ជាតិ
សង្គមជាតិ
បឹងទន្លេសាប ជារតនសម្បត្តិធម្មជាតិមិនអាចកាត់ថ្លៃបានរបស់កម្ពុជា
24, Jul 2021 , 10:30 pm
×![]()
ដោយ: ហុង ស្រីណា
ភ្នំពេញ៖ បឹងទន្លេសាបជាបឹងដ៏មានសារៈសំខាន់សម្រាប់កម្ពុជា។ វាមានផ្ទៃទឹកធំល្វឹងល្វើយនិងជាបឹងទឹកសាបធំបំផុតនៅអាស៊ីអាគ្នេយ៍ផងដែរ។ បឹងនេះ បានផ្ដល់ជាជម្រកដល់ជីវៈចម្រុះយ៉ាងសម្បូរបែបនិងបានផ្តល់ជាប្រយោជន៍ដល់ការនេសាទ និងដំណាំ របស់ពលរដ្ឋដែលរស់នៅតាមបណ្តោយបឹងទន្លេសាប។ នៅកម្ពុជា បឹងនេះត្រូវបានគេបែងចែកជាបឹងធំ បឹងតូច និងវាលភក់។ 
បឹងទន្លេសាបមានបណ្ដោយប្រមាណ ១១៦ គីឡូម៉ែត្រ និងមានទទឹងប្រមាណពី ៣ គីឡូម៉ែត្រ ទៅ ៣៣ គីឡូម៉ែត្រនិងមានឆ្នេរប្រវែងប្រមាណ ៤៨២ គីឡូម៉ែត្រ នៅរដូវប្រាំង ។ បឹងទន្លេសាប ជាបេះដូងនៃប្រទេសកម្ពុជា។ វាបានជួយដល់វិស័យជលផល វិស័យកសិកម្ម វិស័យសេដ្ឋកិច្ចនិងផ្នែកបរិស្ថាន ។
លើសពីនេះ តំបន់ដីសើម និងព្រៃលិចទឹកដ៏ធំល្វឹងល្វើយក៏បានផ្ដល់ជាជម្រកដល់ជីវៈចម្រុះយ៉ាងសម្បូរបែបផងដែរ។ នេះបើតាមឯកសាររបស់អាជ្ញាធរទន្លេសាប។
សៀវភៅខ្ញុំចង់ដឹងរបស់អង្គការស៊ីប៉ា ដែលមានចំណងជើងថា «ជីវិតជុំវិញបឹងទន្លេសាប» បានរៀបរាប់ថានៅពេលទឹកស្រក បឹងទន្លេសាប មានផ្ទៃទឹកសរុបប្រហែល ៣ពាន់ គីឡូម៉ែត្រការ៉េ និងមានជម្រៅ១ទៅ២ម៉ែត្រ។ នៅរដូវវស្សា ផ្ទៃទឹកអាចឡើងប្រហែល ១ម៉ឺន គីឡូម៉ែត្រការ៉េនិងមានជម្រៅប្រហែល ៩ម៉ែត្រ ដែលនាវា មានចំណុះច្រើនអាចបើកចេញចូលបាន។
ពេញមួយឆ្នាំ បឹងនេះទទួលទឹកពីស្ទឹង ដែលហូរចូលគ្រប់ទិសទី។ ស្ទឹងវែងជាងគេ គឺស្ទឹងសែន ដែលមានប្រភពពីជួរភ្នំដងរែក ហើយហូរកាត់ក្រុងស្ទឹងសែន ទីរួមខេត្តកំពង់ធំ។ បឹងទន្លេសាបនេះ អាចចែកជាបឹងធំ បឹងតូច និងវាលភក់។
បឹងធំស្ថិតនៅប៉ែកខាងជើងនៃប្រទេសកម្ពុជា។ វាមានបណ្តោយពី ៧៥ទៅ៨០ គីឡូម៉េត្រ និងមានទទឹងពី៣២ទៅ៣៥គីឡូម៉ែត្រ។ នៅគ្រប់រដូវផ្ទៃទឹកលាតសន្ធឹងល្វឹងល្វើយដាច់កន្ទុយភ្នែក។ បឹងនេះជាអាងស្តុកទឹកដ៏ធំនៅរដូវប្រាំង។
ចំណែក បឹងតូចជាបឹងដែលស្ថិតនៅប៉ែកកណ្តាល មានបណ្តោយពី ៣៥ទៅ៤០គីឡូម៉ែត្រនិងមានទទឹងធំបំផុត២៨គីឡូម៉ែត្រ។ នៅចុងខាងត្បូងនៃបឹង ហៅថាឆ្នុកទ្រូ
ដែលវាមានរាងរៀវតូចស្តួច ព្រមទាំងមានទួលខ័ណ្ឌនៅបាត ព្រោះតែចំណុះល្បាប់ពីស្ទឹងសែន។
