ក្នុងសេចក្ដីប្រកាសព័ត៌មានរបស់រដ្ឋបាលខេត្ត ដែលចេញផ្សាយនៅថ្ងៃទី៣ ឧសភា អ្នកជំងឺខាងលើបានរកឃើញនៅយប់ថ្ងៃទី២ ឧសភា ក្រោយមកដល់ខេត្តសៀមរាបនៅរសៀលថ្ងៃដដែល។ អ្នកវិជ្ជមានរូបនេះមានឈ្មោះ ដឹង ចាន់ណាត ភេទប្រុស អាយុ ២១ឆ្នាំ មានអាសយដ្ឋានរស់នៅភូមិទី២ សង្កាត់ចុងឃ្នៀស ក្រុងសៀមរាប។ រូបគេបានជិះរថយន្តឈ្នួល មកឈប់នៅមុខវត្តព្រះព្រហ្មរ័ត្ន វេលាម៉ោង៥រសៀល ហើយបានជិះរ៉ឺម៉កកង់បីទៅកាន់មណ្ឌលចត្តាឡីស័កសាលាគរុកោសល្យ ហើយក្រុមគ្រូពេទ្យបានយកសំណាកធ្វើតេស្តស្រាវជ្រាវទទួលបានលទ្ធផលវិជ្ជមានជំងឺកូវីដ-១៩។ បច្ចុប្បន្ន អ្នកជំងឺនេះ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប។

 

គួរបញ្ជាក់ថា មកទល់ពេលនេះ ខេត្តសៀមរាប មានអ្នកវិជ្ជមានជំងឺកូវីដ-១៩ ចំនួន៤៦នាក់ បានព្យាបាលជាសះស្បើយចំនួន១៥នាក់ ស្លាប់១នាក់ និង៣០នាក់ កំពុងសម្រាកព្យាបាលនៅមន្ទីរពេទ្យបង្អែកខេត្តសៀមរាប៕