ក្នុងសេចក្ដីប្រកាសព័ត៌មានរបស់រដ្ឋបាលខេត្តកំពង់បានបញ្ជាក់ថា អ្នកជំងឺកូវីដ-១៩ចំនួន១១នាក់ថ្មីនេះ មាន៥នាក់ ជាអ្នកភូមិលាបទង

ឃុំកំពង់ចិនត្បូង, ៤នាក់ ជាអ្នកភូមិអំពិល , ម្នាក់ជាអ្នកភូមិឈាយ ឃុំសំព្រោជនិងម្នាក់ទៀតជាអ្នកភូមិល្ហុង ឃុំចំណារលើ ស្រុកស្ទោង។ អ្នកទាំង១១នេះ បានឆ្លងជំងឺពីអ្នកភូមិ

និងសាច់ញាតិខ្លួន ដែលរស់នៅក្នុងភូមិខ្លួន។ ចំណែកឯ អ្នកជំងឺកូវីដ-១៩ថ្មីម្នាក់ទៀតជាអ្នកភូមិពង្រលីង ឃុំក្រវ៉ា ស្រុកបារាយណ៍ បានធ្វើដំណើរមកពីខេត្តព្រះសីហនុ

មកខេត្តកំពង់ធំ ជាមួយភរិយា។
 

ក្នុងចំណោមមនុស្ស១២នាក់វិជ្ជមានកូវីដ-១៩ថ្មីនេះ មានតាំងពីកុមារអាយុ៥ឆ្នាំ ដល់មនុស្សចាស់អាយុ៤៦ឆ្នាំ។

ក្រោយតេស្តវិជ្ជមាន អ្នកស្រុកស្ទោងទាំង១១នាក់ ត្រូវបានអាជ្ញាធរបញ្ជូនទៅសម្រាកព្យាបាលនៅវិទ្យាល័យ ជា ស៊ីម ប្រឡាយ។ ចំណែក

អ្នកស្រុកបារាយណ៍ម្នាក់ទៀត ត្រូវបានអាជ្ញាធរបញ្ជូនទៅសម្រាកព្យាបាលនៅមន្ទីរពេទ្យបង្អែកបារាយណ៍-សន្ទុក ហើយអ្នកដែលបានពាក់ព័ន្ធនឹងអ្នកជំងឺរូបនេះ

(ភរិយា) ត្រូវដាក់ឲ្យធ្វើចត្តាឡីស័កនៅវិទ្យាល័យ ហ៊ុន សែន បារាយណ៍។
 

គិតត្រឹមព្រឹកថ្ងៃទី៥ខែឧសភា ឆ្នាំ២០២១ ខេត្តកំពង់ធំ មានអ្នកជំងឺកូវីដ-១៩ ចំនួន៦៣នាក់។ អាជ្ញាធរខេត្ត

នឹងបន្តស្រាវជ្រាវចំពោះអ្នកពាក់ព័ន្ធនឹងអ្នកជំងឺ ពិសេសអ្នកស្រុកស្ទោងដែលពាក់ព័ន្ធនឹងអ្នកជំងឺទាំង១១នាក់ថ្មីនេះ។ អាជ្ញាធរ

ក៏អំពាវនាវឲ្យពលរដ្ឋពាក់ព័ន្ធទាំងអស់ ទៅធ្វើសំណាករកមេរោគកូវីដ-១៩នៅសាលាបឋមសិក្សាឈើទាល ឃុំកំពង់ចិនត្បូង ស្រុកស្ទោងខេត្តកំពង់ធំ។
 

គិតមកដល់ពេលនេះ កម្ពុជាមានអ្នកជំងឺកូវីដ-១៩ ចំនួន ១៦,២៩៩ករណី ក្នុងនោះ១៥,៧៤៤នាក់ ពាក់ព័ន្ធព្រឹត្តិការណ៍សហគមន៍២០កុម្ភៈ។ ចំណែកអ្នកជាសះស្បើយ ៥,៧៩១នាក់ ខណៈអ្នកជំងឺចំនួន១០,៣៩៤នាក់ទៀតកំពុងសម្រាកព្យាបាល។ អ្នកស្លាប់ដោយសារជំងឺកូវីដឥ១៩ បានកើនដល់១០៧នាក់៕