្សីកែវ សង្កាត់បឹងព្រលឹត ខណ្ឌ៧មករា សង្កាត់បឹងកេងកង៣ ខណ្ឌចំការមន និងបណ្តាសង្កាត់ ខណ្ឌផ្សេងទៀត។
ក្រៅពីនេះ ១ករណីនៅឃុំព្រែកខ្សាយ ក ស្រុកពាមរក៍ ខេត្តព្រៃវែង ២ករណីនៅស្រុកស្ទឹងត្រង់ ខេត្តកំពង់ចាម និង១ករណីនៅឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ។
ស្របពេលជាមួយគ្នា ក្រសួងបានកែតម្រូវព័ត៌មានទាក់ទងនឹង១ករណីនៅសៀមរាប ដែលបានប្រកាសកាលពីម្សិលមិញ។ តាមពិតមិនមានករណីនេះឡើយ ដោយសារតែមានការត្បួតពិនិត្យស្ទួនអ្នកជំងឺ។
ក្នុងសេចក្តីប្រកាសព័ត៌មាននៅថ្ងៃនេះ អ្នកជំងឺតែ៤នាក់ប៉ុណ្ណោះដែលបានជាសះស្បើយ ដោយ១នាក់ ត្រូវបានអនុញ្ញាតឲ្យចេញពីមណ្ឌលព្យាបាលស្រុកកោះធំ ខេត្តកណ្តាល ១នាក់ពីមន្ទីរពេទ្យមិត្តភាពខ្មែរសូវៀត និង២នាក់ពីមជ្ឈមណ្ឌលជាតិកំចាត់រោគរបេង និងហង់សិន។
គិតមកដល់ពេលនេះ អ្នកកើតកូវីដ-១៩សរុបនៅកម្ពុជាឡើងដល់២៣៧៧នាក់ដែលក្នុងនោះ១៨៥១នាក់ ស្ថិតក្នុងករណីសហគមន៍២០កុម្ភៈ ដែលរាលដាលក្នុងរាជធានីភ្នំពេញ ខេត្តកណ្តាល ព្រះសីហនុ សៀមរាប ព្រៃវែង ស្វាយរៀង កោះកុង កំពង់ចាម កំពង់ធំ ត្បូងឃ្មុំ កែប តាកែវ កំពត និងបាត់ដំបង។ អ្នកសះស្បើយសរុបមាន១១៧៦នាក់ អ្នកស្លាប់មាន១១នាក់ រីឯ៤នាក់ទៀតស្លាប់ដោយសារជំងឺផ្សេងៗ នាអំឡុងពេលព្យាបាលកូវីដ-១៩។
ក្នុងចំណោមករណីថ្មីទាំង១០៥ មាន១ករណី ជាបុរសឥណ្ឌូណេស៊ីអាយុ៣៦ឆ្នាំ អាសយដ្ឋាននៅក្រុងប៉ោយប៉ែត ខេត្តបន្ទាយមានជ័យ ដែលធ្វើដំណើរមកពីប្រទេសខ្លួន ហើយមកដល់កម្ពុជានៅថ្ងៃទី១៦ ខែមីនា ឆ្នាំ២០២១។
រីឯករណី១០៤ទៀត សុទ្ធតែពាក់ព័ន្ធនឹងសហគមន៍២០កុម្ភៈ។ ខេត្តព្រះសីហនុ មានអ្នកជំងឺ៣៤នាក់ ដោយជនជាតិខ្មែរមានដល់ទៅ៣៣នាក់ និងវៀតណាម១នាក់ ក្នុងនោះក៏មានកុមារតូចៗផងដែរ។ តួលេខកើនឡើងដ៏គួរឲ្យកត់សម្គាល់គឺនៅក្នុងខេត្តស្វាយរៀង ដោយមានអ្នកជំងឺថ្មីដល់២០នាក់ដែលត្រូវបានដាក់ឲ្យសម្រាកព្យាបាលនៅមន្ទីរពេទ្យស្វាយជ្រំ ដោយអ្នកជំងឺទាំងជនជាតិខ្មែរ និងចិន មានអាសយដ្ឋាននៅក្រុងបាវិត ក្រុងស្វាយរៀង ស្រុកមេសាង ស្រុកកំពង់រោទិ៍ និងទីតាំងផ្សេងទៀត។
ភ្នំពេញ មាន៤៦ករណី ដែលមានជនជាតិចិន និងខ្មែរ ដែលមានអាសយដ្ឋាននៅសង្កាត់បឹងទំពុន ខណ្ឌមានជ័យ សង្កាត់ចោមចៅ៣ ខណ្ឌពោធិ៍សែនជ័យ សង្កាត់ឫស្សីកែវ ខណ្ឌឫស្សីកែវ សង្កាត់បឹងព្រលឹត ខណ្ឌ៧មករា សង្កាត់បឹងកេងកង៣ ខណ្ឌចំការមន និងបណ្តាសង្កាត់ ខណ្ឌផ្សេងទៀត។
ក្រៅពីនេះ ១ករណីនៅឃុំព្រែកខ្សាយ ក ស្រុកពាមរក៍ ខេត្តព្រៃវែង ២ករណីនៅស្រុកស្ទឹងត្រង់ ខេត្តកំពង់ចាម និង១ករណីនៅឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ ។
ស្របពេលជាមួយគ្នា ក្រសួងបានកែតម្រូវព័ត៌មានទាក់ទងនឹង១ករណីនៅសៀមរាប ដែលបានប្រកាសកាលពីម្សិលមិញ។ តាមពិតមិនមានករណីនេះឡើយ ដោយសារតែមានការត្បួតពិនិត្យស្ទួនអ្នកជំងឺ។
ក្នុងសេចក្តីប្រកាសព័ត៌មាននៅថ្ងៃនេះ អ្នកជំងឺតែ៤នាក់ប៉ុណ្ណោះដែលបានជាសះស្បើយ ដោយ១នាក់ ត្រូវបានអនុញ្ញាតឲ្យចេញពីមណ្ឌលព្យាបាលស្រុកកោះធំ ខេត្តកណ្តាល ១នាក់ពីមន្ទីរពេទ្យមិត្តភាពខ្មែរសូវៀត និង២នាក់ពីមជ្ឈមណ្ឌលជាតិកំចាត់រោគរបេង និងហង់សិន។
គិតមកដល់ពេលនេះ អ្នកកើតកូវីដ-១៩សរុបនៅកម្ពុជាឡើងដល់២៣៧៧នាក់ដែលក្នុងនោះ១៨៥១នាក់ ស្ថិតក្នុងករណីសហគមន៍២០កុម្ភៈ ដែលរាលដាលក្នុងរាជធានីភ្នំពេញ ខេត្តកណ្តាល ព្រះសីហនុ សៀមរាប ព្រៃវែង ស្វាយរៀង កោះកុង កំពង់ចាម កំពង់ធំ ត្បូងឃ្មុំ កែប តាកែវ កំពត និងបាត់ដំបង។ អ្នកសះស្បើយសរុបមាន១១៧៦នាក់ អ្នកស្លាប់មាន១១នាក់ រីឯ៤នាក់ទៀតស្លាប់ដោយសារជំងឺផ្សេងៗ នាអំឡុងពេលព្យាបាលកូវីដ-១៩។
© រក្សាសិទ្ធិដោយ thmeythmey.com
