បើតាមប្រមុខរដ្ឋាភិបាល នៅថ្ងៃទី១ ខែសីហានេះ  វ៉ាក់សាំងជំនួយរបស់ចិន ប្រភេទ Sinovac ចំនួន ១លានដូស នឹងត្រូវដឹកមកដល់ប្រទេសកម្ពុជា ខណៈវ៉ាក់សាំង Johnson &Johnson ចំនួន៦០៩.៦០០ដូសទៀត ដែលជំនួយរបស់អាមេរិកតាមយន្តការ COVAX នឹងមកដល់កម្ពុជានៅថ្ងៃទី២ ខែសីហា។ 

 

ចំពោះវ៉ាក់សាំង AstraZeneca ដែលជាជំនួយរបស់រដ្ឋាភិបាលជប៉ុន ដែលនៅសល់ជាង ៦០ម៉ឺនដូស ក៏ដូចជាវ៉ាក់សាំងជំនួយរបស់រដ្ឋាភិបាលអង់គ្លេសចំនួន ៤១៥.០០០ដូស ដែលជាប្រភេទAstraZenecaដែរនោះ ក៏នឹងមកដល់ជាបន្តបន្ទាប់នៅអំឡុងខែសីហានេះដែរ។ ក្រៅពីនេះសម្តេច នាយករដ្ឋមន្ត្រីកម្ពុជា ក៏ឱ្យដឹងដែរថា កម្ពុជានឹងទទួលបានវ៉ាក់សាំង ប្រភេទ Sinovac ៥លានដូសបន្ថែមទៀតដែលទិញពីចិន នៅក្នុងខែសីហានេះ។

 

 

​បច្ចុប្បន្ន កម្ពុជាមានវ៉ាក់សាំងកូវីដ-១៩ ជិត១៩លានដូសហើយ សម្រាប់ចាក់ជូនប្រជាពលរដ្ឋ ហើយបើគិតទាំងវ៉ាក់សាំងកូវីដ-១៩ ដែលនឹងដឹកមកដល់កម្ពុជាជាបន្តបន្ទាប់ទៀត​នៅក្នុងខែសីហានេះ កម្ពុជា នឹងមានវ៉ាក់សាំងសរុបជិត ២៦.៥លានដូស។ ក្នុងចំណោមវ៉ាក់សាំងសរុបនេះ មានប្រមាណ២០.៥លានដូស ជាវ៉ាក់សាំងដែលកម្ពុជាបញ្ជាទិញពីប្រទេសចិន៕