ព័ត៌មានពិស្ដារ សូមស្ដាប់បទសម្ភាសរវាងអ្នកសារព័ត៌មានថ្មីៗប្រចាំខេត្តសៀមរាប គឺអ្នកនាង អ៊ីសា រ៉ហានី ជាមួយលោក ហាយ យង់ មន្រ្តីរដ្ឋបាលក្រុងសៀមរាប និងជាអ្នកសម្របសម្រួលលើការងារកៀរគរពលរដ្ឋខាងលើនេះ៖ 

 

 

ពលរដ្ឋសរុបចំនួន ៣,៨៦៨គ្រួសារហើយ ដែលស្ម័គ្រចិត្តទទួលយកគោលការណ៍រស់នៅភូមិអភិវឌ្ឍន៍ថ្មីនៅរុនតាឯក ស្រុកបន្ទាយស្រី។ តាមការរៀបរាប់របស់លោក ហាយ យង់ ក្នុងចំណោមនោះរួមមាន សង្កាត់គោកចក មាន៣ភូមិ គឺភូមិត្រពាំងសេស ភូមិទស្សិណត្បូង និងភូមិវាល។ សង្កាត់ស្លក្រាម មានភូមិមណ្ឌល៣ និងខ្លះទៀតនៅសង្កាត់នគរធំ។ 

 

ភូមិមណ្ឌល៣ ដែលនៅបាំងព្រៃចម្ងាយជាងមួយគីឡូម៉ែត្រពីប្រាសាទអង្គរវត្ត មានចំនួន ១៤០០ខ្នងផ្ទះ ឬគ្រួសារ តែអាចមានខ្ទង់២ពាន់គ្រួសារ ទាំងសមាជិកដែលមិនទាន់បែកគ្រួសារ។ បច្ចុប្បន្ន ពលរដ្ឋសម្រេចចាកចេញចំនួន ៩៥៤គ្រួសារ ឬស្មើនឹង៥០ភាគរយហើយ។ 

 

តាមការពន្យល់របស់លោក ហាយ យង់ អ្នកស្ម័គ្រចិត្តភាគច្រើនយល់ថា ពួកគេនឹងទទួលបានដីកម្មសិទ្ធិស្របច្បាប់ ខុសពីបច្ចុប្បន្នដែលរស់នៅក្នុងតំបន់រមណីយដ្ឋានអង្គរ ដែលជាដីកម្មសិទ្ធិគ្រប់គ្រងដោយរដ្ឋ និងមិនស្របច្បាប់។ ចំណែកអ្នកដែលមិនទាន់សម្រេចចិត្ត ពួកគេនៅស្ដាយស្រណោះទ្រព្យសម្បត្តិដូចជាសំណង់ផ្ទះធំ និងបារម្ភពីជីវភាពនៅតំបន់ថ្មីជាដើម៕