តាមប្រព័ន្ធអនឡាញ ក្រុមហ៊ុនទាំងអស់ បានបង្កើតកម្មវិធីប្រឹក្សាយោបល់សម្រាប់អតិថិជន ដោយពួកគេអាចចុះកិច្ចសន្យាទិញ និងសាកល្បងបើករថយន្ត ដោយមិនចាំបាច់ទៅកាន់ទីតាំងបង្ហាញ (showroom)។

 

ទោះបីជាយ៉ាងណាក៏ដោយ ការលក់ដូររថយន្តតាមអនឡាញ ជាមួយការបំពាក់បច្ចេកវិទ្យាពិសេស សម្រាប់អតិថិជន អនុវត្តភាគច្រើនតែនៅក្នុងទីក្រុងហាណូយប៉ុណ្ណោះ។ 

 

លោក Pham Van Dung អគ្គនាយកក្រុមហ៊ុន Ford Vietnam បានអះអាងប្រាប់សារព័ត៌មាន VietnamPlus ថា កូវីដ-១៩ បង្កបញ្ហាដល់គ្រប់វិស័យ ហេតុដូច្នេះហើយបានជាក្រុមហ៊ុនយានយន្តខិតខំរកមធ្យោបាយគ្រប់បែបយ៉ាងដើម្បីបម្រើអតិថិជនប្រកបដោយការយកចិត្តទុកដាក់ និងសុវត្ថិភាព។

 

អតិថិជនអាចស្នាក់នៅផ្ទះ ហើយបញ្ជាទិញរថយន្តតាមអនឡាញ ជាពិសេសនៅទីតាំងលក់ដែលជិតបំផុត។ ក្រោយមានការព្រមព្រៀងគ្នា បុគ្គលិកក្រុមហ៊ុននឹងដឹករថយន្តទៅដល់ផ្ទះអតិថិជនដើម្បីពួកគេអាចបើកសាកល្បង។

ក្រុមហ៊ុន VinFast, Mercedes-Benz Vietnam ក៏កំពុងអនុវត្តទីផ្សារឌីជីថលនេះផងដែរ ជាពិសេសការបន្ទាន់សម័យគេហទំព័រផ្លូវការរបស់ខ្លួន ដើម្បីឲ្យអតិថិជនអាចដឹងព័ត៌មានកាន់តែច្បាស់អំពីមូដែលរថយន្ត មុននឹងឈានដល់ការសម្រេចចិត្តទិញ។

 

លោក Bradley Kelly អគ្គនាយកក្រុមហ៊ុន Mercedes-Benz Vietnam បានវាយតម្លៃថា ប្រព័ន្ធឌីជីថល គឺជាជំហានទៅមុខមួយក្នុងការទិញលក់រថយន្តទំនើបនៅវៀតណាម៕