តាមរយៈវីដេអូខនហ្វើរិន ជាមួយរដ្ឋមន្ត្រីពាណិជ្ជកម្ម Muhammad Lutfi និងរដ្ឋមន្ត្រីការបរទេស Retno Marsudi កាលពីថ្ងៃទី២ ខែមេសា លោក Erick បានអះអាងពីប្រទេសចិនមកថា ទឹកប្រាក់វិនិយោគមានចំនួនប្រមាណ៥ពាន់លានដុល្លារអាមេរិក។

 

យោងតាមការផ្សាយរបស់សារព័ត៌មាន Tempo គម្រោងវិនិយោគអាគុយអគ្គិសនីនេះ នឹងដំណើរការដោយក្រុមហ៊ុនបច្ចេកវិទ្យា និងអគ្គិសនីរបស់ឥណ្ឌូណេស៊ី រួមជាមួយដៃគូរបស់ក្រុម CATL (Contemporary Amperex Technology Co.Ltd)។

 

ចិន និងឥណ្ឌូណេស៊ី នារយៈពេលចុងក្រោយនេះ សម្រេចបាននូវកិច្ចព្រមព្រៀងរួមជាច្រើន ជាពិសេសការពង្រឹងសហប្រតិបត្តិការក្នុងភាពជាដៃគូ លើការកែទម្រង់រដ្ឋបាលសាធារណៈ និងការពង្រឹងភាពដៃគូរបស់បណ្តាក្រុមហ៊ុនរកស៊ីនៃប្រទេសទាំងពីរ៕