ពីនេះ ពីនោះ
ព័ត៍មានសុខភាព
សុខភាព
វិធី១០យ៉ាង ធ្វើឲ្យមិត្តប្រុសកាន់តែសប្បាយចិត្ត 15, Sep 2021 , 10:59 pm
× ទាំងបុរសទាំងនារីពិតណាស់ គឺមិនចង់ឲ្យដៃគូដែលខ្លួនស្រលាញ់ពិបាកចិត្ត គិតច្រើន អារម្មណ៍រវើរវាយនោះទេ តែចង់បានមនុស្សអារម្មណ៍ល្អ រីករាយច្រើន និងចេះលេងសើចតិចៗ ដើម្បីរក្សាទំនាក់ទំនងស្នេហាឲ្យមានភាពផ្អែមល្ហែម។
រឿងដ៏ល្អមួយដែលមិត្តស្រីអាចធ្វើចំពោះមិត្តប្រុស គឺធ្វើឲ្យគាត់មានអារម្មណ៍កាន់តែស្រលាញ់ ស្និទ្ធស្នាល និងកាន់តែចង់បានរូបអ្នកជាគូអនាគត។ ១០ចំណុចខាងក្រោមនេះ ត្រូវមនុស្សភាគច្រើនជឿជាក់ថា អាចធ្វើឲ្យគាត់មានអារម្មណ៍ស្រលាញ់អ្នកកាន់តែខ្លាំង រហូតមិនចង់បាត់មុខ៖
១. ឈរខាងគាត់ជានិច្ច
ពេលអ្នកឈរខាងគាត់មានន័យថា អ្នកជឿជាក់លើសមត្ថភាពគាត់ លើកទឹកចិត្ត គាំទ្រ ដែលអាចជួយឲ្យគាត់សម្រេចដល់គោលដៅ ឬជម្នះរាល់ឧបសគ្គ។ គ្មានអ្វីដែលធ្វើឲ្យបុរសមានអារម្មណ៍សប្បាយចិត្តខ្លាំង ពេលឃើញមនុស្សដែលខ្លួនស្រលាញ់បង្ហាញក្ដីស្រលាញ់ ការសរសើរ និងគាំទ្រចំពោះខ្លួនឡើយ។ កុំគេចវេះ ឬព្រងើយកន្តើយ ពេលគាត់កំពុងដើរលើផ្លូវដ៏ពិបាក ឬជួបប្រទះឧបសគ្គច្រើន អ្នកអាចជាកម្លាំងចិត្ត ឬជាបង្គោលដ៏សំខាន់នៃរាងកាយ ដែលគាត់នឹងចំណាយពេលពេញមួយជីវិតគាត់រួមរស់ជាមួយអ្នក។
២. សរសើរគាត់
ត្រូវទទួលស្គាល់ថារឿងរ៉ាវទាំងអស់ដែលគាត់ធ្វើ គឺចង់ឲ្យអ្នកមានអារម្មណ៍សប្បាយរីករាយ និងបង្កើនភាពស្និទ្ធស្នាល ដូច្នេះអ្នកអាចសរសើរ ផ្ដល់កម្លាំងចិត្ត យ៉ាងហោចណាស់និយាយមួយឃ្លា អរគុណ ចំពោះគាត់ក៏បានដែរ។
© រក្សាសិទ្ធិដោយ thmeythmey.com