កញ្ញា សុង សុធាវី៖ កញ្ញា ជានិស្សិតមកពីក្រៅប្រទេស កញ្ញាអាចមានឱកាសការងារច្រើនរង់ចាំ និងចង់បានកញ្ញាទៅធ្វើការឱ្យ  ហេតុអ្វីសម្រេចចិត្តជ្រើសយកក្រុមហ៊ុនសេវេនរេហ្សីដិនស៍ខុនដូ?
 

កញ្ញា មាស ពិសី៖ ចាសនៅកម្ពុជាយើង ខឿនសេដ្ឋកិច្ចមានប្រាំធំៗគឺ វិស័យកសិកម្ម វិស័យវាយណភណ្ឌ និងសម្លៀកបំពាក់  វិស័យសេវាកម្ម វិស័យអចនទ្រព្យ និងវិស័យហិរញ្ញវត្ថុ។ អ៊ីចឹងខ្ញុំចាប់អារម្មណ៍វិស័យអចលនទ្រព្យ ដែលដើរតួនាទីយ៉ាងសំខាន់ទ្រទ្រង់សេដ្ឋកិច្ចជាតិ ដោយមើលឃើញពីសក្តានុពល និងភាពរីកចម្រើន ទើបខ្ញុំសម្រេចចិត្តចូលរួមរាល់ការងារជាមួយខុនដូ សេវេនរេហ្សីដិនស៍ ដើម្បីផ្សព្វផ្សាយ និងលក់ខុនដូហ្នឹងតែម្តង។ ខ្ញុំឃើញខុនដូរនេះមានលក្ខណៈពិសេសប្លែកពីគេ ដែលរចនាជារាងអក្សរ U មានខ្យល់ និងពន្លឺចេញចូលគ្រប់គ្រាន់ ហើយផ្តល់ភាពងាយស្រួលដល់អតិថិជនក្នុងការរស់នៅ។ ពិសេសជិត៥ឆ្នាំក្នុងវិស័យនេះ ខ្ញុំមើលឃើញថា ពីមុនច្រើនតែយុវជនចាប់ពីវ័យ ២៥ឆ្នាំ ដល់៤០ឆ្នាំចូលចិត្តរស់នៅខុនដូ តែពេលនេះអ្នកមានវ័យចាប់ពី៤០ឆ្នាំ ក៏ចូលចិត្តរស់នៅច្រើនដែរ ព្រោះវាមានភាពស៊ីវិល័យ និងផ្តល់ជូនជីវិតឯកជនខ្ពស់ ព្រមទាំងការសន្សំសំចៃផងដែរ។

 

កញ្ញា សុង សុធាវី៖ ស្របពេលដែលអគារ ឬ ខុនដូរជាច្រើននៅទីក្រុងភ្នំពេញរីកលូតឡើងហើយនោះ  តើកត្តាអ្វីទៀតជំរុញឱ្យកញ្ញាបន្តដំណើរជាមួយក្រុមហ៊ុនមួយនេះដូចបច្ចុប្បន្ន?
 

កញ្ញា មាស ពិសី៖ ចាសទី២ គឺទីតាំងឋិតក្នុងតំបន់ដែលមានសក្តានុពល ហើយជុំវិញយើងឃើញផ្សារទំនើបម៉ាក្រូ អ៊ីអនពីរ សាលារៀន មន្ទីរពេទ្យ ។ល។ ហើយទី៣ ម្ចាស់គម្រោងមានទំនួលខុសត្រូវខ្ពស់ ចំពោះអតិថិជន និងបុគ្គលិកផងដែរ។  នាងខ្ញុំមានឱកាសចូលរួមអភិវឌ្ឍប្រទេសជាតិ តាមរយៈគម្រោង ខុនដូសេវេនរេហ្សីដិនស៍ ដែលកន្លងមកខ្ញុំធ្លាប់ទៅរៀន និងរស់នៅប្រទេសកូរ៉េខាងត្បូង ប្រទេសន័រវ៉េ ដែលជាប្រទេសអភិវឌ្ឍ ហើយប្រទេសកម្ពុជាគឺជាប្រទេសកំពុងអភិវឌ្ឍន៍។  ដូចនេះហើយស្របតាមសម័យបច្ចេកវិទ្យាទំនើប ធ្វើឱ្យផ្នត់គំនិតប្រជាជនកម្ពុជាយល់ថា ការរស់នៅខុនដូមានភាពងារយស្រួលច្រើនផងដែរ៕