ចក្រភពអង់គ្លេស មានកីឡាការិនី Kate Dawson (ហែលផ្ងារ), កីឡាករ Adam Peaty (ហែលកង្កែប), កីឡាករ James Guy (ហែលមេអំបៅ) និង កីឡាការិនី Anna Hopking (ហែលសេរី) បានរួមគ្នាបញ្ចប់ក្នុងថិរវេលា ៣:៣៧.៥៨ ពោលគឺនាំមុខក្រុមចិន ១.២៨វិនាទី។

 

អង់គ្លេសបានជ្រើសរើសការហែលតាមលំដាប់ស្ត្រី បុរស បុរស និងស្ត្រី ដោយចាប់ផ្តើមពី Kate បន្តទៅ Adam និង James ខណៈ Anna ដែលជាមនុស្សចុងក្រោយបានប្រឹងប្រែងទៅដល់ទីមុនគេ ដើម្បីនាំអង់គ្លេសក្លាយជាម្ចាស់មេដាយមាសដំបូងបំផុតលើវិញ្ញាសានេះ ហើយក៏ជាម្ចាស់កំណត់ត្រាពិភពលោកផងដែរ។

 

សម្រាប់វិញ្ញាសាហែលទឹកចម្រុះបណ្តាក់ Mixed 4 x 100m Medley Relay  នេះ ក្រុមដែលប្រកួតប្រជែងអាចជ្រើសរើសលំដាប់អត្តពលិកដែលត្រូវហែលតាមចិត្ត ដោយជុំខ្លះ គេអាចឃើញស្ត្រីហែលប្រកួតជាមួយបុរសផងដែរ។

 

ក្រុមចិនដែលទទួលបានមេដាយប្រាក់សម្រេចបានក្នុងថិរវេលា ៣:៣៨.៨៦ ខណៈក្រុមអូស្ត្រាលី ធ្វើបាន ៣:៣៨.៩៥ ដើម្បីទទួលបានមេដាយសំរឹទ្ធ៕