ពីនេះ ពីនោះ
ព័ត៍មានសុខភាព
សុខភាព
អារម្មណ៍មិនល្អ គួរធ្វើដូចម្តេច? 24, Sep 2021 , 10:29 pm
× អារម្មណ៍មិនល្អ មិនត្រឹមតែរំខានអ្នកមួយថ្ងៃប៉ុណ្ណោះទេ ប៉ុន្តែពួកវា មានសក្តានុពល អាចរំខានអ្នកពេញមួយជីវិត។
ខាងក្រោមនេះជា គន្លឹះមួយចំនួនសម្រាប់ជាជំនួយដល់អ្នកគឺ៖
- គិតអំពី អ្វីមួយ ឬ នរណាម្នាក់ដែលអ្នកកំពុងតែ ចង់អរគុណ។ បញ្ឈប់ អារម្មណ៍មិនល្អដោយ ការចងចាំ មនុស្សដែល ខ្វល់ អំពី អ្នក ឬ មនុស្ស ដែលបានធ្វើអ្វីល្អៗសម្រាប់អ្នក។
- ធ្វើអ្វីដែលល្អៗ។ គិតដល់នរណាម្នាក់ដែលអ្នក អាច ជួយបាន ព្រោះវាជាការពិបាក ក្នុងការស្ថិតនៅក្នុងអារម្មណ៍មិនល្អ នៅពេលដែលអ្នកកំពុងចង់ ជួយដល់នរណាម្នាក់ ។
- ស្តាប់តន្ត្រី ដែលជាសាច់ភ្លេងញាក់ ឬ មិនកំសត់ពេក។ ដាក់ស៊ីឌីសំណព្វចិត្ត ឬ ម៉ាស៊ីនចាក់ MP3 របស់អ្នក ហើយបើកវា និង ទុកអោយ តន្ត្រីជាអ្នករំសាយអារម្មណ៍របស់អ្នក។
- ត្រូវគិតថាអ្នកមិននៅតែម្នាក់ឯងទេ។ ជាធម្មតា មនុស្សជំទង់ទាំងអស់តែងមាន ការផ្លាស់ប្តូរអារម្មណ៍ ជារឿយៗ។ ត្រូវពិភាក្សាជាមួយមិត្តភក្តិអំពី អារម្មណ៍របស់អ្នក។ អ្នកគួរស្វែងរក អ្នកផ្សេងទៀតដែលកំពុងមានអារម្មណ៌ ដូចគ្នាជាមួយអ្នក។
- និយាយជាមួយ នរណាម្នាក់ ។ ប្រសិនបើ មិត្តភក្តិ ឬឪពុកម្តាយរបស់អ្នក មិនអាចពិភាក្សាបានភ្លាមៗ លោកគ្រូអ្នកគ្រូ និង អ្នកផ្តល់ប្រឹក្សាក៏អាចជា អ្នកស្តាប់ ដ៏ល្អមួយដែរ។ កុំទប់អារម្មណ៍របស់អ្នកនៅនិងខ្លួនរបស់អ្នក ព្រោះ នៅពេលដែលពួកវា នៅខាងក្នុង គឺនិងធ្វើឱ្យអ្នកមានបញ្ហាជាច្រើន។
- ទទួលការធ្វើលំហាត់ប្រាណ មួយចំនួន។ ចេញទៅខាងក្រៅឱ្យបានច្រើន ប្រសិនបើអ្នកអាចធ្វើបាន ដូចជា ការដើរ ការជិះកង់ កីឡាវាយកូនបាល់ ឬ កីឡាសំណព្វផ្សេងទៀត ឬ គ្រាន់តែ ដកដង្ហើមឱ្យវែងៗ ហើយ ជ្រៅៗ ហើយរីករាយជាមួយនឹងខ្យល់អាកាសបរិសុទ្ធ។
- គេងឱ្យបានពី ៨ម៉ោងកន្លះ ទៅ ៩ម៉ោងកន្លះ ជារៀងរាល់យប់ ។ ការទទួលទាន ការសំរាកឱ្យបានគ្រប់គ្រាន់ គឺវាជាការសំខាន់ណាស់ ។ ធុញទ្រាន់នឹងអាចនាំឱ្យ អារម្មណ៌របស់អ្នកឆាប់មួរម៉ៅ និង ឆាប់ខឹង ហើយវានិងធ្វើឱ្យ មានការអន់ថយ នូវសមត្ថភាពរបស់អ្នក ដើម្បីគ្រប់គ្រងជាមួយ អារម្មណ៍។
- ដោយគ្រាន់តែ បញ្ចេញវាចេញឱ្យអស់ ។ អ្នកអាចយំបាន ! ជួនកាល ការយំ ក៏ជាការដ៏ល្អ ដែលជួយធ្វើឱ្យអារម្មណ៍របស់អ្នក បានប្រសើរជាងមុន ។
នៅពេលអារម្មណ៍មិនល្អមកដល់ និង អារម្មណ៍មិនល្អចេញទៅ ។ ប៉ុន្តែអ្នកនៅតែ ទុកអារម្មណ៍ក្រៀមក្រំ ឆាប់ខឹង ធុញទ្រាន់ អស់សង្ឃឹមនៅជាមួយ អ្នកហើយ ប្រសិនជាវាកើតឡើងជាញឹកញាប់ ហើយអ្នកមិនអាច ទប់ទល់និងពួកវាបាន អ្នកគួរត្រូវការ ទៅជួបជាមួយអ្នកជំនាញ៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com