ម្ចាស់ជើងឯកពិភពលោក F1 ចំនួន៧សម័យកាល បានចាប់ផ្តើមមូលនិធិសប្បុរសធម៌ថ្មី ហើយនឹងផ្តល់ថវិកាទាំង២៨លានដុល្លារ ដើម្បីគាំទ្រដល់អង្គការ និងកម្មវិធីនានា ដែលពាក់ពាន់នឹងវិបត្តិការងារ និងការអប់រំ។ តាមរយៈដៃគូការសហការការផ្តល់ជំនួយផ្សេងៗ ក៏មានការចូលរួមឧបត្ថម្ភពីក្រុមហ៊ុន Mercedes ផងដែរ។ នេះបើតាមការផ្សាយរបស់ទីភ្នាក់ងារព័ត៌មាន Reuters។
 

Hamilton អ្នកប្រណាំងឡានសញ្ជាតិអង់គ្លេស ដែលបើកបរឱ្យក្រុម Mercedes សង្ឃឹមថាបេសកកម្ម៤៤ នឹងជួយយុវជនលើការចិញ្ចឹមបីបាច់ ទំនុកបម្រុង និងការលើកទឹកចិត្ត ដើម្បីផ្លាស់ប្តូរអានាគតរបស់ពួកគេ។
 

«ខ្ញុំបានពិសោធដោយផ្ទាល់រួចហើយថាសាវតារបស់មនុស្សម្នាក់ៗដែលមានកម្រិតទាបដោយសារជីភាព អាចនឹងជះឥទ្ធិដល់អនាគតរបស់បុគ្គលនោះ។ នេះជាការអះអាងរបស់ Hamilton មុនបន្ថែមថា រូបគេសំណាងហើយ ដែលអាចជំនះឧបសគ្គទាំងនោះបានតាមរយៈឱកាស និងការគាំទ្រ។ 
 

ដោយឆ្លងកាត់ពិសោធនេះ Hamilton វ័យ៣៦ឆ្នាំ ចង់ធានាយុវជនដទៃទៀតដែលមានប្រវត្តិស្រដៀងគ្នាអាចធ្វើបានដូចខ្លួនដែរ តាមរយៈការគាំទ្រដោយមូលនិធិសប្បុរសធម៌ ដែលមានឈ្មោះថាបេសកកម្ម៤៤នេះ៕