​មនុស្ស ១៤៤នាក់ទៀត ​វិជ្ជមាន​កូវីដ-១៩ ក្នុងនោះជាង៤០នាក់នាំចូលពីប្រទេសថៃ។ អ្នកជំងឺ​២៥នាក់បន្ថែម បានជាសះស្បើយ ខណៈអ្នក​ស្លាប់មានម្នាក់ទៀត ដែលធ្វើ​ឱ្យអ្នកស្លាប់នៅសៀមរាប កើនដល់១៨នាក់។ អ្នកវិជ្ជមានភាគច្រើនរស់នៅក្រុងសៀមរាប , ស្រុកប្រាសាទបាគង ជីក្រែង បន្ទាយស្រី ក្រឡាញ់ ពួក អង្គរជុំ អង្គរធំ ស្រីស្នំ និងស្រុកវ៉ារិន។ អ្នកជំងឺមួយចំនួនរស់នៅក្រុងប៉ោយប៉ែត ខេត្តបន្ទាយមានជ័យ, ខេត្តព្រៃវែង និងព្រះវិហារ។ ចំពោះករណីស្លាប់ គឺជាស្ត្រីវ័យ ៦៩ឆ្នាំ រស់នៅភូមិរវៀន សង្កាត់សាលាកំរើក ក្រុងសៀមរាប​។ 

 

គិតត្រឹមថ្ងៃទី៥ កក្កដា ខេត្តសៀមរាប រកឃើញអ្នកវិជ្ជមាន​កូវីដ-១៩ ចំនួន ១ ៦៥៤នាក់ ក្នុងនោះបានព្យាបាលជាសះស្បើយ ចំនួន៦០៥នាក់ ១៨នាក់ស្លាប់ និង១០៣១នាក់ កំពុងសម្រាកព្យាបាល​។

 

 

ក្នុងចំណោមករណីឆ្លងថ្មីចំនួន ៨៥នោះ មាន ៧៥នាក់ គឺជាពលករខ្មែរដែលត្រឡប់មកពីប្រទេសថៃ តាមច្រកអន្តរជាតិអូរស្មាច់​។ ជាមួយគ្នានេះ ក៏មានអ្នកជំងឺ ១៥នាក់ បានជាសះស្បើយផងដែរ។ អ្នកវិជ្ជមានទាំងនោះ ជាអ្នកខេត្តឧត្តរមានជ័យ បន្ទាយមានជ័យ បាត់ដំបង តាកែវ កំពង់ធំ សៀមរាប ត្បូងឃ្មុំ ព្រៃវែង កំពង់ឆ្នាំង កំពត ក្រចេះ និងរាជធានីភ្នំពេញ។បច្ចុប្បន្ន ខេត្តឧត្តរមានជ័យ រកឃើញអ្នកកើតកូវីដ-១៩ ចំនួន១,០០៨នាក់ ក្នុងនោះ ៨៩៥នាក់ ជាករណីនាំចូល។ អ្នកជា​សះស្បើយមានចំនួន១៧៧នាក់, ៣នាក់ស្លាប់ និង៨២៨នាក់ កំពុងសម្រាកព្យាបាល។

 

 

មនុស្សចំនួន ៥០នាក់ទៀត តេស្តវិជ្ជមានកូវីដ-១៩ និង១៨នាក់បន្ថែមបានជាសះស្បើយ។ អ្នកស្លាប់ មាន២នាក់ទៀត។ ក្នុងចំណោមអ្នកឆ្លងថ្មី ភាគច្រើនជាអ្នករស់នៅក្រុងបាត់ដំបង បន្ទាប់មកនៅស្រុកមោងឫស្សី បាណន់ ថ្មគោល​ សង្កែ ឯកភ្នំ សំពៅលូន រុក្ខគិរី និងស្រុកភ្នំព្រឹក។ អ្នកជំងឺម្នាក់គឺជាអ្នកបើកបររថយន្ត និងមានអាសយដ្ឋាននៅខេត្តព្រៃវែង។ ​

 

ចំពោះករណីស្លាប់ គឺជាស្ត្រីវ័យ ៧១ឆ្នាំ រស់នៅភូមិកសិកម្ម ឃុំតាពូង ស្រុកថ្មគោល។ ចំណែកម្នាក់ទៀតជាបុរសវ័យ៥៥ឆ្នាំ រស់នៅភូមិភ្នំតូច ឃុំពេជ្រចិន្តា ស្រុកភ្នំព្រឹក។  

 

បច្ចុប្បន្ន ខេត្តបាត់ដំបង មានអ្នកឆ្លងកូវីដ-១៩ សរុប ១ ២២៦នាក់ ក្នុងនោះ៦៣០នាក់ បានជាសះស្បើយ ៩នាក់ស្លាប់ និងអ្នកកំពុងសម្រាកព្យាបាលមានចំនួន ៥៨៧នាក់។ 

 

 

 

ក្នុងចំណោមករណីថ្មីទាំង ២៨នាក់ នោះមាន ១១នាក់ ជាពលរដ្ឋរស់នៅស្រុកពារាំង។ បណ្តាស្រុកចំនួន៩ទៀត ក៏មានករណីឆ្លងថ្មីដែរ មានស្រុកព្រះស្តេច, ពាមជរ, មេសាង, កញ្ច្រៀច, ស្រុកពាម, បាភ្នំ, ស៊ីធរកណ្តាល, កំពង់ត្របែក, កំចាយមារ និងអ្នកមកពីខេត្តកណ្តាល ចំនួន ១នាក់។ ចំណែកអ្នកស្លាប់ទាំង ២នាក់ ជាស្ត្រីចំណាស់ ដែលម្នាក់មានវ័យ ៧៣ឆ្នាំ រស់នៅភូមិព្រៃមាស ឃុំអង្គរាជ្រ ស្រុកព្រះស្តេច។ ម្នាក់ទៀតវ័យ ៧២ឆ្នាំ រស់នៅភូមិអង្គរអង្គ ឃុំអង្គរអង្គ ស្រុកពាមជរ។ ត្រឹមថ្ងៃទី៥ ខែកក្កដា ខេត្តព្រៃវែង​រកឃើញអ្នកវិជ្ជមានកូវីដ-១៩ ចំនួន ១ ៧៩៤នាក់ ក្នុងនោះ១ ២១១នាក់ បានជាសះស្បើយ ២៨នាក់ស្លាប់ និងអ្នកកំពុងសម្រាកព្យាបាលមានចំនួន ៥៥៥នាក់។

 

​

 ករណីទូទាំងប្រទេស៖ ករណីថ្មី ៩៣៥នាក់ ជាសះស្បើយ ៦៥៤នាក់ និងស្លាប់៣១នាក់
 

ក្រសួងសុខាភិបាល នៅថ្ងៃទី៦ ខែកក្កដានេះ បានប្រកាសថាបានរកឃើញអ្នកវិជ្ជមានកូវីដ-១៩ ចំនួន ៩៣៥នាក់ទៀត ក្នុងនោះមាន ១៥៥នាក់ ជាករណីនាំចូល។ អ្នកជាសះស្បើយ មាន ៦៥៤ នាក់បន្ថែម និងអ្នកស្លាប់មាន ៣១នាក់។ មកទល់ពេលនេះ កម្ពុជាមានអ្នកឆ្លងកូវីដ-១៩ សរុប ៥៦ ១២២នាក់ ក្នុងនោះ ៣ ៤៩៥នាក់ ជាករណីនាំចូល។ អ្នកជាសះស្បើយមាន  ៤៨ ០៤០នាក់ និងស្លាប់សរុប ៧៧៩នាក់៕

 

​

​