វិធានការនេះត្រូវបានដាក់ចេញបន្ទាប់ពី នៅប៉ុន្មានថ្ងៃមកនេះ មានអាជីវករផ្សារដល់ទៅ៧នាក់ហើយ ដែលមានវិជ្ជមានកូវីដ-១៩ គិតត្រឹមរសៀលថ្ងៃទី១៥ ខែមេសា។ ករណីទីមួយ គឺកើតលើឈ្មោះ អ៊ឹង ខៃលី ភេទប្រុស អាយុ២១ឆ្នាំ មុខរបរលក់គ្រឿងក្រអូបនៅផ្សារក្រោម ដែលពាក់ព័ន្ធនឹងបុរសអ្នករត់តាក់ស៊ី ដែលវិជ្ជមានកូវីដ១៩ នៅចុងខែមីនាកន្លងទៅ។ គិតត្រឹមថ្ងៃដដែល សម្រាប់ព្រឹត្តិការណ៍សហគមន៍ ២០កុម្ភៈ  ខេត្តសៀមរាប មានករណីអ្នកវិជ្ជមានកូវីដ១៩ចំនួន ២០នាក់ហើយ ក្នុងនោះបានជាសះស្បើយចំនួន ៣នាក់។