រីឯ វាលភក់គឺជាតំបន់នៅចន្លោះឆ្នុកទ្រូ និងក្រុងកំពង់ឆ្នាំង។ តំបន់នេះមានបណ្តោយប្រហែល៤០គីឡូម៉ែត្រ និងទទឹង ១២គីឡូម៉ែត្ររួមទាំងមានកូនកោះទាបៗជាច្រើនហ៊ុមព័ទ្ធដោយដៃទន្លេតូចៗ។ នៅត្រង់ឆ្នុកទ្រូទួលខ័ណ្ឌខាងលើទប់ទឹកមិនឲ្យហូរចេញអស់ពីបឹងទន្លេសាបនៅរដូវប្រាំង
ប៉ុន្តែវាបង្កការលំបាកដល់ចរាចរណ៍ទូក កាណូត និងកប៉ាល់ នោពេលទឹករីង៕
បឹងទន្លេសាបមានបណ្ដោយប្រមាណ ១១៦ គីឡូម៉ែត្រ និងមានទទឹងប្រមាណពី ៣ គីឡូម៉ែត្រ ទៅ ៣៣ គីឡូម៉ែត្រនិងមានឆ្នេរប្រវែងប្រមាណ ៤៨២ គីឡូម៉ែត្រ នៅរដូវប្រាំង ។ បឹងទន្លេសាប ជាបេះដូងនៃប្រទេសកម្ពុជា។ វាបានជួយដល់វិស័យជលផល វិស័យកសិកម្ម វិស័យសេដ្ឋកិច្ចនិងផ្នែកបរិស្ថាន ។
លើសពីនេះ តំបន់ដីសើម និងព្រៃលិចទឹកដ៏ធំល្វឹងល្វើយក៏បានផ្ដល់ជាជម្រកដល់ជីវៈចម្រុះយ៉ាងសម្បូរបែបផងដែរ។ នេះបើតាមឯកសាររបស់អាជ្ញាធរទន្លេសាប។
សៀវភៅខ្ញុំចង់ដឹងរបស់អង្គការស៊ីប៉ា ដែលមានចំណងជើងថា «ជីវិតជុំវិញបឹងទន្លេសាប» បានរៀបរាប់ថានៅពេលទឹកស្រក បឹងទន្លេសាប មានផ្ទៃទឹកសរុបប្រហែល ៣ពាន់ គីឡូម៉ែត្រការ៉េ និងមានជម្រៅ១ទៅ២ម៉ែត្រ។ នៅរដូវវស្សា ផ្ទៃទឹកអាចឡើងប្រហែល ១ម៉ឺន គីឡូម៉ែត្រការ៉េនិងមានជម្រៅប្រហែល ៩ម៉ែត្រ ដែលនាវា មានចំណុះច្រើនអាចបើកចេញចូលបាន។
ពេញមួយឆ្នាំ បឹងនេះទទួលទឹកពីស្ទឹង ដែលហូរចូលគ្រប់ទិសទី។ ស្ទឹងវែងជាងគេ គឺស្ទឹងសែន ដែលមានប្រភពពីជួរភ្នំដងរែក ហើយហូរកាត់ក្រុងស្ទឹងសែន ទីរួមខេត្តកំពង់ធំ។ បឹងទន្លេសាបនេះ អាចចែកជាបឹងធំ បឹងតូច និងវាលភក់។
បឹងធំស្ថិតនៅប៉ែកខាងជើងនៃប្រទេសកម្ពុជា។ វាមានបណ្តោយពី ៧៥ទៅ៨០ គីឡូម៉េត្រ និងមានទទឹងពី៣២ទៅ៣៥គីឡូម៉ែត្រ។ នៅគ្រប់រដូវផ្ទៃទឹកលាតសន្ធឹងល្វឹងល្វើយដាច់កន្ទុយភ្នែក។ បឹងនេះជាអាងស្តុកទឹកដ៏ធំនៅរដូវប្រាំង។
ចំណែក បឹងតូចជាបឹងដែលស្ថិតនៅប៉ែកកណ្តាល មានបណ្តោយពី ៣៥ទៅ៤០គីឡូម៉ែត្រនិងមានទទឹងធំបំផុត២៨គីឡូម៉ែត្រ។ នៅចុងខាងត្បូងនៃបឹង ហៅថាឆ្នុកទ្រូ
ដែលវាមានរាងរៀវតូចស្តួច ព្រមទាំងមានទួលខ័ណ្ឌនៅបាត ព្រោះតែចំណុះល្បាប់ពីស្ទឹងសែន។
រីឯ វាលភក់គឺជាតំបន់នៅចន្លោះឆ្នុកទ្រូ និងក្រុងកំពង់ឆ្នាំង។ តំបន់នេះមានបណ្តោយប្រហែល៤០គីឡូម៉ែត្រ និងទទឹង ១២គីឡូម៉ែត្ររួមទាំងមានកូនកោះទាបៗជាច្រើនហ៊ុមព័ទ្ធដោយដៃទន្លេតូចៗ។ នៅត្រង់ឆ្នុកទ្រូទួលខ័ណ្ឌខាងលើទប់ទឹកមិនឲ្យហូរចេញអស់ពីបឹងទន្លេសាបនៅរដូវប្រាំង
ប៉ុន្តែវាបង្កការលំបាកដល់ចរាចរណ៍ទូក កាណូត និងកប៉ាល់ នោពេលទឹករីង៕
Tag:
អង្គការស៊ីប៉ា
© រក្សាសិទ្ធិដោយ thmeythmey.com
