លោក ប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ បានប្រាប់សារព័ត៌មានថ្មីៗតាមទូរសព្ទថា អាជ្ញាធរនៅមិនទាន់អាចសន្និដ្ឋានពីទំហំខូចខាតផលដំណាំពលរដ្ឋនៅឡើយទេ។
 

​គួរជម្រាបថា ក្នុងចំណោមក្រុង ស្រុកចំនួន៦ ដែលជួបប្រទះជំនន់ទឹកភ្លៀងនេះ ក្រុងសិរីសោភ័ណ និងក្រុងប៉ោយប៉ែត រងគ្រោះខ្លាំងជាងគេ ដោយសារភ្លៀងធ្លាក់ច្រើន និងមួយផ្នែកទឹកហូរធ្លាក់ពីផ្នែកខាងលើតាមបណ្ដោយដងស្ទឹងនៃស្រុកបរវេល ខេត្តបាត់ដំបង។ ​ជំនន់ទឹកភ្លៀងក្នុងស្រុកមង្គលបូរី មានពលរដ្ឋប្រមាណ៧០០គ្រួសារ ត្រូវជម្លៀសទៅទីទួលសុវត្ថិភាព​ ខណៈនៅស្រុកភ្នំស្រុក អាជ្ញាធរបានជម្លៀសពលរដ្ឋ​៥៩គ្រួសារ ទៅ​ទីទួលសុវត្ថិភាព។
 

​សូមជម្រាបថា នៅព្រឹកថ្ងៃទី២១ ខែកញ្ញាកន្លងទៅនេះ ក្រសួងធនធានទឹក និងឧតុនិយម បានព្យាករណ៍ថា រាជធានីភ្នំពេញ និងខេត្តចំនួន ១១ នឹងអាចរងជំនន់ទឹកភ្លៀង ពីថ្ងៃទី២២ ដល់ថ្ងៃទី២៨ ខែកញ្ញា៕