«ប្រាស» ជាកិរិយាសព្ទ ដែលមាន​ន័យថា ឃ្លាតចេញ, ព្រាត់ចេញ, ចាកចេញ ។ ប្រាសចាក, ឃ្លាតចាក, ផុតចាក, គ្មាន, ឥត។ ចិត្តប្រាសចាកមន្ទិល, មនុស្សប្រាសចាកទោស ។

 

ប្រាសនិរាស ប្រាសឃ្លាតចេញឆ្ងាយអស់មានសង្ឃឹមថានឹងបានឃើញឬបានចួបទៀត។ ប្រាសព្រាត់ ឬ ព្រាត់ប្រាស ព្រាត់ឃ្លាតចាកបុគ្គលជាទីស្រឡាញ់លែងឃើញគ្នា ។ 

 

ពាក្យកាព្យ៖ បំណាច់នឹងប្រាសព្រាត់ គួរហាមាត់ផ្ដាំមួយម៉ាត់ ហេតុម្ដេចក៏ទៅបាត់ ស្ងាត់ដំណឹងឈឹងសូន្យសោះ ។

 

រីឯ «ប្រាស់» ជា​បរិវារសព្ទ សម្រាប់ប្រើផ្សំជាមួយនឹងពាក្យផ្សេងៗ ក្នុងនោះដូចជា «ប្រើ»  ប្រើប្រាស់, «បោក» បោកប្រាស់៕