ពីនេះ ពីនោះ
ព័ត៍មានសុខភាព
សុខភាព
វិធីការពារមិនអោយធីងធោងខ្លាំងពេលអ្នកញ៉ាំស្រា 21, Sep 2021 , 6:59 am
× ធីងធោងគឺជាក្រុននៃរោគសញ្ញាមិនល្អ ដែលអាចកើតមានបន្ទាប់ពីការញ៉ាំគ្រឿងស្រវឹងច្រើនពេក។ ជាទូទៅញ៉ាំគ្រឿងស្រវឹងកាន់តែច្រើន អ្នកទំនងជាមានសភាពធីងធោងកាន់តែខ្លាំងនៅថ្ងៃបន្ទាប់។ តែពុំមានរូបមន្តមន្តដែលអាចយកមកប្រាប់អ្នកពីកម្រិតដែលមានសុវត្ថិភាពសម្រាប់អ្នក និងជៀសវាងការធីងធោងនោះទេ។ ទោះជាយ៉ាងណាវានឹងបាត់ទៅវិញដោយខ្លួនឯង បើទោះបីជាវាអាចមានរយៈពេលរហូតដល់ទៅ២៤ម៉ោងក៏ដោយ។ ប្រសិនបើអ្នកជ្រើសការញ៉ាំគ្រឿងស្រវឹង ការមានទំនួលខុសត្រូវអាចជួយអ្នកចៀសវាងអាការៈនេះបាន។ បើទោះបីជា មានថ្នាំអាចធ្វើអោយវាមានសភាពធូស្រាលក៏ពិតមែន តែវិធីដែលធានាការពារមិនអោយមានអការៈនេះបានតែមួយគត់គឺជៀសវាងការសេពគ្រឿងស្រវឹង។ ប្រសិនបើអ្នកជ្រើសថាញ៉ាំស្រា សូមញ៉ាំក្នុងកម្រិតមធ្យម។ ខាងក្រោមនេះជាវិធីដែលអាចជួយអ្នកបាន៖
- ញ៉ាំអាហារជាដំបូង៖ គ្រឿងស្រវឹងត្រូវបានស្រូបយ៉ាងឆាប់រហ័សប្រសិនបើក្រពះរបស់អ្នកទទេ។ វាអាចជួយអ្នកបានដោយការបរិភោគអ្វីមួយមុនពេលចាប់ផ្តើមញ៉ាំគ្រឿងស្រវឹង។
- ញ៉ាំស្រាយឺតៗ៖ ការញ៉ាំស្រាគឺមិនមែនជាការប្រកួតគ្នានោះទេ។ កំណត់ខ្លួនឯងញ៉ាំត្រឹម១កំប៉ុងក្នុង១ម៉ោង។
- ជ្រើសស្រាមកញ៉ាំដោយប្រុងប្រយ័ត្ន៖ ស្រាដែលមានជាតិអាល់កុលតិចអាចធ្វើអោយមានអការៈធីងធោងតិចផងដែរ។
- ញ៉ាំទឹកនៅចន្លោះរវាងពេលញ៉ាំស្រា៖ ញ៉ាំទឹកមួយកែវបន្ទាប់ពីញ៉ាំគ្រឿងស្រវឹងនឹងជួយអ្នកអោយមានជាតិទឹកគ្រប់គ្រាប់។ វាក៏នឹងជួយអោយអ្នកញ៉ាំគ្រឿងស្រវឹងបានតិចជាងនេះ។
-
- ក៏ដឹងពីដែនកំណត់របស់អ្នក។ សម្រេចចិត្តជាមុខថាតើត្រូវញ៉ាំប៉ុន្មាន។ សូមកុំមានអារម្មរណ៏តានតឹង។ មនុស្សមួយចំនួនបានញ៉ាំថ្នាំបំបាត់ការឈឺចាប់ដូចជាថ្នាំអាស្ពីរីនដើម្បីការពារអការៈធីងធោង។ ប៉ុន្តែត្រូវប្រាកដថាបានសាកសួរវេជ្ជបណ្ឌិតរបស់អ្នកប្រសិនបើនេះគឺមានសុវត្ថិភាពសម្រាប់អ្នក និងកម្រិតដែលល្អបំផុតសម្រាប់អ្នក។ ថ្នាំទាំងនេះអាចមានប្រតិកម្មជាមួយនឹងថ្នាំដទៃទៀត ហើយនៅក្នុងករណីនេះការប្រើថ្នាំ acetaminophenអាចបណ្តាលអោយខូចថ្លើមប្រសិនបើអ្នកញ៉ាំគ្រឿងស្រវឹងច្រើនពេក៕
© រក្សាសិទ្ធិដោយ thmeythmey.com