របាយការណ៍ពីរដ្ឋបាលខេត្តស្វាយរៀង នៅថ្ងៃទី២៣ ខែឧសភា ឆ្នាំ២០២១ បានបង្ហាញថា ក្នុងចំណោមកម្មកររោងចក្រយូលី ចំនួន១០១នាក់ ដែលបានតេស្តវិជ្ជមានកូវីដ-១៩នៅថ្ងៃទី២២ឧសភា គឺមាន៥០នាក់ រស់នៅក្នុងស្រុកកំពង់រោទិ៍,  មាន២០នាក់ រស់នៅស្រុកស្វាយទាប, ១៥នាក់នៅស្រុកស្វាយជ្រុំ , ៨នាក់នៅស្រុករំដួល, ៣នាក់នៅស្រុកស្វាយរៀង, ៣នាក់នៅក្រុងបាវិត និង ម្នាក់ នៅស្រុករមាសហែក។ 

 

ដើម្បីទប់ស្កាក់ការឆ្លងរាលដាលនូវជំងឺកូវីដ-១៩ រដ្ឋបាលខេត្តស្វាយរៀងបន្តអំពាវនាវដល់ពលរដ្ឋទាំងអស់ដែលបានពាក់ព័ន្ធដោយផ្ទាល់ និងប្រយោលជាមួយអ្នកជំងឺកូវីដ-១៩ រួសរាន់ទៅយកសំណាកធ្វើរកមេរោគកូវីដ-១៩ និងធ្វើចត្តាឡីស័កចំនួន១៤ថ្ងៃផងដែរ។ 

 

គិតត្រឹមថ្ងៃទី២៣ ខែឧសភា ឆ្នាំ២០២១ កម្ពុជា រកឃើញអ្នកឆ្លងជំងឺកូវីដ-១៩សរុប ដល់ទៅ២៥២០៥នាក់ តែបានជាសះស្បើយវិញ ១៧៧០១នាក់ហើយ ដោយនៅសល់៧៥០៤នាក់ ដែលកំពុងសម្រាកព្យាបាល។ ចំណែកអ្នកស្លាប់ ដោយសារជំងឺនេះ កើនដល់១៧៦នាក់៕